9. Biḷālidāyakattheraapadānaṃ
53.
‘‘ Himavantassāvidūre
P1.145 , vasāmi paṇṇasanthare ;Ghāsesu gedhamāpanno , seyyasīlo cahaṃ [ seyasīlovahaṃ ( syā . ka .)] tadā .
54.
‘‘ Khaṇantālu [ khaṇamālu ( syā .)] kalambāni , biḷālitakkalāni ca ;
Kolaṃ bhallātakaṃ billaṃ , āhatvā paṭiyāditaṃ .
55.
‘‘ Padumuttaro
T1.208 lokavidū , āhutīnaṃ paṭiggaho ;Mama saṅkappamaññāya , āgacchi mama santikaṃ .
56.
‘‘ Upāgataṃ mahānāgaṃ , devadevaṃ narāsabhaṃ ;
Biḷāliṃ paggahetvāna , pattamhi okiriṃ ahaṃ .
57.
‘‘ Paribhuñji mahāvīro , tosayanto mamaṃ tadā ;
Paribhuñjitvāna sabbaññū , imaṃ gāthaṃ abhāsatha .
58.
‘‘‘ Sakaṃ cittaṃ pasādetvā , biḷāliṃ me adā tuvaṃ ;
Kappānaṃ satasahassaṃ , duggatiṃ nupapajjasi ’.
59.
‘‘ Carimaṃ
M1.160 vattate mayhaṃ , bhavā sabbe samūhatā ;Dhāremi antimaṃ dehaṃ , sammāsambuddhasāsane .
60.
‘‘ Catupaññāsito kappe , sumekhaliyasavhayo ;
Sattaratanasampanno , cakkavattī mahabbalo .
61.
‘‘ Paṭisambhidā catasso … pe … kataṃ buddhassa sāsanaṃ ’’.
Itthaṃ sudaṃ āyasmā biḷālidāyako thero imā gāthāyo abhāsitthāti .
Biḷālidāyakattherassāpadānaṃ navamaṃ .