9. Kiṃkaṇikapupphiyattheraapadānaṃ
47.
‘‘ Sumaṅgaloti nāmena , sayambhū aparājito ;
Pavanā nikkhamitvāna , nagaraṃ pāvisī jino .
48.
‘‘ Piṇḍacāraṃ
M1.225 caritvāna , nikkhamma nagarā muni ;Katakiccova sambuddho , so vasī vanamantare .
49.
‘‘ Kiṃkaṇipupphaṃ
V1.209P1.202 paggayha , buddhassa abhiropayiṃ ;Pasannacitto sumano , sayambhussa mahesino .
50.
‘‘ Catunnavutito kappe , yaṃ pupphamabhiropayiṃ ;
Duggatiṃ nābhijānāmi , buddhapūjāyidaṃ phalaṃ .
51.
‘‘ Chaḷāsītimhito kappe , apilāsisanāmako ;
Sattaratanasampanno , cakkavattī mahabbalo .
52.
‘‘ Paṭisambhidā catasso … pe … kataṃ buddhassa sāsanaṃ ’’.
Itthaṃ
T1.299 sudaṃ āyasmā kiṃkaṇikapupphiyo thero imā gāthāyo abhāsitthāti .Kiṃkaṇikapupphiyattherassāpadānaṃ navamaṃ .