2. Āhāravaggo

1. Āhārasuttaṃ

11. EvaṃT2.14M1.253 me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme … pe … etadavoca –

‘‘ cattārome , bhikkhave , āhārā bhūtānaṃ vā sattānaṃ ṭhitiyā sambhavesīnaṃ vā anuggahāya .

Katame cattāro ?

Kabaḷīkāro [ kabaḷiṃkāro ( sī . pī .), kavaḷīkāro ( syā . kaṃ .)] āhāro – oḷāriko vā sukhumo vā , phasso dutiyo , manosañcetanā tatiyā , viññāṇaṃ catutthaṃ .

Ime kho , bhikkhave , cattāro āhārā bhūtānaṃ vā sattānaṃ ṭhitiyā sambhavesīnaṃ vā anuggahāya ’’.

‘‘ Ime , bhikkhave , cattāro āhārā kiṃnidānā kiṃsamudayāP2.12 kiṃjātikā kiṃpabhavā ?

Ime cattāro āhārā taṇhānidānā taṇhāsamudayā taṇhājātikā taṇhāpabhavā .

Taṇhā cāyaṃ , bhikkhave , kiṃnidānā kiṃsamudayā kiṃjātikā kiṃpabhavā ?

Taṇhā vedanānidānā vedanāsamudayā vedanājātikāV1.13 vedanāpabhavā .

Vedanā cāyaṃ , bhikkhave , kiṃnidānā kiṃsamudayā kiṃjātikā kiṃpabhavā ?

Vedanā phassanidānā phassasamudayā phassajātikā phassapabhavā .

Phasso cāyaṃ , bhikkhave , kiṃnidāno kiṃsamudayo kiṃjātiko kiṃpabhavo ?

Phasso saḷāyatananidāno saḷāyatanasamudayo saḷāyatanajātiko saḷāyatanapabhavo .

Saḷāyatanañcidaṃ , bhikkhave , kiṃnidānaṃT2.15 kiṃsamudayaṃ kiṃjātikaṃ kiṃpabhavaṃ ?

Saḷāyatanaṃ nāmarūpanidānaṃ nāmarūpasamudayaṃ nāmarūpajātikaṃ nāmarūpapabhavaṃ .

Nāmarūpañcidaṃ , bhikkhave , kiṃnidānaṃ kiṃsamudayaṃ kiṃjātikaṃ kiṃpabhavaṃ ?

Nāmarūpaṃ viññāṇanidānaṃ viññāṇasamudayaṃ viññāṇajātikaṃ viññāṇapabhavaṃ .

Viññāṇañcidaṃ , bhikkhave , kiṃnidānaṃ kiṃsamudayaṃ kiṃjātikaṃ kiṃpabhavaṃ ?

Viññāṇaṃ saṅkhāranidānaṃ saṅkhārasamudayaṃ saṅkhārajātikaṃ saṅkhārapabhavaṃ .

Saṅkhārā cime , bhikkhave , kiṃnidānā kiṃsamudayā kiṃjātikā kiṃpabhavā ?

Saṅkhārā avijjānidānā avijjāsamudayā avijjājātikā avijjāpabhavā .

‘‘ Iti kho , bhikkhave , avijjāpaccayā saṅkhārā ;

saṅkhārapaccayā viññāṇaṃ … pe … evametassa kevalassa dukkhakkhandhassa samudayo hoti .

Avijjāya tveva asesavirāganirodhā saṅkhāranirodho ;

saṅkhāranirodhā viññāṇanirodhoM1.254 … pe … evametassa kevalassa dukkhakkhandhassa nirodho hotī ’’ ti .

Paṭhamaṃ .

2. Moḷiyaphaggunasuttaṃ

12. Sāvatthiyaṃ viharati … pe …‘‘ cattāromeP2.13 , bhikkhave , āhārā bhūtānaṃ vā sattānaṃ ṭhitiyā sambhavesīnaṃ vā anuggahāya .

Katame cattāro ?

Kabaḷīkāro āhāro – oḷāriko vā sukhumo vā , phasso dutiyo , manosañcetanā tatiyā , viññāṇaṃ catutthaṃ .

Ime kho , bhikkhave , cattāro āhārā bhūtānaṃ vā sattānaṃ ṭhitiyā sambhavesīnaṃ vā anuggahāyā ’’ ti .

Evaṃ vutte , āyasmā moḷiyaphagguno bhagavantaṃ etadavoca –

‘‘ ko nu kho , bhante , viññāṇāhāraṃ āhāretī ’’ ti ?

‘‘ No kallo pañho ’’ ti bhagavā avoca –

‘‘‘ āhāretī ’ ti ahaṃ na vadāmi .

