2. Dutiyavaggo

1. Sattadhātusuttaṃ

95. SāvatthiyaṃT2.180M1.364 viharati … pe …‘‘ sattimāP2.150 , bhikkhave , dhātuyo .

Katamā satta ?

Ābhādhātu , subhadhātu , ākāsānañcāyatanadhātu , viññāṇañcāyatanadhātu , ākiñcaññāyatanadhātu , nevasaññānāsaññāyatanadhātu , saññāvedayitanirodhadhātu – imā kho , bhikkhave , satta dhātuyo ’’ ti .

Evaṃ vutte , aññataro bhikkhu bhagavantaṃ etadavoca –

‘‘ yā cāyaṃ , bhante , ābhādhātu yā ca subhadhātu yā ca ākāsānañcāyatanadhātu yā ca viññāṇañcāyatanadhātu yā ca ākiñcaññāyatanadhātu yā ca nevasaññānāsaññāyatanadhātu yā ca saññāvedayitanirodhadhātu – imā nu kho , bhante , dhātuyo kiṃ paṭicca paññāyantī ’’ ti ?

‘‘ Yāyaṃ , bhikkhu , ābhādhātu – ayaṃ dhātu andhakāraṃ paṭicca paññāyati .

Yāyaṃ , bhikkhu , subhadhātu – ayaṃ dhātu asubhaṃ paṭicca paññāyati .

Yāyaṃ , bhikkhu , ākāsānañcāyatanadhātu – ayaṃ dhātu rūpaṃ paṭicca paññāyati .

Yāyaṃ , bhikkhu , viññāṇañcāyatanadhātu – ayaṃ dhātu ākāsānañcāyatanaṃ paṭicca paññāyati .

Yāyaṃ , bhikkhu , ākiñcaññāyatanadhātu – ayaṃ dhātu viññāṇañcāyatanaṃ paṭicca paññāyati .

Yāyaṃ , bhikkhu , nevasaññānāsaññāyatanadhātu – ayaṃ dhātu ākiñcaññāyatanaṃ paṭicca paññāyati .

Yāyaṃ , bhikkhu , saññāvedayitanirodhadhātu – ayaṃ dhātu nirodhaṃ paṭicca paññāyatī ’’ ti .

‘‘ YāV1.133 cāyaṃT2.181 , bhante , ābhādhātu yā ca subhadhātu yā ca ākāsānañcāyatanadhātu yā ca viññāṇañcāyatanadhātu yā ca ākiñcaññāyatanadhātu yā ca nevasaññānāsaññāyatanadhātu yā ca saññāvedayitanirodhadhātu – imā nu kho , bhante , dhātuyo kathaṃ samāpatti pattabbā ’’ ti ?

‘‘ Yā cāyaṃ , bhikkhu , ābhādhātu yā ca subhadhātu yā ca ākāsānañcāyatanadhātu yā ca viññāṇañcāyatanadhātu yā caP2.151 ākiñcaññāyatanadhātu – imā dhātuyo saññāsamāpatti pattabbā .

Yāyaṃ , bhikkhu , nevasaññānāsaññāyatanadhātu – ayaṃ dhātu saṅkhārāvasesasamāpatti pattabbāM1.365 .

Yāyaṃ , bhikkhu , saññāvedayitanirodhadhātu – ayaṃ dhātu nirodhasamāpatti pattabbā ’’ ti .

Paṭhamaṃ .

2. Sanidānasuttaṃ

96. Sāvatthiyaṃ viharati … pe …‘‘ sanidānaṃ , bhikkhave , uppajjati kāmavitakko , no anidānaṃ ;

sanidānaṃ uppajjati byāpādavitakko , no anidānaṃ ;

sanidānaṃ uppajjati vihiṃsāvitakko , no anidānaṃ ’’.

‘‘ Kathañca , bhikkhave , sanidānaṃ uppajjati kāmavitakko , no anidānaṃ ;

sanidānaṃ uppajjati byāpādavitakko , no anidānaṃ ;

sanidānaṃ uppajjati vihiṃsāvitakko , no anidānaṃ ?

Kāmadhātuṃ , bhikkhave , paṭicca uppajjati kāmasaññā , kāmasaññaṃ paṭicca uppajjati kāmasaṅkappo , kāmasaṅkappaṃ paṭicca uppajjati kāmacchando , kāmacchandaṃ paṭicca uppajjatiT2.182 kāmapariḷāho , kāmapariḷāhaṃ paṭicca uppajjati kāmapariyesanā .

Kāmapariyesanaṃ , bhikkhave , pariyesamāno assutavā puthujjano tīhi ṭhānehi micchā paṭipajjati – kāyena , vācāya , manasā .

‘‘ Byāpādadhātuṃ , bhikkhave , paṭicca uppajjati byāpādasaññā , byāpādasaññaṃ paṭicca uppajjati byāpādasaṅkappo … pe … byāpādacchando … byāpādapariḷāho … byāpādapariyesanā … byāpādapariyesanaṃ , bhikkhave , pariyesamāno assutavā puthujjano tīhi ṭhānehi micchā paṭipajjati – kāyena , vācāya , manasā .

