6. Udakapūjakattheraapadānaṃ
29.
‘‘ Suvaṇṇavaṇṇaṃ
M1.157V1.143 sambuddhaṃ , gacchantaṃ anilañjase ;Ghatāsanaṃva jalitaṃ , ādittaṃva hutāsanaṃ .
30.
‘‘ Pāṇinā udakaṃ gayha , ākāse ukkhipiṃ ahaṃ ;
Sampaṭicchi mahāvīro , buddho kāruṇiko isi [ mayi ( syā .)].
31.
‘‘ Antalikkhe
P1.143 ṭhito satthā , padumuttaranāmako ;Mama saṅkappamaññāya , imaṃ gāthaṃ abhāsatha .
32.
‘‘‘ Iminā dakadānena , pītiuppādanena ca ;
Kappasatasahassampi , duggatiṃ nupapajjati ’[ nupapajjasi ( ka .)].
33.
‘‘ Tena kammena dvipadinda , lokajeṭṭha narāsabha ;
Pattomhi acalaṃ ṭhānaṃ , hitvā jayaparājayaṃ .
34.
‘‘ Sahassarājanāmena
T1.205 , tayo te cakkavattino ;Pañcasaṭṭhikappasate , cāturantā janādhipā .
35.
‘‘ Paṭisambhidā catasso … pe … kataṃ buddhassa sāsanaṃ ’’.
Itthaṃ sudaṃ āyasmā udakapūjako thero imā gāthāyo abhāsitthāti .
Udakapūjakattherassāpadānaṃ chaṭṭhaṃ .