2. Sāgatattheraapadānaṃ
17.
‘‘ Sobhito
P1.83 nāma nāmena , ahosiṃ brāhmaṇo tadā ;Purakkhato sasissehi , ārāmaṃ agamāsahaṃ .
18.
‘‘ Bhagavā tamhi samaye , bhikkhusaṅghapurakkhato ;
Ārāmadvārā nikkhamma , aṭṭhāsi purisuttamo .
19.
‘‘ Tamaddasāsiṃ sambuddhaṃ , dantaṃ dantapurakkhataṃ ;
Sakaṃ cittaṃ pasādetvā , santhaviṃ lokanāyakaṃ .
20.
‘‘ Ye keci pādapā sabbe , mahiyā te virūhare ;
Buddhimanto
T1.119 tathā sattā , ruhanti jinasāsane . 21.
‘‘ Satthavāhosi sappañño , mahesi bahuke jane ;
Vipathā uddharitvāna , pathaṃ ācikkhase tuvaṃ .
22.
‘‘ Danto
M1.93 dantaparikiṇṇo [ purakkhato ( syā .)], jhāyī jhānaratehi ca ;Ātāpī pahitattehi , upasantehi tādibhi .
23.
‘‘ Alaṅkato parisāhi , puññañāṇehi sobhati ;
Pabhā niddhāvate tuyhaṃ , sūriyodayane yathā .
24.
‘‘ Pasannacittaṃ
V1.82 disvāna , mahesī padumuttaro ;Bhikkhusaṅghe ṭhito satthā , imā gāthā abhāsatha .
25.
‘‘‘ Yo so hāsaṃ janetvāna , mamaṃ kittesi brāhmaṇo ;
Kappānaṃ satasahassaṃ , devaloke ramissati .
26.
‘‘‘ Tusitā hi cavitvāna , sukkamūlena codito ;
Gotamassa bhagavato , sāsane pabbajissati .
27.
‘‘‘ Tena kammena sukatena , arahattaṃ [ tuṭṭhahaṭṭhaṃ ( syā . ka .)] labhissati ;
Sāgato nāma nāmena , hessati satthu sāvako ’.
28.
‘‘ Pabbajitvāna kāyena , pāpakammaṃ vivajjayiṃ ;
Vacīduccaritaṃ hitvā , ājīvaṃ parisodhayiṃ .
29.
‘‘ Evaṃ
P1.84 viharamānohaṃ , tejodhātūsu kovido ;Sabbāsave pariññāya , viharāmi anāsavo .
30.
‘‘ Paṭisambhidā
T1.120 catasso … pe … kataṃ buddhassa sāsanaṃ ’’.Itthaṃ sudaṃ āyasmā sāgato thero imā gāthāyo abhāsitthāti .
Sāgatattherassāpadānaṃ dutiyaṃ .