‘‘ VihiṃsādhātuṃV1.134 , bhikkhave , paṭicca uppajjati vihiṃsāsaññā ;

vihiṃsāsaññaṃ paṭicca uppajjati vihiṃsāsaṅkappo … pe … vihiṃsāchando … vihiṃsāpariḷāho … vihiṃsāpariyesanā … vihiṃsāpariyesanaṃ , bhikkhaveP2.152 , pariyesamāno assutavā puthujjano tīhi ṭhānehi micchā paṭipajjati – kāyena , vācāya , manasā .

‘‘ Seyyathāpi , bhikkhave , puriso ādittaṃ tiṇukkaṃ sukkhe tiṇadāye nikkhipeyya ;

no ce hatthehi ca pādehi ca khippameva nibbāpeyya .

Evañhi , bhikkhave , ye tiṇakaṭṭhanissitā pāṇā te anayabyasanaṃ āpajjeyyuṃ .

Evameva kho , bhikkhave , yo hi koci samaṇo vā brāhmaṇo vā uppannaṃ visamagataṃ saññaṃ na khippameva pajahati vinodeti byantīkaroti anabhāvaṃM1.366 gameti , so diṭṭhe ceva dhamme dukkhaṃ viharati savighātaṃ saupāyāsaṃ sapariḷāhaṃ ;

kāyassa ca bhedā paraṃ maraṇā duggati pāṭikaṅkhā .

‘‘ Sanidānaṃ , bhikkhave , uppajjati nekkhammavitakko , no anidānaṃ ;

sanidānaṃT2.183 uppajjati abyāpādavitakko , no anidānaṃ ;

sanidānaṃ uppajjati avihiṃsāvitakko , no anidānaṃ .

‘‘ Kathañca , bhikkhave , sanidānaṃ uppajjati nekkhammavitakko , no anidānaṃ ;

sanidānaṃ uppajjati abyāpādavitakko , no anidānaṃ ;

sanidānaṃ uppajjati avihiṃsāvitakko , no anidānaṃ ?

Nekkhammadhātuṃ , bhikkhave , paṭicca uppajjati nekkhammasaññā , nekkhammasaññaṃ paṭicca uppajjati nekkhammasaṅkappo , nekkhammasaṅkappaṃ paṭicca uppajjati nekkhammacchando , nekkhammacchandaṃ paṭicca uppajjati nekkhammapariḷāho , nekkhammapariḷāhaṃ paṭicca uppajjati nekkhammapariyesanā ;

nekkhammapariyesanaṃ , bhikkhave , pariyesamāno sutavā ariyasāvako tīhi ṭhānehi sammā paṭipajjati – kāyena , vācāya , manasā .

‘‘ Abyāpādadhātuṃ , bhikkhave , paṭicca uppajjati abyāpādasaññā , abyāpādasaññaṃ paṭicca uppajjati abyāpādasaṅkappo … pe … abyāpādacchando … abyāpādapariḷāho … abyāpādapariyesanā , abyāpādapariyesanaṃ , bhikkhave , pariyesamāno sutavā ariyasāvako tīhi ṭhānehi sammā paṭipajjati – kāyena , vācāya , manasā .

‘‘ AvihiṃsādhātuṃV1.135 , bhikkhave , paṭicca uppajjati avihiṃsāsaññāP2.153 , avihiṃsāsaññaṃ paṭicca uppajjati avihiṃsāsaṅkappo , avihiṃsāsaṅkappaṃ paṭicca uppajjati avihiṃsāchando , avihiṃsāchandaṃ paṭicca uppajjati avihiṃsāpariḷāho , avihiṃsāpariḷāhaṃ paṭicca uppajjati avihiṃsāpariyesanā ;

avihiṃsāpariyesanaṃ , bhikkhave , pariyesamāno sutavā ariyasāvako tīhiT2.184 ṭhānehi sammā paṭipajjati – kāyena , vācāya , manasā .

‘‘ Seyyathāpi , bhikkhave , puriso ādittaṃ tiṇukkaṃ sukkhe tiṇadāye nikkhipeyya ;

tamenaṃ hatthehi ca pādehi ca khippameva nibbāpeyya .

Evañhi , bhikkhave , ye tiṇakaṭṭhanissitā pāṇā te na anayabyasanaṃ āpajjeyyuṃ .

Evameva kho , bhikkhave , yo hi koci samaṇo vā brāhmaṇo vā uppannaṃ visamagataṃ saññaṃ khippameva pajahati vinodeti byantīkarotiM1.367 anabhāvaṃ gameti , so diṭṭhe ceva dhamme sukhaṃ viharati avighātaṃ anupāyāsaṃ apariḷāhaṃ ;

kāyassa ca bhedā paraṃ maraṇā sugati pāṭikaṅkhā ’’ ti .

Dutiyaṃ .