‘ Āhāretī ’ ti cāhaṃT2.16 vadeyyaṃ , tatrassa kallo pañho –

‘ ko nu kho , bhante , āhāretī ’ tiV1.14 ?

Evaṃ cāhaṃ na vadāmi .

Evaṃ maṃ avadantaṃ yo evaṃ puccheyya –

‘ kissa nu kho , bhante , viññāṇāhāro ’ ti , esa kallo pañho .

Tatra kallaṃ veyyākaraṇaṃ –

‘ viññāṇāhāro āyatiṃ punabbhavābhinibbattiyā paccayo , tasmiṃ bhūte sati saḷāyatanaṃ , saḷāyatanapaccayā phasso ’’’ ti .

‘‘ Ko nu kho , bhante , phusatī ’’ ti ?

‘‘ No kallo pañho ’’ ti bhagavā avoca –

‘‘‘ phusatī ’ ti ahaṃ na vadāmi .

‘ Phusatī ’ ti cāhaṃ vadeyyaṃ , tatrassa kallo pañho –

‘ ko nu kho , bhante , phusatī ’ ti ?

Evaṃ cāhaṃ na vadāmi .

Evaṃ maṃ avadantaṃ yo evaṃ puccheyya –

‘ kiṃpaccayā nu kho , bhante , phasso ’ ti , esa kallo pañho .

Tatra kallaṃ veyyākaraṇaṃ –

‘ saḷāyatanapaccayā phasso , phassapaccayā vedanā ’’’ ti .

‘‘ Ko nu kho , bhante , vedayatī ’’ ti [ vediyatīti ( sī . pī . ka .)]?

‘‘ No kallo pañho ’’ ti bhagavā avoca –

‘‘‘ vedayatī ’ ti ahaṃ na vadāmi .

‘ Vedayatī ’ ti cāhaṃ vadeyyaṃ , tatrassa kallo pañho –

‘ ko nu kho , bhante , vedayatī ’ ti ?

Evaṃ cāhaṃ na vadāmi .

Evaṃ maṃ avadantaṃ yo evaṃ puccheyya –

‘ kiṃpaccayā nu kho , bhante , vedanā ’ ti , esa kallo pañho .

Tatra kallaṃ veyyākaraṇaṃ –

‘ phassapaccayā vedanā , vedanāpaccayā taṇhā ’’’ ti .

‘‘ KoM1.255 nu kho , bhante , tasatī ’’ ti [ taṇhīyatīti ( sī . syā . kaṃ .)]?

‘‘ No kallo pañho ’’ ti bhagavā avoca –

‘‘‘ tasatī ’ ti ahaṃ na vadāmiP2.14 .

‘ Tasatī ’ ti cāhaṃT2.17 vadeyyaṃ , tatrassa kallo pañho –

‘ ko nu kho , bhante , tasatī ’ ti ?

Evaṃ cāhaṃ na vadāmi .

Evaṃ maṃ avadantaṃ yo evaṃ puccheyya –

‘ kiṃpaccayā nu kho , bhante , taṇhā ’ ti , esa kallo pañho .

Tatra kallaṃ veyyākaraṇaṃ –

‘ vedanāpaccayā taṇhā , taṇhāpaccayā upādānan ’’’ ti .

‘‘ Ko nu kho , bhante , upādiyatī ’’ ti ?

‘‘ No kallo pañho ’’ ti bhagavā avoca –

‘‘‘ upādiyatī ’ ti ahaṃ na vadāmi .

‘ Upādiyatī ’ ti cāhaṃ vadeyyaṃ , tatrassa kallo pañho –

‘ ko nu kho , bhante , upādiyatī ’ ti ?

Evaṃ cāhaṃ na vadāmi .

Evaṃ maṃ avadantaṃ yo evaṃ puccheyya –

‘ kiṃpaccayā nu kho , bhante , upādānan ’ ti , esa kallo pañho .

Tatra kallaṃ veyyākaraṇaṃV1.15 –

‘ taṇhāpaccayā upādānaṃ ;

upādānapaccayā bhavo ’ ti … pe … evametassa kevalassa dukkhakkhandhassa samudayo hoti .

‘‘ Channaṃ tveva , phagguna , phassāyatanānaṃ asesavirāganirodhā phassanirodho ;

phassanirodhā vedanānirodho ;

vedanānirodhā taṇhānirodho ;

taṇhānirodhā upādānanirodho ;

upādānanirodhā bhavanirodho ;

bhavanirodhā jātinirodho ;

jātinirodhā jarāmaraṇaṃ sokaparidevadukkhadomanassupāyāsā nirujjhanti .

Evametassa kevalassa dukkhakkhandhassa nirodho hotī ’’ ti .

Dutiyaṃ .

