4. Atthirāgasuttaṃ

Author： _System_Pali_VRI_ @ Administrator

4. Atthirāgasuttaṃ

64. SāvatthiyaṃM1.325P2.101 viharati … pe …‘‘ cattārome , bhikkhave , āhārā bhūtānaṃ vā sattānaṃ ṭhitiyā sambhavesīnaṃ vā anuggahāya .

Katame cattāro ?

Kabaḷīkāro āhāro oḷāriko vā sukhumo vā , phasso dutiyo , manosañcetanā tatiyā , viññāṇaṃ catutthaṃ .

Ime kho , bhikkhave , cattāro āhārā bhūtānaṃ vā sattānaṃ ṭhitiyā sambhavesīnaṃ vā anuggahāya ’’.

‘‘ Kabaḷīkāre ce , bhikkhave , āhāre atthi rāgo atthi nandī atthi taṇhā , patiṭṭhitaṃ tattha viññāṇaṃ virūḷhaṃ .

Yattha patiṭṭhitaṃ viññāṇaṃ virūḷhaṃ , atthi tattha nāmarūpassa avakkanti .

Yattha atthi nāmarūpassa avakkanti , atthi tattha saṅkhārānaṃ vuddhi .

YatthaT2.123 atthi saṅkhārānaṃ vuddhi , atthi tattha āyatiṃ punabbhavābhinibbatti .

Yattha atthi āyatiṃ punabbhavābhinibbatti , atthi tattha āyatiṃ jātijarāmaraṇaṃ .

Yattha atthi āyatiṃ jātijarāmaraṇaṃ , sasokaṃ taṃ , bhikkhave , sadaraṃ saupāyāsanti vadāmi .

‘‘ Phasse ce , bhikkhave , āhāre … pe … manosañcetanāya ce , bhikkhave , āhāre … viññāṇe ce , bhikkhave , āhāre atthi rāgo atthi nandī atthi taṇhā , patiṭṭhitaṃ tattha viññāṇaṃ virūḷhaṃ .

Yattha patiṭṭhitaṃ viññāṇaṃ virūḷhaṃ , atthi tattha nāmarūpassa avakkanti .

Yattha atthi nāmarūpassa avakkanti , atthi tattha saṅkhārānaṃ vuddhi .

Yattha atthi saṅkhārānaṃ vuddhi , atthi tattha āyatiṃ punabbhavābhinibbatti .

Yattha atthi āyatiṃ punabbhavābhinibbatti , atthi tattha āyatiṃ jātijarāmaraṇaṃ .

Yattha atthi āyatiṃ jātijarāmaraṇaṃ , sasokaṃ taṃ , bhikkhave , sadaraṃ saupāyāsanti vadāmi .

‘‘ SeyyathāpiV1.90 , bhikkhave , rajako vā cittakārako vā sati rajanāya vā lākhāya vā haliddiyā vā nīliyā vā mañjiṭṭhāyaP2.102 vā suparimaṭṭhe vā phalake bhittiyā vā dussapaṭṭe vā itthirūpaṃ vā purisarūpaṃ vā abhinimmineyya sabbaṅgapaccaṅgaṃ ;

evameva kho , bhikkhave , kabaḷīkāre ce āhāre atthi rāgo atthi nandī atthi taṇhā , patiṭṭhitaṃ tattha viññāṇaṃ virūḷhaṃ .

Yattha patiṭṭhitaṃ viññāṇaṃ virūḷhaṃ , atthi tattha nāmarūpassa avakkanti .

Yattha atthi nāmarūpassa avakkanti , atthi tattha saṅkhārānaṃ vuddhi .

Yattha atthi saṅkhārānaṃ vuddhi , atthi tatthaT2.124 āyatiṃ punabbhavābhinibbatti .

Yattha atthi āyatiṃ punabbhavābhinibbatti , atthi tatthaM1.326 āyatiṃ jātijarāmaraṇaṃ .

Yattha atthi āyatiṃ jātijarāmaraṇaṃ , sasokaṃ taṃ , bhikkhave , sadaraṃ saupāyāsanti vadāmi .

Yattha patiṭṭhitaṃ viññāṇaṃ virūḷhaṃ , atthi tattha nāmarūpassa avakkanti .

Yattha atthi nāmarūpassa avakkanti , atthi tattha saṅkhārānaṃ vuddhi .

Yattha atthi saṅkhārānaṃ vuddhi , atthi tattha āyatiṃ punabbhavābhinibbatti .

Yattha atthi āyatiṃ punabbhavābhinibbatti , atthi tattha āyatiṃ jātijarāmaraṇaṃ .