3. Giñjakāvasathasuttaṃ

97. Ekaṃ samayaṃ bhagavā ñātike viharati giñjakāvasathe .

Tatra kho bhagavā bhikkhū āmantesi –

‘‘ bhikkhavo ’’ ti .

‘‘ Bhadante ’’ ti te bhikkhū bhagavato paccassosuṃ .

Bhagavā etadavoca –

‘‘ Dhātuṃ , bhikkhave , paṭicca uppajjati saññā , uppajjati diṭṭhi , uppajjati vitakko ’’ ti .

Evaṃ vutte , āyasmā kaccāno [ saddho kaccāno ( ka .)] bhagavantaṃ etadavoca –

‘‘ yāyaṃ , bhante , diṭṭhi –

‘ asammāsambuddhesu sammāsambuddhā ’ ti , ayaṃ nu kho , bhante , diṭṭhi kiṃ paṭicca paññāyatī ’’ ti ?

‘‘ Mahati kho esā , kaccāna , dhātu yadidaṃ avijjādhātu .

HīnaṃP2.154 , kaccāna , dhātuṃ paṭicca uppajjati hīnā saññā , hīnā diṭṭhi , hīno vitakko , hīnā cetanā , hīnā patthanā , hīno paṇidhi , hīno puggalo , hīnā vācā ;

hīnaṃ ācikkhati deseti paññapeti paṭṭhapetiT2.185 vivarati vibhajati uttānīkaroti ;

hīnā tassa upapattīti vadāmi .

‘‘ MajjhimaṃV1.136 , kaccāna , dhātuṃ paṭicca uppajjati majjhimā saññā , majjhimā diṭṭhi , majjhimo vitakko , majjhimā cetanā , majjhimā patthanā , majjhimo paṇidhi , majjhimo puggalo , majjhimā vācā ;

majjhimaṃ ācikkhati deseti paññapeti paṭṭhapeti vivarati vibhajati uttānīkaroti ;

majjhimā tassa upapattīti vadāmi .

‘‘ Paṇītaṃ , kaccāna , dhātuṃ paṭicca uppajjati paṇītā saññā , paṇītā diṭṭhi , paṇīto vitakko , paṇītā cetanā , paṇītā patthanā , paṇīto paṇidhi , paṇīto puggalo , paṇītā vācā ;

paṇītaṃ ācikkhati deseti paññapeti paṭṭhapeti vivarati vibhajati uttānīkaroti ;

paṇītā tassa upapattīti vadāmī ’’ ti .

Tatiyaṃ .

4. Hīnādhimuttikasuttaṃ

98. SāvatthiyaṃM1.368 viharati … pe …‘‘ dhātusova [ dhātuso ( sī . pī .) ayañca paṭhamārambhavākyeyeva , na sabbattha . tīsu pana addhāsu ca upamāsaṃsandananigamanaṭṭhāne ca idaṃ pāṭhanānattaṃ natthi ], bhikkhave , sattā saṃsandanti samenti .

Hīnādhimuttikā hīnādhimuttikehi saddhiṃ saṃsandanti samenti ;

kalyāṇādhimuttikā kalyāṇādhimuttikehi saddhiṃ saṃsandanti samenti ’’.

‘‘ Atītampi kho [ khosaddo sī . syā . kaṃ . pī . potthakesu natthi ], bhikkhave , addhānaṃ dhātusova [ īdisesu ṭhānesu pāṭhanānattaṃ natthi ] sattā saṃsandiṃsu samiṃsu .

Hīnādhimuttikā hīnādhimuttikehi saddhiṃ saṃsandiṃsu samiṃsu ;

kalyāṇādhimuttikā kalyāṇādhimuttikehi saddhiṃ saṃsandiṃsu samiṃsu .

‘‘ Anāgatampi kho [ khosaddo sī . syā . kaṃ . pī . potthakesu natthi ], bhikkhave , addhānaṃ dhātusova [ īdisesu ṭhānesu pāṭhanānattaṃ natthi ] sattā saṃsandissanti samessanti .

Hīnādhimuttikā hīnādhimuttikehi saddhiṃ saṃsandissantiT2.186 samessanti ;

kalyāṇādhimuttikā kalyāṇādhimuttikehi saddhiṃ saṃsandissanti samessanti .

‘‘ EtarahipiP2.155 kho [ khosaddo sī . syā . kaṃ . pī . potthakesu natthi ], bhikkhave , paccuppannaṃ addhānaṃ dhātusova [ īdisesu ṭhānesu pāṭhanānattaṃ natthi ] sattā saṃsandanti samenti .

Hīnādhimuttikā hīnādhimuttikehi saddhiṃ saṃsandanti samenti ;

kalyāṇādhimuttikā kalyāṇādhimuttikehi saddhiṃ saṃsandanti samentī ’’ ti .

Catutthaṃ .