3. Samaṇabrāhmaṇasuttaṃ

13. Sāvatthiyaṃ viharati … pe …‘‘ ye hi keci , bhikkhave , samaṇā vā brāhmaṇāT2.18 vā jarāmaraṇaṃ nappajānanti , jarāmaraṇasamudayaṃ nappajānanti , jarāmaraṇanirodhaṃ nappajānanti , jarāmaraṇanirodhagāminiṃ paṭipadaṃ nappajānanti ;

jātiṃ … pe … bhavaṃ … upādānaṃ … taṇhaṃ … vedanaṃ … phassaṃ … saḷāyatanaṃ … nāmarūpaṃ … viññāṇaṃ … saṅkhāre nappajānanti , saṅkhārasamudayaṃ nappajānanti , saṅkhāranirodhaṃ nappajānanti , saṅkhāranirodhagāminiṃ paṭipadaṃ nappajānantiP2.15 , na me te , bhikkhave , samaṇā vā brāhmaṇā vā samaṇesu vā samaṇasammatā brāhmaṇesu vā brāhmaṇasammatā ;

na ca pana te āyasmanto sāmaññatthaṃ vā brahmaññatthaṃM1.256 [ brāhmaññatthaṃ ( syā . kaṃ .) moggallānabyākaraṇaṃ oloketabbaṃ ] vā diṭṭheva dhamme sayaṃ abhiññā sacchikatvā upasampajja viharanti .

‘‘ Ye ca kho keci , bhikkhave , samaṇā vā brāhmaṇā vā jarāmaraṇaṃ pajānanti , jarāmaraṇasamudayaṃ pajānanti , jarāmaraṇanirodhaṃ pajānanti , jarāmaraṇanirodhagāminiṃ paṭipadaṃ pajānanti ;

jātiṃ … pe … bhavaṃ … upādānaṃ … taṇhaṃ … vedanaṃ … phassaṃ … saḷāyatanaṃ … nāmarūpaṃ … viññāṇaṃ … saṅkhāre pajānanti , saṅkhārasamudayaṃ pajānanti , saṅkhāranirodhaṃ pajānanti , saṅkhāranirodhagāminiṃ paṭipadaṃ pajānanti , te kho me , bhikkhave , samaṇā vā brāhmaṇā vā samaṇesu ceva samaṇasammatā brāhmaṇesu ca brāhmaṇasammatā ;

te ca panāyasmanto sāmaññatthañca brahmaññatthañca diṭṭheva dhamme sayaṃ abhiññā sacchikatvā upasampajja viharantī ’’ ti .

Tatiyaṃ .

4. Dutiyasamaṇabrāhmaṇasuttaṃ

14. SāvatthiyaṃT2.19V1.16 viharati … pe …‘‘ ye hi keci , bhikkhave , samaṇā vā brāhmaṇā vā ime dhamme nappajānanti , imesaṃ dhammānaṃ samudayaṃ nappajānanti , imesaṃ dhammānaṃ nirodhaṃ nappajānanti , imesaṃ dhammānaṃ nirodhagāminiṃ paṭipadaṃ nappajānanti , katame dhamme nappajānanti , katamesaṃ dhammānaṃ samudayaṃ nappajānanti , katamesaṃ dhammānaṃ nirodhaṃ nappajānanti , katamesaṃ dhammānaṃ nirodhagāminiṃ paṭipadaṃ nappajānanti ’’?

‘‘ Jarāmaraṇaṃ nappajānanti , jarāmaraṇasamudayaṃ nappajānanti , jarāmaraṇanirodhaṃ nappajānanti , jarāmaraṇanirodhagāminiṃ paṭipadaṃ nappajānanti ;

Ime dhamme nappajānanti , imesaṃ dhammānaṃ samudayaṃ nappajānanti , imesaṃ dhammānaṃP2.16 nirodhaṃ nappajānanti , imesaṃ dhammānaṃ nirodhagāminiṃ paṭipadaṃ nappajānanti .

Na me te , bhikkhave , samaṇā vā brāhmaṇā vā samaṇesu vā samaṇasammatā brāhmaṇesu vā brāhmaṇasammatā , na ca pana te āyasmanto sāmaññatthaṃ vā brahmaññatthaṃ vā diṭṭheva dhamme sayaṃ abhiññā sacchikatvā upasampajja viharanti .

‘‘ YeM1.257 ca kho keci , bhikkhave , samaṇā vā brāhmaṇā vā ime dhamme pajānanti , imesaṃ dhammānaṃ samudayaṃ pajānanti , imesaṃ dhammānaṃT2.20 nirodhaṃ pajānanti , imesaṃ dhammānaṃ nirodhagāminiṃ paṭipadaṃ pajānanti , katame dhamme pajānanti , katamesaṃ dhammānaṃ samudayaṃ pajānanti , katamesaṃ dhammānaṃ nirodhaṃ pajānanti , katamesaṃ dhammānaṃ nirodhagāminiṃ paṭipadaṃ pajānanti ?

