1. Bhikkhadāyakattheraapadānaṃ
1.
‘‘ Suvaṇṇavaṇṇaṃ
M1.154V1.140P1.140 sambuddhaṃ , āhutīnaṃ paṭiggahaṃ ;Pavarā [ pavanā ( syā .)] abhinikkhantaṃ , vanā nibbanamāgataṃ [ vānā nibbānamāgataṃ ( syā .)].
2.
‘‘ Kaṭacchubhikkhaṃ pādāsiṃ , siddhatthassa mahesino ;
Paññāya upasantassa , mahāvīrassa tādino .
3.
‘‘ Padenānupadāyantaṃ [ padenānupadāyanto ( sī . syā .)], nibbāpente mahājanaṃ ;
Uḷārā vitti me jātā , buddhe ādiccabandhune [ vitti me pāhunā tāva , buddhassādiccabandhuno ( syā .)].
4.
‘‘ Catunnavutito kappe , yaṃ dānamadadiṃ tadā ;
Duggatiṃ nābhijānāmi , bhikkhādānassidaṃ phalaṃ .
5.
‘‘ Sattāsītimhito kappe , mahāreṇu sanāmakā ;
Sattaratanasampannā , sattete cakkavattino .
6.
‘‘ Paṭisambhidā catasso , vimokkhāpi ca aṭṭhime ;
Chaḷabhiññā sacchikatā , kataṃ buddhassa sāsanaṃ ’’.
Itthaṃ
T1.201 sudaṃ āyasmā bhikkhadāyako thero imā gāthāyo abhāsitthāti .Bhikkhadāyakattherassāpadānaṃ paṭhamaṃ .