5. Caṅkamasuttaṃ

99. EkaṃV1.137 samayaṃ bhagavā rājagahe viharati gijjhakūṭe pabbate .

Tena kho pana samayena āyasmā sāriputto sambahulehi bhikkhūhi saddhiṃ bhagavato avidūre caṅkamati ;

āyasmāpi kho mahāmoggallāno sambahulehi bhikkhūhi saddhiṃ bhagavato avidūre caṅkamati ;

āyasmāpi kho mahākassapo sambahulehi bhikkhūhi saddhiṃ bhagavato avidūre caṅkamati ;

āyasmāpi kho anuruddho sambahulehi bhikkhūhi saddhiṃ bhagavato avidūre caṅkamati ;

āyasmāpi kho puṇṇo mantāniputto sambahulehi bhikkhūhi saddhiṃ bhagavato avidūre caṅkamati ;

āyasmāpi kho upāli sambahulehi bhikkhūhi saddhiṃ bhagavato avidūre caṅkamati ;

āyasmāpi kho ānando sambahulehi bhikkhūhi saddhiṃ bhagavato avidūre caṅkamati ;

devadattopi kho sambahulehi bhikkhūhi saddhiṃ bhagavato avidūre caṅkamati .

AthaM1.369 kho bhagavā bhikkhū āmantesi –

‘‘ passatha no tumhe , bhikkhave , sāriputtaṃ sambahulehi bhikkhūhi saddhiṃ caṅkamantan ’’ ti ?

‘‘ Evaṃ , bhante ’’.

‘‘ Sabbe kho ete , bhikkhave , bhikkhū mahāpaññā .

PassathaT2.187 no tumhe , bhikkhave , moggallānaṃ sambahulehi bhikkhūhi saddhiṃ caṅkamantan ’’ ti ?

‘‘ Evaṃ , bhante ’’.

‘‘ Sabbe kho ete , bhikkhave , bhikkhū mahiddhikā .

Passatha no tumhe , bhikkhave , kassapaṃ sambahulehi bhikkhūhi saddhiṃ caṅkamantan ’’ ti ?

‘‘ EvaṃP2.156 , bhante ’’.

‘‘ Sabbe kho ete , bhikkhave , bhikkhū dhutavādā .

Passatha no tumhe , bhikkhave , anuruddhaṃ sambahulehi bhikkhūhi saddhiṃ caṅkamantan ’’ ti ?

‘‘ Evaṃ , bhante ’’.

‘‘ Sabbe kho ete , bhikkhave , bhikkhū dibbacakkhukā .

Passatha no tumhe , bhikkhave , puṇṇaṃ mantāniputtaṃ sambahulehi bhikkhūhi saddhiṃ caṅkamantan ’’ ti ?

‘‘ Evaṃ , bhante ’’.

‘‘ Sabbe kho ete , bhikkhave , bhikkhū dhammakathikā .

Passatha no tumhe , bhikkhave , upāliṃ sambahulehi bhikkhūhi saddhiṃ caṅkamantan ’’ ti ?

‘‘ Evaṃ , bhante ’’.

‘‘ Sabbe kho ete , bhikkhave , bhikkhū vinayadharā .

Passatha no tumhe , bhikkhave , ānandaṃ sambahulehi bhikkhūhi saddhiṃ caṅkamantan ’’ ti ?

‘‘ Evaṃ , bhante ’’.

‘‘ Sabbe kho ete , bhikkhave , bhikkhū bahussutā .

Passatha no tumhe , bhikkhave , devadattaṃ sambahulehi bhikkhūhi saddhiṃ caṅkamantan ’’ ti ?

‘‘ Evaṃ , bhante ’’.

‘‘ Sabbe kho ete , bhikkhave , bhikkhū pāpicchā ’’.

‘‘ Dhātusova , bhikkhave , sattā saṃsandanti samenti .

Hīnādhimuttikā hīnādhimuttikehi saddhiṃV1.138 saṃsandanti samenti ;

kalyāṇādhimuttikā kalyāṇādhimuttikehi saddhiṃ saṃsandanti samenti .

Atītampi kho , bhikkhave , addhānaṃ dhātusova sattā saṃsandiṃsu samiṃsu .

Hīnādhimuttikā hīnādhimuttikehi saddhiṃ saṃsandiṃsu samiṃsu ;

kalyāṇādhimuttikā kalyāṇādhimuttikehiT2.188 saddhiṃ saṃsandiṃsu samiṃsu .

‘‘ Anāgatampi kho , bhikkhave , addhānaṃ dhātusova sattā saṃsandissanti samessanti .

Hīnādhimuttikā hīnādhimuttikehi saddhiṃ saṃsandissanti samessanti ;

kalyāṇādhimuttikā kalyāṇādhimuttikehi saddhiṃ saṃsandissanti samessanti .

‘‘ EtarahipiP2.157 kho , bhikkhave , paccuppannaṃ addhānaṃ dhātusova sattā saṃsandanti samenti .

Hīnādhimuttikā hīnādhimuttikehi saddhiṃ saṃsandanti samenti ;

kalyāṇādhimuttikā kalyāṇādhimuttikehi saddhiṃ saṃsandanti samentī ’’ ti .

Pañcamaṃ .

