4. Kulūpakasuttaṃ

作者： _System_Pali_VRI_ @ Administrator

4. Kulūpakasuttaṃ

147. Sāvatthiyaṃ viharati … pe …‘‘ taṃ kiṃ maññatha , bhikkhave , kathaṃrūpo bhikkhuT2.236 arahati kulūpako hotuṃ , kathaṃrūpo bhikkhu na arahati kulūpako hotun ’’ ti ?

Bhagavaṃmūlakā no , bhante , dhammā … pe … bhagavā etadavoca –

‘‘ YoV1.179 hi koci , bhikkhave , bhikkhu evaṃcitto kulāni upasaṅkamati –

‘ dentuyeva me , mā nādaṃsu ;

bahukaññeva me dentu , mā thokaṃ ;

paṇītaññeva me dentu , mā lūkhaṃ ;

sīghaññeva me dentu , mā dandhaṃ ;

sakkaccaññeva me dentu , mā asakkaccan ’ ti .

Tassa ce , bhikkhave , bhikkhuno evaṃcittassa kulāni upasaṅkamato na denti , tena bhikkhu sandīyati ;

so tatonidānaṃ dukkhaṃ domanassaṃ paṭisaṃvedayati .

Thokaṃ denti , no bahukaṃ … pe … lūkhaṃ denti , no paṇītaṃ … dandhaṃ denti , no sīghaṃ , tena bhikkhu sandīyati ;

so tatonidānaṃM1.404 dukkhaṃ domanassaṃ paṭisaṃvedayati .

Asakkaccaṃ denti , no sakkaccaṃ ;

tena bhikkhu sandīyati ;

soP2.201 tatonidānaṃ dukkhaṃ domanassaṃ paṭisaṃvedayati .

Evarūpo kho , bhikkhave , bhikkhu na arahati kūlūpako hotuṃ .

‘‘ Yo ca kho , bhikkhave , bhikkhu evaṃcitto kulāni upasaṅkamati –

‘ taṃ kutettha labbhā parakulesu – dentuyeva me , mā nādaṃsu ;

bahukaññeva me dentu , mā thokaṃ ;

paṇītaññeva me dentu , mā lūkhaṃ ;

dīghaññeva me dentu , mā dandhaṃ ;

sakkaccaññeva me dentu , mā asakkaccan ’ ti .

Tassa ce , bhikkhave , bhikkhuno evaṃcittassa kulāni upasaṅkamato na denti ;

tena bhikkhu na sandīyati ;

so na tatonidānaṃ dukkhaṃ domanassaṃT2.237 paṭisaṃvedayati .

Thokaṃ denti , no bahukaṃ ;

tena bhikkhu na sandīyati ;

so na tatonidānaṃ dukkhaṃ domanassaṃ paṭisaṃvedayati .

Lūkhaṃ denti , no paṇītaṃ ;

tena bhikkhu na sandīyati ;

so na tatonidānaṃ dukkhaṃ domanassaṃ paṭisaṃvedayati .

Dandhaṃ denti , no sīghaṃ ;

tena bhikkhu na sandīyati ;

so na tatonidānaṃ dukkhaṃ domanassaṃ paṭisaṃvedayati .

Asakkaccaṃ denti , no sakkaccaṃ ;

tena bhikkhu na sandīyati ;

so na tatonidānaṃ dukkhaṃ domanassaṃ paṭisaṃvedayati .

Evarūpo kho , bhikkhave , bhikkhu arahati kulūpako hotuṃ .

‘‘ Kassapo , bhikkhave , evaṃcitto kulāni upasaṅkamati –

‘ taṃ kutettha labbhā parakulesu – dentuyeva me , mā nādaṃsu ;

bahukaññeva me dentu , mā thokaṃ ;

paṇītaññeva me dentu , mā lūkhaṃ ;

sīghaññeva me dentu , mā dandhaṃ ;

sakkaccaññeva me dentu , mā asakkaccan ’ ti .

Tassa ce , bhikkhave , kassapassa evaṃcittassa kulāni upasaṅkamato na denti ;

tena kassapo na sandīyati ;

so na tatonidānaṃ dukkhaṃ domanassaṃ paṭisaṃvedayati .

Thokaṃ denti , no bahukaṃ ;

tena kassapo na sandīyati ;

so na tatonidānaṃ dukkhaṃ domanassaṃ paṭisaṃvedayati .

Lūkhaṃ dentiV1.180 , no paṇītaṃ ;

tena kassapo na sandīyati ;

so na tatonidānaṃ dukkhaṃ domanassaṃ paṭisaṃvedayati .

Dandhaṃ denti , no sīghaṃ ;

tena kassapo na sandīyati ;

so na tatonidānaṃ dukkhaṃ domanassaṃ paṭisaṃvedayati .

Asakkaccaṃ denti , no sakkaccaṃ ;

tena kassapo na sandīyatiP2.202 ;

so na tatonidānaṃ dukkhaṃ domanassaṃ paṭisaṃvedayati .

Kassapena vā hi vo , bhikkhave , ovadissāmi yo vā panassa kassapasadiso .

Ovaditehi ca pana vo tathattāya paṭipajjitabban ’’ ti .

Catutthaṃ .

Issues

選擇版本

Nidānavaggo

Nidānavaggo