1. Bhūtasuttaṃ
31. Ekaṃ
T2.56 samayaṃ bhagavā sāvatthiyaṃ viharati .Tatra kho bhagavā āyasmantaṃ sāriputtaṃ āmantesi –
‘‘ vuttamidaṃ , sāriputta , pārāyane [ pārāyaṇe ( sī .)] ajitapañhe –
‘‘ Ye ca saṅkhātadhammāse , ye ca sekkhā puthū idha ;
Tesaṃ me nipako iriyaṃ , puṭṭho pabrūhi mārisā ’’ ti .
‘‘ Imassa nu kho , sāriputta , saṃkhittena bhāsitassa kathaṃ vitthārena attho daṭṭhabbo ’’ ti ?
Evaṃ
V1.43 vutte , āyasmā sāriputto tuṇhī ahosi .Dutiyampi kho bhagavā āyasmantaṃ sāriputtaṃ āmantesi … pe … dutiyampi kho āyasmā sāriputto tuṇhī ahosi .
Tatiyampi kho bhagavā āyasmantaṃ sāriputtaṃ āmantesi –
‘‘ vuttamidaṃ , sāriputta , pārāyane ajitapañhe –
‘‘ Ye ca saṅkhātadhammāse , ye ca sekkhā puthū idha ;
Tesaṃ me nipako iriyaṃ , puṭṭho pabrūhi mārisā ’’ ti .
‘‘ Imassa
P2.48 nu kho , sāriputta , saṃkhittena bhāsitassa kathaṃ vitthārena attho daṭṭhabbo ’’ ti ?Tatiyampi kho āyasmā sāriputto tuṇhī ahosi .
‘‘ Bhūtamidanti , sāriputta , passasī ’’ ti ?
Bhūtamidanti , bhante , yathābhūtaṃ
T2.57 sammappaññāya passati .Bhūtamidanti yathābhūtaṃ sammappaññāya disvā bhūtassa nibbidāya virāgāya nirodhāya paṭipanno hoti .
Tadāhārasambhavanti yathābhūtaṃ sammappaññāya passati .
Tadāhārasambhavanti yathābhūtaṃ sammappaññāya disvā āhārasambhavassa nibbidāya virāgāya nirodhāya paṭipanno
M1.282 hoti .Tadāhāranirodhā yaṃ bhūtaṃ taṃ nirodhadhammanti yathābhūtaṃ sammappaññāya passati .
Tadāhāranirodhā yaṃ bhūtaṃ taṃ nirodhadhammanti yathābhūtaṃ sammappaññāya disvā nirodhadhammassa nibbidāya virāgāya nirodhāya paṭipanno hoti .
Evaṃ kho , bhante , sekkho hoti .
‘‘ Kathañca , bhante , saṅkhātadhammo hoti ?
Bhūtamidanti , bhante , yathābhūtaṃ sammappaññāya passati .
Bhūtamidanti yathābhūtaṃ sammappaññāya disvā bhūtassa nibbidā virāgā nirodhā anupādā vimutto hoti .
Tadāhārasambhavanti yathābhūtaṃ sammappaññāya passati .
Tadāhārasambhavanti yathābhūtaṃ sammappaññāya disvā āhārasambhavassa nibbidā virāgā nirodhā anupādā vimutto hoti .
Tadāhāranirodhā yaṃ bhūtaṃ taṃ nirodhadhammanti yathābhūtaṃ sammappaññāya passati .
Tadāhāranirodhā yaṃ bhūtaṃ taṃ nirodhadhammanti yathābhūtaṃ sammappaññāya disvā nirodhadhammassa nibbidā virāgā nirodhā
P2.49 anupādā vimutto hoti .Evaṃ kho , bhante , saṅkhātadhammo hoti .
Iti kho , bhante , yaṃ taṃ vuttaṃ pārāyane ajitapañhe –
‘‘ Ye
T2.58V1.44 ca saṅkhātadhammāse , ye ca sekkhā puthū idha ;Tesaṃ me nipako iriyaṃ , puṭṭho pabrūhi mārisā ’’ ti .
‘‘ Imassa khvāhaṃ , bhante , saṃkhittena bhāsitassa evaṃ vitthārena atthaṃ ājānāmī ’’ ti .
‘‘ Sādhu sādhu , sāriputta , bhūtamidanti , sāriputta , yathābhūtaṃ sammappaññāya passati .
Bhūtamidanti yathābhūtaṃ sammappaññāya disvā bhūtassa nibbidāya virāgāya nirodhāya paṭippanno hoti .
Tadāhārasambhavanti yathābhūtaṃ sammappaññāya passati .
Tadāhārasambhavanti yathābhūtaṃ sammappaññāya disvā āhārasambhavassa nibbidāya virāgāya nirodhāya paṭipanno hoti .
Tadāhāranirodhā yaṃ bhūtaṃ nirodhadhammanti yathābhūtaṃ sammappaññāya passati .
Tadāhāranirodhā yaṃ bhūtaṃ taṃ nirodhadhammanti yathābhūtaṃ sammappaññāya disvā nirodhadhammassa nibbidāya virāgāya nirodhāya paṭipanno hoti .
Evaṃ kho , sāriputta , sekkho hoti .
‘‘ Kathañca , sāriputta , saṅkhātadhammo hoti ?
Bhūtamidanti , sāriputta , yathābhūtaṃ sammappaññāya passati .
Bhūtamidanti yathābhūtaṃ sammappaññāya disvā
M1.283 bhūtassa nibbidā virāgā nirodhā anupādā vimutto hoti .Tadāhārasambhavanti yathābhūtaṃ sammappaññāya passati .
Tadāhārasambhavanti yathābhūtaṃ sammappaññāya disvā āhārasambhavassa nibbidā virāgā nirodhā anupādā vimutto hoti .
Tadāhāranirodhā yaṃ bhūtaṃ taṃ nirodhadhammanti yathābhūtaṃ sammappaññāya passati .
Tadāhāranirodhā
T2.59 yaṃ bhūtaṃ taṃ nirodhadhammanti yathābhūtaṃ sammappaññāP2.50 disvā nirodhadhammassa nibbidā virāgā nirodhā anupādā vimutto hoti .Evaṃ kho , sāriputta , saṅkhātadhammo hoti .
Iti kho , sāriputta , yaṃ taṃ vuttaṃ pārāyane ajitapañhe –
‘‘ Ye ca saṅkhātadhammāse , ye ca sekkhā puthū idha ;
Tesaṃ me nipako iriyaṃ , puṭṭho pabrūhi mārisā ’’ ti .
‘‘ Imassa kho sāriputta saṃkhittena bhāsitassa evaṃ vitthārena attho daṭṭhabbo ’’ ti .
Paṭhamaṃ .