6. Sagāthāsuttaṃ

100. SāvatthiyaṃM1.370 viharati … pe …‘‘ dhātusova , bhikkhave , sattā saṃsandanti samenti .

Hīnādhimuttikā hīnādhimuttikehi saddhiṃ saṃsandanti samenti .

Atītampi kho , bhikkhave , addhānaṃ dhātusova sattā saṃsandiṃsu samiṃsu .

Hīnādhimuttikā hīnādhimuttikehi saddhiṃ saṃsandiṃsu samiṃsu ’’.

‘‘ Anāgatampi kho , bhikkhave , addhānaṃ dhātusova sattā saṃsandissanti samessanti .

Hīnādhimuttikā hīnādhimuttikehi saddhiṃ saṃsandissanti samessanti .

‘‘ Etarahipi kho , bhikkhave , paccuppannaṃ addhānaṃ dhātusova sattā saṃsandanti samenti .

Hīnādhimuttikā hīnādhimuttikehi saddhiṃ saṃsandanti samenti .

‘‘ Seyyathāpi , bhikkhave , gūtho gūthena saṃsandati sameti ;

muttaṃ muttena saṃsandati sameti ;

kheḷo kheḷena saṃsandati sameti ;

pubbo pubbena saṃsandati sameti ;

lohitaṃ lohitena saṃsandati sametiV1.139 ;

evameva kho , bhikkhave , dhātusova [ sabbatthapi evameva dissati ] sattā saṃsandanti samenti .

Hīnādhimuttikā hīnādhimuttikehiT2.189 saddhiṃ saṃsandanti samenti .

Atītampi kho addhānaṃ … pe … anāgatampi kho addhānaṃ … pe … etarahipi kho paccuppannaṃ addhānaṃ dhātusova sattā saṃsandanti samenti .

Hīnādhimuttikā hīnādhimuttikehi saddhiṃ saṃsandanti samenti .

‘‘ DhātusovaP2.158 bhikkhave , sattā saṃsandanti samenti .

Kalyāṇādhimuttikā kalyāṇādhimuttikehi saddhiṃ saṃsandanti samenti .

Atītampi kho , bhikkhave , addhānaṃ dhātusova sattā saṃsandiṃsu samiṃsu .

Kalyāṇādhimuttikā kalyāṇādhimuttikehi saddhiṃ saṃsandiṃsu samiṃsu .

‘‘ Anāgatampi kho , bhikkhave , addhānaṃ … pe … etarahipi kho , bhikkhave , paccuppannaṃ addhānaṃ dhātusova sattā saṃsandanti samenti .

Kalyāṇādhimuttikā kalyāṇādhimuttikehi saddhiṃ saṃsandanti samenti .

‘‘ Seyyathāpi , bhikkhave , khīraṃ khīrena saṃsandati sameti ;

telaṃ telena saṃsandati sameti ;

sappi sappinā saṃsandati sameti ;

madhu madhunā saṃsandati sameti ;

phāṇitaṃ phāṇitena saṃsandati sameti ;

evameva kho , bhikkhave , dhātusovaM1.371 sattā saṃsandanti samenti .

Kalyāṇādhimuttikā kalyāṇādhimuttikehi saddhiṃ saṃsandanti samenti .

Atītampi kho addhānaṃ … anāgatampi kho addhānaṃ … etarahipi kho paccuppannaṃ addhānaṃ dhātusova sattā saṃsandanti samenti .

Kalyāṇādhimuttikā kalyāṇādhimuttikehi saddhiṃT2.190 saṃsandanti samentī ’’ ti .

Idamavoca bhagavā .

Idaṃ vatvāna sugato athāparaṃ etadavoca satthā –

‘‘ Saṃsaggā vanatho jāto , asaṃsaggena chijjati ;

Parittaṃ dārumāruyha , yathā sīde mahaṇṇave .

‘‘ Evaṃ kusītamāgamma , sādhujīvipi sīdati ;

Tasmā taṃ parivajjeyya , kusītaṃ hīnavīriyaṃ .

‘‘ PavivittehiV1.140 ariyehi , pahitattehi jhāyīhi [ jhāyihi ( sī .), jhāyibhi ( syā . kaṃ .)];

Niccaṃ āraddhavīriyehi , paṇḍitehi sahāvase ’’ ti .

7. Assaddhasaṃsandanasuttaṃ

101. SāvatthiyaṃP2.159 viharati … pe …‘‘ dhātusova , bhikkhave , sattā saṃsandanti samenti .

Assaddhā assaddhehi saddhiṃ saṃsandanti samenti ;

ahirikā ahirikehi saddhiṃ saṃsandanti samenti ;

anottappino anottappīhi saddhiṃ saṃsandanti samenti ;

appassutā appassutehi saddhiṃ saṃsandanti samenti ;

kusītā kusītehi saddhiṃ saṃsandanti samenti ;

muṭṭhassatino muṭṭhassatīhi saddhiṃ saṃsandanti samenti ;

duppaññā duppaññehi saddhiṃ saṃsandanti samenti ’’.

