2. Soṇakoḷivisattheraapadānaṃ
25.
‘‘ Anomadassissa
M1.104V1.92 munino , lokajeṭṭhassa tādino ;Sudhāya lepanaṃ katvā , caṅkamaṃ kārayiṃ ahaṃ .
26.
‘‘ Nānāvaṇehi pupphehi , caṅkamaṃ santhariṃ ahaṃ ;
Ākāse vitānaṃ katvā , bhojayiṃ buddhamuttamaṃ .
27.
‘‘ Añjaliṃ
T1.134 paggahetvāna , abhivādetvāna subbataṃ [ pupphakaṃ ( ka .)];Dīghasālaṃ bhagavato , niyyādesimahaṃ tadā .
28.
‘‘ Mama saṅkappamaññāya , satthā loke anuttaro ;
Paṭiggahesi bhagavā , anukampāya cakkhumā .
29.
‘‘ Paṭiggahetvāna sambuddho , dakkhiṇeyyo sadevake ;
Bhikkhusaṅghe nisīditvā , imā gāthā abhāsatha .
30.
‘‘‘ Yo so haṭṭhena cittena , dīghasālaṃ adāsi [ akāsi ( sī .)] me ;
Tamahaṃ kittayissāmi , suṇātha mama bhāsato .
31.
‘‘‘ Imassa
P1.94 maccukālamhi , puññakammasamaṅgino ;Sahassayuttassaratho , upaṭṭhissati tāvade .
32.
‘‘‘ Tena yānenayaṃ poso , devalokaṃ gamissati ;
Anumodissare devā , sampatte kusalabbhave [ kusale bhave ( sī . syā .)].
33.
‘‘‘ Mahārahaṃ byamhaṃ seṭṭhaṃ , ratanamattikalepanaṃ ;
Kūṭāgāravarūpetaṃ , byamhaṃ ajjhāvasissati .
34.
‘‘‘ Tiṃsakappasahassāni , devaloke ramissati ;
Pañcavīsati kappāni , devarājā bhavissati .
35.
‘‘‘ Sattasattatikkhattuñca , cakkavattī bhavissati ;
Yasodharasanāmā [ yasedharā samānā ( sī .)] te , sabbepi ekanāmakā .
36.
‘‘‘ Dve sampattī anubhotvā , vaḍḍhetvā [ cinitvā ( syā .)] puññasañcayaṃ ;
Aṭṭhavīsatikappamhi , cakkavattī bhavissati .
37.
‘‘‘ Tatrāpi
T1.135M1.105 byamhaṃ pavaraṃ , vissakammena māpitaṃ ;Dasasaddāvivittaṃ taṃ , puramajjhāvasissati .
38.
‘‘‘ Aparimeyye
V1.93 ito kappe , bhūmipālo mahiddhiko ;Okkāko nāma nāmena , rājā raṭṭhe bhavissati .
39.
‘‘‘ Soḷasitthisahassānaṃ , sabbāsaṃ pavarā ca sā [ pavarāva yā ( syā .), pavarā piyā (?)];
Abhijātā khattiyānī , nava putte janessati .
40.
‘‘‘ Nava putte janetvāna , khattiyānī marissati ;
Taruṇī ca piyā kaññā , mahesittaṃ karissati .
41.
‘‘‘ Okkākaṃ tosayitvāna , varaṃ kaññā labhissati ;
Varaṃ laddhāna sā kaññā , putte pabbājayissati .
42.
‘‘‘ Pabbājitā ca te sabbe , gamissanti naguttamaṃ ;
Jātibhedabhayā sabbe , bhaginīhi vasissare [ saṃvasissare ( sī .)].
43.
‘‘‘ Ekā ca kaññā byādhīhi , bhavissati parikkhatā [ purakkhatā ( syā . ka .)];
Mā no jāti pabhijjīti , nikhaṇissanti khattiyā .
44.
‘‘‘ Khattiyo nīharitvāna , tāya saddhiṃ vasissati ;
Bhavissati tadā bhedo , okkākakulasambhavo .
45.
‘‘‘ Tesaṃ
P1.95 pajā bhavissanti , koḷiyā nāma jātiyā ;Tattha mānusakaṃ bhogaṃ , anubhossatinappakaṃ .
46.
‘‘‘ Tamhā kāyā cavitvāna , devalokaṃ gamissati ;
Tatrāpi pavaraṃ byamhaṃ , labhissati manoramaṃ .
47.
‘‘‘ Devalokā
T1.136 cavitvāna , sukkamūlena codito ;Āgantvāna manussattaṃ , soṇo nāma bhavissati .
48.
‘‘‘ Āraddhavīriyo pahitatto , padahaṃ satthu sāsane ;
Sabbāsave pariññāya , nibbāyissatināsavo .
49.
‘‘‘ Anantadassī bhagavā , gotamo sakyapuṅgavo ;
Visesaññū mahāvīro , aggaṭṭhāne ṭhapessati ’.
50.
‘‘ Vuṭṭhamhi
M1.106 deve caturaṅgulamhi , tiṇe anileritaaṅgaṇamhi ;Ṭhatvāna yogassa payuttatādino , tatottariṃ pāramatā na vijjati .
51.
‘‘ Uttame damathe danto , cittaṃ me supaṇīhitaṃ ;
Bhāro me ohito sabbo , nibbutomhi anāsavo .
52.
‘‘ Aṅgīraso
V1.94 mahānāgo , abhijātova kesarī ;Bhikkhusaṅghe nisīditvā , etadagge ṭhapesi maṃ .
53.
‘‘ Paṭisambhidā catasso … pe … kataṃ buddhassa sāsanaṃ ’’.
Itthaṃ sudaṃ āyasmā soṇo koḷiviso [ koḷiyavesso ( sī . syā .), koṭikaṇṇo ( ka .)] thero imā gāthāyo abhāsitthāti .
Soṇakoḷivisattherassāpadānaṃ dutiyaṃ .