7. Pañcadīpakattheraapadānaṃ
50.
‘‘ Padumuttarabuddhassa , sabbabhūtānukampino ;
Saddahitvāna [ susaṇṭhahitvā ( sī .)] saddhamme , ujudiṭṭhi ahosahaṃ .
51.
‘‘ Padīpadānaṃ
M1.120 pādāsiṃ , parivāretvāna bodhiyaṃ ;Saddahanto padīpāni , akariṃ tāvade ahaṃ .
52.
‘‘ Yaṃ yaṃ yonupapajjāmi , devattaṃ atha mānusaṃ ;
Ākāse ukkaṃ dhārenti , dīpadānassidaṃ phalaṃ .
53.
‘‘ Tirokuṭṭaṃ tiroselaṃ , samatiggayha pabbataṃ ;
Samantā yojanasataṃ , dassanaṃ anubhomahaṃ .
54.
‘‘ Tena kammāvasesena , pattomhi āsavakkhayaṃ ;
Dhāremi antimaṃ dehaṃ , dvipadindassa sāsane .
55.
‘‘ Catuttiṃse kappasate , satacakkhusanāmakā ;
Rājāhesuṃ mahātejā , cakkavattī mahabbalā .
56.
‘‘ Paṭisambhidā
T1.156V1.107 catasso … pe … kataṃ buddhassa sāsanaṃ ’’.Itthaṃ sudaṃ āyasmā pañcadīpako thero imā gāthāyo abhāsitthāti .
Pañcadīpakattherassāpadānaṃ sattamaṃ .