‘‘ Jarāmaraṇaṃ pajānanti , jarāmaraṇasamudayaṃ pajānanti , jarāmaraṇanirodhaṃ pajānanti , jarāmaraṇanirodhagāminiṃ paṭipadaṃ pajānanti ;

Ime dhamme pajānantiV1.17 , imesaṃ dhammānaṃ samudayaṃ pajānanti , imesaṃ dhammānaṃ nirodhaṃ pajānanti , imesaṃ dhammānaṃ nirodhagāminiṃ paṭipadaṃ pajānanti .

Te kho me , bhikkhave , samaṇā vā brāhmaṇā vā samaṇesu ceva samaṇasammatā , brāhmaṇesu ca brāhmaṇasammatā .

Te ca panāyasmanto sāmaññatthañca brahmaññatthañca diṭṭheva dhamme sayaṃ abhiññā sacchikatvā upasampajja viharantī ’’ ti .

Catutthaṃ .

5. Kaccānagottasuttaṃ

15. Sāvatthiyaṃ viharati .

AthaP2.17 kho āyasmā kaccānagotto yena bhagavā tenupasaṅkami ;

upasaṅkamitvā bhagavantaṃ abhivādetvā ekamantaṃ nisīdi .

Ekamantaṃ nisinno kho āyasmā kaccānagotto bhagavantaṃ etadavoca –

‘‘‘ sammādiṭṭhi sammādiṭṭhī ’ ti , bhante , vuccati .

Kittāvatā nu kho , bhante , sammādiṭṭhi hotī ’’ ti ?

‘‘ DvayanissitoT2.21 khvāyaṃ , kaccāna , loko yebhuyyena – atthitañceva natthitañca .

Lokasamudayaṃ kho , kaccāna , yathābhūtaṃ sammappaññāya passato yā loke natthitā sā na hoti .

Lokanirodhaṃ kho , kaccāna , yathābhūtaṃ sammappaññāya passato yā loke atthitā sā na hoti .

Upayupādānābhinivesavinibandho [ upāyupādānābhinivesavinibandho ( sī . syā . kaṃ . pī .)] khvāyaṃ , kaccāna , loko yebhuyyena .

Tañcāyaṃ upayupādānaṃ cetaso adhiṭṭhānaṃ abhinivesānusayaṃ na upeti na upādiyati nādhiṭṭhāti –

‘ attā me ’ ti .

‘ Dukkhameva uppajjamānaṃM1.258 uppajjati , dukkhaṃ nirujjhamānaṃ nirujjhatī ’ ti na kaṅkhati na vicikicchati aparapaccayā ñāṇamevassa ettha hoti .

Ettāvatā kho , kaccāna , sammādiṭṭhi hoti .

‘‘‘ Sabbaṃ atthī ’ ti kho , kaccāna , ayameko anto .

‘ Sabbaṃ natthī ’ ti ayaṃ dutiyo anto .

Ete te , kaccāna , ubho ante anupagamma majjhena tathāgato dhammaṃ deseti –

‘ avijjāpaccayā saṅkhārā ;

saṅkhārapaccayā viññāṇaṃ … pe … evametassa kevalassa dukkhakkhandhassa samudayo hoti .

Avijjāya tveva asesavirāganirodhā saṅkhāranirodho ;

saṅkhāranirodhā viññāṇanirodho … pe … evametassa kevalassa dukkhakkhandhassa nirodho hotī ’’’ ti .

Pañcamaṃ .

6. Dhammakathikasuttaṃ

16. SāvatthiyaṃV1.18P2.18 … pe … atha kho aññataro bhikkhu yena bhagavā tenupasaṅkami ;

upasaṅkamitvā bhagavantaṃ abhivādetvā ekamantaṃ nisīdi .

Ekamantaṃ nisinno kho so bhikkhu bhagavantaṃ etadavoca –

‘‘‘ dhammakathikoT2.22 dhammakathiko ’ ti , bhante , vuccati .

Kittāvatā nu kho , bhante , dhammakathiko hotī ’’ ti ?

‘‘ Jarāmaraṇassa ce bhikkhu nibbidāya virāgāya nirodhāya dhammaṃ deseti ,‘ dhammakathiko bhikkhū ’ ti alaṃ vacanāya .

Jarāmaraṇassa ce bhikkhu nibbidāya virāgāya nirodhāya paṭipanno hoti ,‘ dhammānudhammappaṭipanno bhikkhū ’ ti alaṃ vacanāya .