‘‘ Atītampi kho , bhikkhave , addhānaṃ dhātusova sattā saṃsandiṃsu samiṃsu .

Assaddhā assaddhehi saddhiṃ saṃsandiṃsu samiṃsu ;

ahirikā ahirikehi saddhiṃ saṃsandiṃsu samiṃsu ;

anottappino anottappīhi saddhiṃ saṃsandiṃsu samiṃsu ;

appassutā appassutehiT2.191 saddhiṃ saṃsandiṃsu samiṃsu ;

kusītā kusītehi saddhiṃ saṃsandiṃsu samiṃsu ;

muṭṭhassatino muṭṭhassatīhi saddhiṃ saṃsandiṃsu samiṃsu ;

duppaññā duppaññehi saddhiṃ saṃsandiṃsu samiṃsu .

‘‘ AnāgatampiM1.372 kho , bhikkhave , addhānaṃ dhātusova sattā saṃsandissanti samessanti .

Assaddhā assaddhehi saddhiṃ saṃsandissanti samessanti ;

ahirikā ahirikehi saddhiṃ saṃsandissanti samessanti ;

anottappino anottappīhi saddhiṃ … pe … appassutāP2.160 appassutehi saddhiṃ … pe … kusītā kusītehi saddhiṃ … pe … muṭṭhassatino muṭṭhassatīhi saddhiṃ … pe … duppaññā duppaññehi saddhiṃ saṃsandissanti samessanti .

‘‘ Etarahipi kho , bhikkhave , paccuppannaṃ addhānaṃ dhātusova sattā saṃsandanti samenti .

Assaddhā assaddhehi saddhiṃ saṃsandanti samenti ;

ahirikā ahirikehi saddhiṃ … pe … anottappino anottappīhi saddhiṃ … pe … appassutā appassutehi saddhiṃ … pe …V1.141 kusītā kusītehi saddhiṃ … pe … muṭṭhassatino muṭṭhassatīhi saddhiṃ saṃsandanti samenti ;

duppaññā duppaññehi saddhiṃ saṃsandanti samenti .

‘‘ Dhātusova , bhikkhave , sattā saṃsandanti samenti .

Saddhā saddhehi saddhiṃ saṃsandanti samenti ;

hirimanā hirimanehi saddhiṃ saṃsandanti samenti ;

ottappino ottappīhi saddhiṃ saṃsandanti samenti ;

bahussutā bahussutehi saddhiṃ saṃsandanti samenti ;

āraddhavīriyā āraddhavīriyehi saddhiṃ saṃsandanti samenti ;

upaṭṭhitassatino upaṭṭhitassatīhi saddhiṃ saṃsandanti samenti ;

paññavanto paññavantehi saddhiṃT2.192 saṃsandanti samenti .

Atītampi kho , bhikkhave , addhānaṃ … pe … anāgatampi kho , bhikkhave … pe … etarahipi kho , bhikkhave , paccuppannaṃ addhānaṃ dhātusova sattā saṃsandanti samenti .

Saddhā saddhehi saddhiṃ saṃsandanti samenti ;

paññavanto paññavantehi saddhiṃ saṃsandanti samentī ’’ ti .

Sattamaṃ .

8. Assaddhamūlakasuttaṃ

102. Sāvatthiyaṃ viharati … pe …‘‘ dhātusova , bhikkhave , sattā saṃsandanti samenti .

AssaddhāP2.161 assaddhehi saddhiṃ saṃsandanti samenti ;

ahirikā ahirikehi saddhiṃ saṃsandanti samenti ;

duppaññā duppaññehi saddhiṃ saṃsandanti samenti ;

saddhā saddhehi saddhiṃ saṃsandanti samenti ;

hirimanā hirimanehi saddhiṃ saṃsandanti samenti ;

paññavanto paññavantehi saddhiṃ saṃsandanti samenti .

Atītampi kho , bhikkhave , addhānaṃ dhātusova sattā saṃsandiṃsu samiṃsu … pe …V1.142 anāgatampi kho , bhikkhave , addhānaṃ dhātusova sattā saṃsandissanti samessanti … pe ….

‘‘ EtarahipiM1.373 kho , bhikkhave , paccuppannaṃ addhānaṃ dhātusova sattā saṃsandanti samenti .

Assaddhā assaddhehi saddhiṃ saṃsandanti samenti ;

ahirikā ahirikehi saddhiṃ saṃsandanti samenti , duppaññā duppaññehi saddhiṃ saṃsandanti samenti ;

saddhā saddhehi saddhiṃ saṃsandanti samenti ;

hirimanā hirimanehi saddhiṃ saṃsandanti samenti ;

paññavanto paññavantehi saddhiṃ saṃsandanti samentīti .(1)

‘‘ Dhātusova , bhikkhave , sattā saṃsandanti samenti .