Yattha atthi āyatiṃ jātijarāmaraṇaṃ , sasokaṃ taṃ , bhikkhave , sadaraṃ saupāyāsanti vadāmi .

‘‘ Kabaḷīkāre ce , bhikkhave , āhāre natthi rāgo natthi nandī natthi taṇhā , appatiṭṭhitaṃ tattha viññāṇaṃ avirūḷhaṃ .

Yattha appatiṭṭhitaṃ viññāṇaṃ avirūḷhaṃ , natthi tattha nāmarūpassa avakkanti .

Yattha natthi nāmarūpassa avakkanti , natthi tattha saṅkhārānaṃ vuddhi .

Yattha natthi saṅkhārānaṃ vuddhi , natthi tattha āyatiṃ punabbhavābhinibbatti .

Yattha natthi āyatiṃ punabbhavābhinibbatti , natthi tattha āyatiṃ jātijarāmaraṇaṃ .

Yattha natthi āyatiṃ jātijarāmaraṇaṃ , asokaṃ taṃ , bhikkhave , adaraṃ anupāyāsanti vadāmi .

‘‘ PhasseP2.103 ce , bhikkhave , āhāre … pe … manosañcetanāya ce , bhikkhave , āhāre … viññāṇe ce , bhikkhave , āhāreT2.125 natthi rāgo natthi nandī natthi taṇhā , appatiṭṭhitaṃ tattha viññāṇaṃ avirūḷhaṃ .

Yattha appatiṭṭhitaṃ viññāṇaṃ avirūḷhaṃ , natthi tattha nāmarūpassa avakkantiV1.91 .

Yattha natthi nāmarūpassa avakkanti , natthi tattha saṅkhārānaṃ vuddhi .

Yattha natthi saṅkhārānaṃ vuddhi , natthi tattha āyatiṃ punabbhavābhinibbatti .

Yattha natthi āyatiṃ punabbhavābhinibbatti , natthi tattha āyatiṃ jātijarāmaraṇaṃ .

Yattha natthi āyatiṃ jātijarāmaraṇaṃ , asokaṃ taṃ , bhikkhave , adaraṃ anupāyāsanti vadāmi .

‘‘ Seyyathāpi , bhikkhave , kūṭāgāraṃ vā kūṭāgārasālaṃ vā uttarāya vā dakkhiṇāya vā pācīnāya vā vātapānā sūriye uggacchante vātapānena rasmi pavisitvā kvāssa patiṭṭhitā ’’[ kattha patiṭṭhitā ( ka .)] ti ?

‘‘ Pacchimāyaṃ , bhante , bhittiyan ’’ ti .

‘‘ Pacchimā ce , bhikkhave , bhitti nāssa kvāssa patiṭṭhitā ’’ ti ?

‘‘ Pathaviyaṃ , bhante ’’ ti .

‘‘ Pathavī ce , bhikkhaveM1.327 , nāssa kvāssa patiṭṭhitā ’’ ti ?

‘‘ Āpasmiṃ , bhante ’’ ti .

‘‘ Āpo ce , bhikkhave , nāssa kvāssa patiṭṭhitā ’’ ti ?

‘‘ Appatiṭṭhitā , bhante ’’ ti .

‘‘ Evameva kho , bhikkhave , kabaḷīkāre ce āhāre natthi rāgo natthi nandī natthi taṇhā … pe ….

‘‘ Phasse ce , bhikkhave , āhāre … manosañcetanāya ce , bhikkhave , āhāre … viññāṇe ce , bhikkhave , āhāre natthi rāgo natthi nandī natthi taṇhā , appatiṭṭhitaṃ tattha viññāṇaṃ avirūḷhaṃ .

Yattha appatiṭṭhitaṃ viññāṇaṃ avirūḷhaṃ , natthi tattha nāmarūpassa avakkanti .

Yattha natthi nāmarūpassa avakkanti , natthi tattha saṅkhārānaṃ vuddhi .

Yattha natthi saṅkhārānaṃT2.126 vuddhi , natthi tattha āyatiṃ punabbhavābhinibbattiP2.104 .

Yattha natthi āyatiṃ punabbhavābhinibbatti , natthi tattha āyatiṃ jātijarāmaraṇaṃ .

Yattha natthi āyatiṃ jātijarāmaraṇaṃ asokaṃ taṃ , bhikkhave , adaraṃ anupāyāsanti vadāmī ’’ ti .

Catutthaṃ .

Issues

Select Version

Nidānavaggo

Nidānavaggo