Jarāmaraṇassa ce bhikkhu nibbidā virāgā nirodhā anupādāvimutto hoti ,‘ diṭṭhadhammanibbānappatto bhikkhū ’ ti alaṃ vacanāya .

‘‘ Jātiyā ce bhikkhu … pe … bhavassa ce bhikkhu … upādānassa ce bhikkhu … taṇhāya ce bhikkhu … vedanāya ce bhikkhu … phassassa ce bhikkhu … saḷāyatanassa ce bhikkhu … nāmarūpassa ce bhikkhu … viññāṇassa ce bhikkhu … saṅkhārānaṃ ce bhikkhu … avijjāya ce bhikkhu nibbidāya virāgāya nirodhāya dhammaṃ deseti ,‘ dhammakathiko bhikkhū ’ ti alaṃ vacanāya .

Avijjāya ce bhikkhu nibbidāya virāgāya nirodhāya paṭipanno hoti ,‘ dhammānudhammappaṭipanno bhikkhū ’ ti alaṃ vacanāya .

Avijjāya ce bhikkhu nibbidā virāgā nirodhā anupādāvimutto hoti ,‘ diṭṭhadhammanibbānappatto bhikkhū ’ ti alaṃ vacanāyā ’’ ti .

7. Acelakassapasuttaṃ

17. EvaṃM1.259 me sutaṃ – ekaṃ samayaṃ bhagavā rājagahe viharati veḷuvane kalandakanivāpe .

AthaP2.19 kho bhagavā pubbaṇhasamayaṃ nivāsetvā pattacīvaramādāya rājagahaṃ piṇḍāya pāvisi .

AddasāV1.19 kho acelo kassapoT2.23 bhagavantaṃ dūratova āgacchantaṃ .

Disvāna yena bhagavā tenupasaṅkami ;

upasaṅkamitvā bhagavatā saddhiṃ sammodi .

Sammodanīyaṃ kathaṃ sāraṇīyaṃ vītisāretvā ekamantaṃ aṭṭhāsi .

Ekamantaṃ ṭhito kho acelo kassapo bhagavantaṃ etadavoca –

‘‘ puccheyyāma mayaṃ bhavantaṃ gotamaṃ kañcideva [ kiñcideva ( ka .)] desaṃ , sace no bhavaṃ gotamo okāsaṃ karoti pañhassa veyyākaraṇāyā ’’ ti .

‘‘ Akālo kho tāva , kassapa , pañhassa ;

antaragharaṃ paviṭṭhamhā ’’ ti .

Dutiyampi kho acelo kassapo bhagavantaṃ etadavoca ‘‘ puccheyyāma mayaṃ bhavantaṃ gotamaṃ kañcideva desaṃ , sace no bhavaṃ gotamo okāsaṃ karoti pañhassa veyyākaraṇāyā ’’ ti .

‘‘ Akālo kho tāva , kassapa , pañhassa ;

antaragharaṃ paviṭṭhamhā ’’ ti .

Tatiyampi kho acelo kassapo … pe … antaragharaṃ paviṭṭhamhāti .

Evaṃ vutte , acelo kassapo bhagavantaṃ etadavoca –

‘‘ na kho pana mayaṃ bhavantaṃ gotamaṃ bahudeva pucchitukāmā ’’ ti .

‘‘ Puccha , kassapa , yadākaṅkhasī ’’ ti .

‘‘ Kiṃ nu kho , bho gotama ,‘ sayaṃkataṃ dukkhan ’ ti ?

‘ Mā hevaṃ , kassapā ’ ti bhagavā avoca .

‘ Kiṃ pana , bho gotama , paraṃkataṃ dukkhan ’ ti ?

‘ Mā hevaṃ , kassapā ’ ti bhagavā avoca .

‘ Kiṃ nu kho , bho gotama , sayaṃkatañca paraṃkatañca dukkhan ’ ti ?

‘ Mā hevaṃ , kassapā ’ ti bhagavā avoca .

‘ KiṃP2.20 pana bho gotama , asayaṃkāraṃ aparaṃkāraṃ adhiccasamuppannaṃ dukkhan ’ ti ?

‘ Mā hevaṃ , kassapā ’ ti bhagavā avoca .

‘ Kiṃ nuT2.24 kho , bho gotama , natthi dukkhan ’ ti ?

‘ Na kho , kassapa , natthi dukkhaṃ .

Atthi kho , kassapa , dukkhan ’ ti .

‘ Tena hi bhavaṃ gotamo dukkhaṃ na jānāti , na passatī ’ ti .

‘ Na khvāhaṃ , kassapa , dukkhaṃ na jānāmi , na passāmi .

Jānāmi khvāhaṃ , kassapa , dukkhaṃ ;

passāmi khvāhaṃ , kassapa , dukkhan ’’’ ti .