Assaddhā assaddhehi saddhiṃ saṃsandanti samenti ;

anottappino anottappīhi saddhiṃ saṃsandanti samenti ;

duppaññā duppaññehi saddhiṃ saṃsandanti samentiT2.193 ;

saddhā saddhehi saddhiṃ saṃsandanti samenti ;

ottappino ottappīhi saddhiṃ saṃsandanti samenti ;

paññavanto paññavantehi saddhiṃ saṃsandanti samenti … pe … paṭhamavāro viya vitthāretabbo .(2)

‘‘ DhātusovaV1.143 , bhikkhave … pe … assaddhā assaddhehi saddhiṃ saṃsandanti samenti ;

appassutā appassutehi saddhiṃ saṃsandanti samenti ;

duppaññā duppaññehi saddhiṃ saṃsandanti samenti ;

saddhā saddhehi saddhiṃ saṃsandanti samenti ;

bahussutā bahussutehi saddhiṃ saṃsandanti samenti , paññavanto paññavantehi saddhiṃ saṃsandanti samenti … pe …P2.162 .(3)

‘‘ Dhātusova , bhikkhave … pe … assaddhā assaddhehi saddhiṃ saṃsandanti samenti ;

kusītā kusītehi saddhiṃ saṃsandanti samenti ;

duppaññā duppaññehi saddhiṃ saṃsandanti samenti ;

saddhā saddhehi saddhiṃ saṃsandanti samenti ;

āraddhavīriyā āraddhavīriyehi saddhiṃ saṃsandanti samenti ;

paññavanto paññavantehi saddhiṃ saṃsandanti samenti … pe ….(4)

‘‘ DhātusovaV1.144 , bhikkhave … pe … assaddhā assaddhehi saddhiṃ saṃsandanti samenti ;

muṭṭhassatino muṭṭhassatīhi saddhiṃ saṃsandanti samenti ;

duppaññā duppaññehi saddhiṃ saṃsandanti samenti ;

saddhā saddhehi saddhiṃ saṃsandanti samenti ;

upaṭṭhitassatino upaṭṭhitassatīhi saddhiṃ saṃsandanti samenti ;

paññavanto paññavantehi saddhiṃ saṃsandanti samentīti … pe ….

Aṭṭhamaṃ .(5)

9. Ahirikamūlakasuttaṃ

103. Sāvatthiyaṃ viharati … pe …‘‘ dhātusova … pe … ahirikā ahirikehi saddhiṃ saṃsandantiT2.194 samenti , anottappinoP2.163 anottappīhi saddhiṃ saṃsandanti samentiM1.374 , duppaññā duppaññehi saddhiṃ saṃsandanti samenti ;

hirimanā hirimanehi saddhiṃ sasandanti samenti , ottappino ottappīhi saddhiṃ saṃsandanti samenti , paññavanto paññavantehi saddhiṃ saṃsandanti samenti … pe …V1.145 .(1)

‘‘ Ahirikā ahirikehi saddhiṃ saṃsandanti samenti , appassutā appassutehi saddhiṃ saṃsandanti samenti , duppaññā duppaññehi saddhiṃ saṃsandanti samenti ;

hirimanā hirimanehi saddhiṃ saṃsandanti samenti , bahussutā bahussutehi saddhiṃ saṃsandanti samenti , paññavanto paññavantehi saddhiṃ saṃsandanti samenti … pe ….(2)

‘‘ Ahirikā ahirikehi saddhiṃ saṃsandanti samenti , kusītā kusītehi saddhiṃ saṃsandanti samenti , duppaññā duppaññehi saddhiṃ saṃsandanti samenti ;

hirimanā hirimanehi saddhiṃ saṃsandanti samenti , āraddhavīriyā āraddhavīriyehi saddhiṃ saṃsandanti samenti , paññavanto paññavantehi saddhiṃ saṃsandanti samenti … pe ….(3)

‘‘ Ahirikā ahirikehi saddhiṃ saṃsandanti samenti , muṭṭhassatino muṭṭhassatīhi saddhiṃ saṃsandanti samenti , duppaññā duppaññehi saddhiṃ saṃsandanti samenti ;

hirimanā hirimanehi saddhiṃ saṃsandanti samenti , upaṭṭhitassatino upaṭṭhitassatīhi saddhiṃ saṃsandanti samenti , paññavantoV1.146 paññavantehi saddhiṃ saṃsandanti samentīti … pe ….

Navamaṃ .(4)

10. Anottappamūlakasuttaṃ

104. SāvatthiyaṃT2.195 viharati … pe …‘‘ dhātusovaP2.164 , bhikkhave , sattā saṃsandanti samenti .

Anottappino anottappīhi saddhiṃ saṃsandanti samenti ;

appassutā appassutehi saddhiṃ saṃsandanti samenti ;

duppaññā duppaññehi saddhiṃ saṃsandanti samenti ;

ottappino ottappīhi saddhiṃ saṃsandanti samenti ;

bahussutā bahussutehi saddhiṃ saṃsandanti samenti ;

paññavanto paññavantehi saddhiṃ saṃsandanti samenti … pe ….(1)

