8. Kosambisuttaṃ

Author： _System_Pali_VRI_ @ Administrator

8. Kosambisuttaṃ

68. EkaṃV1.101 samayaṃ āyasmā ca musilo [ mūsilo ( sī .), musīlo ( pī .)] āyasmā ca paviṭṭho [ saviṭṭho ( sī . pī .)] āyasmā ca nārado āyasmā ca ānando kosambiyaṃ viharanti ghositārāme .

Atha kho āyasmā paviṭṭho āyasmantaṃ musilaṃ etadavoca –

‘‘ aññatreva , āvuso musila , saddhāya aññatra ruciyā aññatra anussavā aññatra ākāraparivitakkā aññatra diṭṭhinijjhānakkhantiyā atthāyasmato musilassa paccattameva ñāṇaṃ –

‘ jātipaccayā jarāmaraṇan ’’’ ti ?

‘‘ Aññatreva , āvuso paviṭṭha , saddhāya aññatra ruciyā aññatra anussavā aññatra ākāraparivitakkā aññatra diṭṭhinijjhānakkhantiyā ahametaṃ jānāmi ahametaṃ passāmi –

‘ jātipaccayā jarāmaraṇan ’’’ ti .

‘‘ AññatrevaP2.116 , āvuso musila , saddhāya aññatra ruciyā aññatra anussavā aññatra ākāraparivitakkā aññatra diṭṭhinijjhānakkhantiyā atthāyasmato musilassaM1.337 paccattameva ñāṇaṃ –

‘ bhavapaccayā jātīti … pe … upādānapaccayā bhavoti … taṇhāpaccayā upādānanti … vedanāpaccayā taṇhāti … phassapaccayā vedanāti … saḷāyatanapaccayā phassoti … nāmarūpapaccayā saḷāyatananti … viññāṇapaccayā nāmarūpanti … saṅkhārapaccayā viññāṇanti … avijjāpaccayāT2.141 saṅkhārā ’’’ ti ?

‘ avijjāpaccayā saṅkhārā ’’’ ti .

‘‘ Aññatreva , āvuso musila , saddhāya aññatra ruciyā aññatra anussavā aññatra ākāraparivitakkā aññatra diṭṭhinijjhānakkhantiyā atthāyasmato musilassa paccattameva ñāṇaṃ –

‘ jātinirodhā jarāmaraṇanirodho ’’’ ti ?

‘ jātinirodhā jarāmaraṇanirodho ’’’ ti .

‘‘ AññatrevaV1.102 , āvuso musila , saddhāya aññatra ruciyā aññatra anussavā aññatra ākāraparivitakkā aññatra diṭṭhinijjhānakkhantiyā atthāyasmato musilassa paccattameva ñāṇaṃ –

‘ bhavanirodhā jātinirodhoti … pe … upādānanirodhā bhavanirodhoti … taṇhānirodhā upādānanirodhoti … vedanānirodhā taṇhānirodhoti … phassanirodhā vedanānirodhoti … saḷāyatananirodhā phassanirodhoti … nāmarūpanirodhā saḷāyatananirodhoti … viññāṇanirodhā nāmarūpanirodhotiP2.117 … saṅkhāranirodhā viññāṇanirodhoti … avijjānirodhā saṅkhāranirodho ’’’ ti ?

‘‘ Aññatreva , āvuso paviṭṭha , saddhāya aññatra ruciyā aññatra anussavā aññatra ākāraparivitakkā aññatra diṭṭhinijjhānakkhantiyāT2.142 ahametaṃ jānāmi ahametaṃ passāmi –

‘ avijjānirodhā saṅkhāranirodho ’’’ ti .

‘ bhavanirodho nibbānan ’’’ ti ?

‘‘ Aññatreva , āvuso paviṭṭha , saddhāya aññatra ruciyā aññatra anussavā aññatraM1.338 ākāraparivitakkā aññatra diṭṭhinijjhānakkhantiyā ahametaṃ jānāmi ahametaṃ passāmi –

‘ bhavanirodho nibbānan ’’’ ti .

‘‘ Tenahāyasmā musilo arahaṃ khīṇāsavo ’’ ti ?

Evaṃ vutte , āyasmā musilo tuṇhī ahosi .