‘‘ Ki nu kho , bho gotama ,‘ sayaṃkataṃ dukkhan ’ ti iti puṭṭho samāno ‘ mā hevaṃ , kassapā ’ ti vadesi .

‘ Kiṃ pana , bho gotama , paraṃkataṃ dukkhan ’ ti itiM1.260 puṭṭho samāno ‘ mā hevaṃ , kassapā ’ ti vadesi .

‘ Kiṃ nu kho , bho gotama , sayaṃkatañca paraṃkatañca dukkhan ’ ti iti puṭṭho samāno ‘ mā hevaṃ , kassapā ’ ti vadesi .

‘ Kiṃ pana , bho gotama , asayaṃkāraṃ aparaṃkāraṃ adhiccasamuppannaṃ dukkhan ’ ti iti puṭṭho samāno ‘ mā hevaṃ , kassapā ’ ti vadesi .

‘ Kiṃ nu kho , bho gotama , natthi dukkhan ’ ti iti puṭṭho samāno ‘ na kho , kassapa , natthi dukkhaṃV1.20 , atthi kho , kassapa , dukkhan ’ ti vadesi .

‘ Tena hi bhavaṃ gotamo dukkhaṃ na jānāti na passatī ’ ti iti puṭṭho samāno ‘ na khvāhaṃ , kassapa , dukkhaṃ na jānāmi na passāmi .

Jānāmi khvāhaṃ , kassapa , dukkhaṃ ;

passāmi khvāhaṃ , kassapa , dukkhan ’ ti vadesi .

Ācikkhatu ca [ ayaṃ cakāro sī . potthake natthi ] me , bhante , bhagavā dukkhaṃ .

Desetu ca [ ayaṃ cakāro sī . potthake natthi ] me , bhante , bhagavā dukkhan ’’ ti .

‘‘‘ So karoti so paṭisaṃvedayatī ’ ti [ paṭisaṃvediyatīti ( sī . pī . ka .)] kho , kassapa , ādito sato ‘ sayaṃkataṃ dukkhan ’ ti iti vadaṃ sassataṃ etaṃ pareti .

‘ Añño karoti añño paṭisaṃvedayatī ’ ti kho , kassapa , vedanābhitunnassa sato ‘ paraṃkataṃ dukkhan ’ tiT2.25 iti vadaṃ ucchedaṃ etaṃ pareti .

Ete te , kassapa , ubho ante anupagamma majjhena tathāgato dhammaṃ deseti –

‘ avijjāpaccayā saṅkhārā ;

saṅkhārapaccayā viññāṇaṃ … pe … evametassa kevalassa dukkhakkhandhassa samudayo hoti .

Avijjāya tveva asesavirāganirodhāP2.21 saṅkhāranirodho ;

saṅkhāranirodhā viññāṇanirodho … pe … evametassa kevalassa dukkhakkhandhassa nirodho hotī ’’’ ti .

Evaṃ vutte , acelo kassapo bhagavantaṃ etadavoca –

‘‘ abhikkantaṃ , bhante , abhikkantaṃ , bhante !

Seyyathāpi , bhante , nikkujjitaṃ vā ukkujjeyya … pe … cakkhumanto rūpāni dakkhantīti ;

evamevaṃ bhagavatā anekapariyāyena dhammo pakāsito .

Esāhaṃ , bhante , bhagavantaṃ saraṇaṃ gacchāmi dhammañca bhikkhusaṅghañca .

Labheyyāhaṃ , bhante , bhagavato santike pabbajjaṃ , labheyyaṃ upasampadan ’’ ti .

‘‘ Yo kho , kassapa , aññatitthiyapubbo imasmiṃ dhammavinaye ākaṅkhati pabbajjaṃ , ākaṅkhati upasampadaṃ , so cattāro māse parivasati .

Catunnaṃ māsānaṃ accayena accayena parivuṭṭhaparivāsaṃ ( syā . kaṃ . pī . ka .) āraddhacittā bhikkhū [ bhikkhū ākaṅkhamānā ( syā . kaṃ . pī . ka .)] pabbājenti upasampādenti bhikkhubhāvāya .

Api ca mayā puggalavemattatā viditā ’’ ti .

‘‘ SaceM1.261 , bhante , aññatitthiyapubbo imasmiṃ dhammavinaye ākaṅkhati pabbajjaṃ , ākaṅkhati upasampadaṃ , cattāro māse parivasati .

Ahaṃ cattāri vassāni parivasissāmiT2.26V1.21 , catunnaṃ vassānaṃ accayena accayena parivuṭṭhaparivāsaṃ ( syā . kaṃ . pī . ka .) āraddhacittā bhikkhū pabbājentu upasampādentu bhikkhubhāvāyā ’’ ti .