‘‘ AnottappinoV1.147 anottappīhi saddhiṃ saṃsandanti samenti ;

kusītā kusītehi saddhiṃ saṃsandanti samenti ;

duppaññā duppaññehi saddhiṃ saṃsandanti samenti ;

ottappino ottappīhi saddhiṃ saṃsandanti samenti ;

āraddhavīriyā āraddhavīriyehi saddhiṃ saṃsandanti samenti ;

paññavanto paññavantehi saddhiṃ saṃsandanti samenti … pe ….(2)

‘‘ AnottappinoM1.375 anottappīhi saddhiṃ saṃsandanti samenti ;

muṭṭhassatino muṭṭhassatīhi saddhiṃ saṃsandanti samenti ;

duppaññā duppaññehi saddhiṃ saṃsandanti samenti ;

ottappino ottappīhi saddhiṃ saṃsandanti samenti ;

upaṭṭhitassatino upaṭṭhitassatīhi saddhiṃ saṃsandanti samenti ;

paññavanto paññavantehi saddhiṃ saṃsandanti samentīti … pe ….

Dasamaṃ .(3)

11. Appassutamūlakasuttaṃ

105. Sāvatthiyaṃ viharati … pe …‘‘ dhātusova , bhikkhave , sattā saṃsandanti samenti .

Appassutā appassutehi saddhiṃ saṃsandantiT2.196 samenti ;

kusītā kusītehi saddhiṃ saṃsandanti samenti ;

duppaññā duppaññehi saddhiṃ saṃsandanti samenti ;

bahussutā bahussutehi saddhiṃ saṃsandantiV1.148 samenti ;

āraddhavīriyā āraddhavīriyehiP2.165 saddhiṃ saṃsandanti samenti ;

paññavanto paññavantehi saddhiṃ saṃsandanti samenti … pe ….(1)

‘‘ Appassutā appassutehi saddhiṃ saṃsandanti samenti ;

muṭṭhassatino muṭṭhassatīhi saddhiṃ saṃsandanti samenti ;

duppaññā duppaññehi saddhiṃ saṃsandanti samenti ;

bahussutā bahussutehi saddhiṃ saṃsandanti samenti ;

upaṭṭhitassatino upaṭṭhitassatīhi saddhiṃ saṃsandanti samenti ;

paññavanto paññavantehi saddhiṃ saṃsandanti samentīti … pe ….

Ekādasamaṃ .(2)

12. Kusītamūlakasuttaṃ

106. Sāvatthiyaṃ viharati … pe …‘‘ dhātusova , bhikkhave , sattā saṃsandanti samenti .

Kusītā kusītehi saddhiṃ saṃsandanti samenti ;

muṭṭhassatino muṭṭhassatīhi saddhiṃ saṃsandanti samenti ;

duppaññāV1.149 duppaññehi saddhiṃ saṃsandanti samenti ;

āraddhavīriyā āraddhavīriyehi saddhiṃ saṃsandanti samenti ;

upaṭṭhitassatino upaṭṭhitassatīhi saddhiṃ saṃsandanti samenti ;

paññavanto paññavantehi saddhiṃ saṃsandanti samentīti … pe ….

Dvādasamaṃ .

Dutiyo vaggo .

Tassuddānaṃ –

SattimāT2.197M1.376 sanidānañca , giñjakāvasathena ca ;

Hīnādhimutti caṅkamaṃ , sagāthā assaddhasattamaṃ .

AssaddhamūlakāP2.166 pañca , cattāro ahirikamūlakā ;

Anottappamūlakā tīṇi , duve appassutena ca .

Kusītaṃ ekakaṃ vuttaṃ , suttantā tīṇi pañcakā ;

Bāvīsati vuttā suttā , dutiyo vaggo pavuccatīti .

Issues

Select Version

Nidānavaggo

Nidānavaggo

2. Dutiyavaggo

2. Dutiyavaggo

1. Sattadhātusuttaṃ

2. Sanidānasuttaṃ

3. Giñjakāvasathasuttaṃ

4. Hīnādhimuttikasuttaṃ

5. Caṅkamasuttaṃ

6. Sagāthāsuttaṃ

7. Assaddhasaṃsandanasuttaṃ

8. Assaddhamūlakasuttaṃ

9. Ahirikamūlakasuttaṃ

10. Anottappamūlakasuttaṃ

11. Appassutamūlakasuttaṃ

12. Kusītamūlakasuttaṃ

Issues

Select Version

Nidānavaggo

Nidānavaggo

2. Dutiyavaggo

2. Dutiyavaggo

1. Sattadhātusuttaṃ

2. Sanidānasuttaṃ

3. Giñjakāvasathasuttaṃ

4. Hīnādhimuttikasuttaṃ

5. Caṅkamasuttaṃ

6. Sagāthāsuttaṃ

7. Assaddhasaṃsandanasuttaṃ

8. Assaddhamūlakasuttaṃ

9. Ahirikamūlakasuttaṃ

10. Anottappamūlakasuttaṃ

11. Appassutamūlakasuttaṃ

12. Kusītamūlakasuttaṃ

Reading Settings