Atha kho āyasmā nārado āyasmantaṃ paviṭṭhaṃ etadavoca –

‘‘ sādhāvuso paviṭṭha , ahaṃ etaṃ pañhaṃ labheyyaṃ .

Maṃ etaṃ pañhaṃ puccha .

Ahaṃ te etaṃ pañhaṃ byākarissāmī ’’ ti .

‘‘ Labhatāyasmā nārado etaṃ pañhaṃ .

Pucchāmahaṃ āyasmantaṃ nāradaṃ etaṃ pañhaṃ .

Byākarotu ca me āyasmā nārado etaṃ pañhaṃ ’’.

‘‘ Aññatreva , āvuso nārada , saddhāya aññatra ruciyā aññatra anussavā aññatra ākāraparivitakkā aññatra diṭṭhinijjhānakkhantiyā atthāyasmato nāradassa paccattameva ñāṇaṃ –

‘ jātipaccayā jarāmaraṇan ’’’ ti ?

‘‘ Aññatreva , āvuso paviṭṭha , saddhāya aññatra ruciyā aññatra anussavā aññatra ākāraparivitakkā aññatra diṭṭhinijjhānakkhantiyā ahametaṃT2.143 jānāmi ahametaṃ passāmi –

‘ jātipaccayā jarāmaraṇan ’’’ ti .

‘‘ AññatrevaV1.103 , āvuso nārada , saddhāya aññatra ruciyā aññatra anussavā aññatra ākāraparivitakkā aññatra diṭṭhinijjhānakkhantiyā atthāyasmato nāradassa paccattameva ñāṇaṃ – bhavapaccayā jāti … pe … avijjāpaccayā saṅkhārā ’’ ti ?

‘ avijjāpaccayā saṅkhārā ’’’ ti .

‘ jātinirodhā jarāmaraṇanirodho ’’’ ti ?

‘ jātinirodhā jarāmaraṇanirodho ’’’ ti .

‘‘ Aññatreva , āvuso nārada , saddhāya aññatra ruciyā aññatra anussavā aññatra ākāraparivitakkā aññatra diṭṭhinijjhānakkhantiyā atthāyasmato nāradassaM1.339 paccattameva ñāṇaṃ –

‘ bhavanirodhā jātinirodhoti … pe … avijjānirodhā saṅkhāranirodho ’’’ ti ?

‘‘ Aññatreva , āvuso paviṭṭha , saddhāya aññatraT2.144 ruciyā aññatra anussavā aññatra ākāraparivitakkā aññatra diṭṭhinijjhānakkhantiyā ahametaṃ jānāmi ahametaṃ passāmi –

‘ avijjānirodhā saṅkhāranirodho ’’’ ti .

‘ bhavanirodho nibbānan ’’’ ti ?

‘ bhavanirodho nibbānan ’’’ ti .

‘‘ Tenahāyasmā nārado arahaṃ khīṇāsavo ’’ ti ?

‘‘‘ BhavanirodhoP2.118 nibbānan ’ ti kho me , āvuso , yathābhūtaṃ sammappaññāya sudiṭṭhaṃ , na camhi arahaṃ khīṇāsavo .

Seyyathāpi , āvuso , kantāramaggeV1.104 udapāno .

Tatra nevassa rajju na udakavārako .

Atha puriso āgaccheyya ghammābhitatto ghammapareto kilanto tasito pipāsito , so taṃ udapānaṃ olokeyya .

Tassa ‘ udakan ’ ti hi kho ñāṇaṃ assa , na ca kāyena phusitvā vihareyya .

Evameva kho , āvuso ,‘ bhavanirodho nibbānan ’ ti yathābhūtaṃ sammappaññāya sudiṭṭhaṃ , na camhi arahaṃ khīṇāsavo ’’ ti .

Evaṃ vutte , āyasmā ānando āyasmantaṃ paviṭṭhaṃ etadavoca –

‘‘ evaṃvādī [ evaṃvādiṃ (?)] tvaṃ , āvuso paviṭṭha , āyasmantaṃ nāradaṃ kiṃ vadesī ’’ ti ?

‘‘ Evaṃvādāhaṃ , āvuso ānanda , āyasmantaṃ nāradaṃ na kiñci vadāmi aññatra kalyāṇā aññatra kusalā ’’ ti .

Aṭṭhamaṃ .

Issues

Select Version

Nidānavaggo

Nidānavaggo