Alattha kho acelo kassapo bhagavato santike pabbajjaṃ , alattha upasampadaṃ .

Acirūpasampanno ca panāyasmā kassapo eko vūpakaṭṭho appamatto ātāpī pahitatto viharanto nacirasseva – yassatthāyaP2.22 kulaputtā sammadeva agārasmā anagāriyaṃ pabbajanti tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja vihāsi .

‘‘ Khīṇā jāti vusitaṃ brahmacariyaṃ , kataṃ karaṇīyaṃ , nāparaṃ itthattāyā ’’ ti abbhaññāsi .

Aññataro ca panāyasmā kassapo arahataṃ ahosīti .

Sattamaṃ .

8. Timbarukasuttaṃ

18. Sāvatthiyaṃ viharati .

Atha kho timbaruko paribbājako yena bhagavā tenupasaṅkami ;

upasaṅkamitvā bhagavatā saddhiṃ sammodi .

Sammodanīyaṃ kathaṃ sāraṇīyaṃ vītisāretvā ekamantaṃ nisīdi .

Ekamantaṃ nisinno kho timbaruko paribbājako bhagavantaṃ etadavoca –

‘‘‘ Kiṃ nu kho , bho gotama , sayaṃkataṃ sukhadukkhan ’ ti ?

‘ Mā hevaṃ , timbarukā ’ ti bhagavā avoca .

‘ Kiṃ pana , bho gotama , paraṃkataṃ sukhadukkhan ’ ti ?

‘ Mā hevaṃ , timbarukā ’ ti bhagavā avoca .

‘ Kiṃ nu kho , bho gotama , sayaṃkatañca paraṃkatañca sukhadukkhan ’ ti ?

‘ Mā hevaṃ , timbarukā ’ ti bhagavā avoca .

‘ Kiṃ pana , bho gotama , asayaṃkāraṃ aparaṃkāraṃ adhiccasamuppannaṃ sukhadukkhan ’ ti ?

‘ Mā hevaṃ , timbarukā ’ ti bhagavā avocaT2.27 .

‘ Kiṃ nu kho , bho gotama , natthi sukhadukkhan ’ ti ?

‘ Na kho , timbaruka , natthi sukhadukkhaṃ ;

atthi kho , timbaruka , sukhadukkhan ’ ti .

‘ Tena hi bhavaṃ gotamo sukhadukkhaṃ na jānāti , na passatī ’ ti ?

‘ Na khvāhaṃ , timbaruka , sukhadukkhaṃ na jānāmi , na passāmi .

Jānāmi khvāhaṃ , timbaruka , sukhadukkhaṃ ;

passāmi khvāhaṃ , timbaruka , sukhadukkhan ’’’ ti .

‘‘‘ KiṃM1.262 nu kho , bho gotama , sayaṃkataṃ sukhadukkhan ’ ti iti puṭṭho samāno ‘ mā hevaṃ , timbarukā ’ ti vadesi .

‘ KiṃP2.23 pana , bho gotama , paraṃkataṃ sukhadukkhan ’ ti iti puṭṭho samāno ‘ māV1.22 hevaṃ , timbarukā ’ ti vadesi .

‘ Kiṃ nu kho , bho gotama , sayaṃkatañca paraṃkatañca sukhadukkhan ’ ti iti puṭṭho samāno ‘ mā hevaṃ , timbarukā ’ ti vadesi .

‘ Kiṃ pana , bho gotama , asayaṃkāraṃ aparaṃkāraṃ adhiccasamuppannaṃ sukhadukkhan ’ ti iti puṭṭho samāno ‘ mā hevaṃ , timbarukā ’ ti vadesi .

‘ Kiṃ nu kho , bho gotama , natthi sukhadukkhan ’ ti iti puṭṭho samāno ‘ na kho , timbaruka , natthi sukhadukkhaṃ ;

atthi kho , timbaruka , sukhadukkhan ’ ti vadesi .

‘ Tena hi bhavaṃ gotamo sukhadukkhaṃ na jānāti , na passatī ’ ti iti puṭṭho samāno ‘ na khvāhaṃ , timbaruka , sukhadukkhaṃ na jānāmi , na passāmi .

Jānāmi khvāhaṃ , timbaruka , sukhadukkhaṃ ;

passāmi khvāhaṃ , timbaruka , sukhadukkhan ’ ti vadesi .

Ācikkhatu ca me bhavaṃ gotamo sukhadukkhaṃ .

Desetu ca me bhavaṃ gotamo sukhadukkhan ’’ ti .

‘‘‘ Sā vedanā , so vedayatī ’ ti kho , timbaruka , ādito sato ‘ sayaṃkataṃ sukhadukkhan ’ ti evampāhaṃ na vadāmi .

