5. Pañcahatthiyattheraapadānaṃ
77.
‘‘ Sumedho
T1.140 nāma sambuddho , gacchate antarāpaṇe ;Okkhittacakkhu [ khittacakkhu ( ka . sī . ka .)] mitabhāṇī , satimā saṃvutindriyo .
78.
‘‘ Pañca uppalahatthāni , āveḷatthaṃ ahaṃsu me ;
Tena buddhaṃ apūjesiṃ , pasanno sehi pāṇibhi .
79.
‘‘ Āropitā
P1.98 ca te pupphā , chadanaṃ assu satthuno ;Samādhiṃsu [ saṃsāviṃsu ( sī .)] mahānāgaṃ , sissā ācariyaṃ yathā .
80.
‘‘ Tiṃsakappasahassamhi
M1.109 , yaṃ pupphamabhiropayiṃ ;Duggatiṃ nābhijānāmi , buddhapūjāyidaṃ phalaṃ .
81.
‘‘ Ito vīsakappasate , ahesuṃ pañca khattiyā ;
Hatthiyā nāma nāmena , cakkavattī mahabbalā .
82.
‘‘ Paṭisambhidā catasso … pe … kataṃ buddhassa sāsanaṃ ’’.
Itthaṃ sudaṃ āyasmā pañcahatthiyo thero imā gāthāyo abhāsitthāti .
Pañcahatthiyattherassāpadānaṃ pañcamaṃ .