4. Taraṇiyattheraapadānaṃ
15.
‘‘ Atthadassī tu bhagavā , dvipadindo narāsabho ;
Purakkhato sāvakehi , gaṅgātīramupāgami .
16.
‘‘ Samatitti kākapeyyā , gaṅgā āsi duruttarā ;
Uttārayiṃ bhikkhusaṅghaṃ , buddhañca dvipaduttamaṃ .
17.
‘‘ Aṭṭhārase
M1.229 kappasate , yaṃ kammamakariṃ tadā ;Duggatiṃ nābhijānāmi , taraṇāya idaṃ phalaṃ .
18.
‘‘ Teraseto
P1.205 kappasate , pañca sabbobhavā [ sabbhogavā ( sī .)] ahuṃ ;Sattaratanasampannā , cakkavattī mahabbalā .
19.
‘‘ Pacchime
V1.213 ca bhave asmiṃ , jātohaṃ brāhmaṇe kule ;Saddhiṃ tīhi sahāyehi , pabbajiṃ satthu sāsane .
20.
‘‘ Paṭisambhidā catasso … pe … kataṃ buddhassa sāsanaṃ ’’.
Itthaṃ sudaṃ āyasmā taraṇiyo thero imā gāthāyo abhāsitthāti ;
Taraṇiyattherassāpadānaṃ catutthaṃ .