‘ Aññā vedanā , añño vedayatī ’ tiT2.28 kho , timbaruka , vedanābhitunnassa sato ‘ paraṃkataṃ sukhadukkhan ’ ti evampāhaṃ na vadāmi .

Ete te , timbaruka , ubho ante anupagamma majjhena tathāgato dhammaṃ deseti –

‘ avijjāpaccayā saṅkhārā ;

saṅkhārapaccayā viññāṇaṃ … pe … evametassa kevalassa dukkhakkhandhassa samudayo hoti .

Avijjāya tveva asesavirāganirodhā saṅkhāranirodho ;

saṅkhāranirodhā viññāṇanirodho … pe … evametassa kevalassa dukkhakkhandhassa nirodho hotī ’’’ ti .

Evaṃ vutte , timbaruko paribbājako bhagavantaṃ etadavoca –

‘‘ abhikkantaṃ , bho gotama … pe … esāhaṃ bhavantaṃ gotamaṃ saraṇaṃ gacchāmi dhammañca bhikkhusaṅghañca .

Upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gatan ’’ ti .

Aṭṭhamaṃ .

9. Bālapaṇḍitasuttaṃ

19. Sāvatthiyaṃ viharati … pe …‘‘ avijjānīvaraṇassa , bhikkhave , bālassa taṇhāya sampayuttassaP2.24 evamayaṃ kāyo samudāgato .

Iti ayañceva kāyo bahiddhā ca nāmarūpaṃ , itthetaṃ dvayaṃV1.23 , dvayaṃ paṭicca phasso saḷevāyatanāniM1.263 [ saḷāyatanāni ( ka .)], yehi phuṭṭho bālo sukhadukkhaṃ paṭisaṃvedayati etesaṃ vā aññatarena ’’.

‘‘ Avijjānīvaraṇassa , bhikkhave , paṇḍitassa taṇhāya sampayuttassa evamayaṃ kāyo samudāgato .

Iti ayañceva kāyo bahiddhā ca nāmarūpaṃ , itthetaṃ dvayaṃ , dvayaṃ paṭicca phasso saḷevāyatanāni , yehi phuṭṭho paṇḍito sukhadukkhaṃ paṭisaṃvedayati etesaṃ vā aññatarena ’’.

‘‘ TatraT2.29 , bhikkhave , ko viseso ko adhippayāso [ adhippāyo ( sī . pī . ka .), adhippāyaso ( syā . kaṃ .) adhi + pa + yasu + ṇa + sī = adhippayāso ] kiṃ nānākaraṇaṃ paṇḍitassa bālenā ’’ ti ?

‘‘ Bhagavaṃmūlakā no , bhante , dhammā , bhagavaṃnettikā , bhagavaṃpaṭisaraṇā .

Sādhu vata , bhante , bhagavantaṃyeva paṭibhātu etassa bhāsitassa attho .

Bhagavato sutvā bhikkhū dhāressantī ’’ ti .

‘‘ Tena hi , bhikkhave , suṇātha , sādhukaṃ manasi karotha , bhāsissāmī ’’ ti .

‘‘ Evaṃ , bhante ’’ ti kho te bhikkhū bhagavato paccassosuṃ .

Bhagavā etadavoca –

‘‘ Yāya ca , bhikkhave , avijjāya nivutassa bālassa yāya ca taṇhāya sampayuttassa ayaṃ kāyo samudāgato , sā ceva avijjā bālassa appahīnā sā ca taṇhā aparikkhīṇā .

Taṃ kissa hetu ?

Na , bhikkhave , bālo acari brahmacariyaṃ sammā dukkhakkhayāya .

Tasmā bālo kāyassa bhedā kāyūpago hoti , so kāyūpago samāno na parimuccati jātiyā jarāmaraṇena sokehi paridevehi dukkhehi domanassehi upāyāsehi .

Na parimuccati dukkhasmāti vadāmi .

‘‘ Yāya ca , bhikkhave , avijjāya nivutassa paṇḍitassa yāya ca taṇhāya sampayuttassa ayaṃ kāyo samudāgato , sā ceva avijjā paṇḍitassa pahīnā , sā ca taṇhā parikkhīṇā .

Taṃ kissa hetu ?

Acari , bhikkhave , paṇḍito brahmacariyaṃP2.25 sammā dukkhakkhayāya .

Tasmā paṇḍito kāyassa bhedā na kāyūpago hoti .

So akāyūpago samāno parimuccati jātiyā jarāmaraṇena sokehi paridevehi dukkhehi domanassehi upāyāsehi .

Parimuccati dukkhasmāti vadāmi .

AyaṃM1.264 khoT2.30 , bhikkhave , visesoV1.24 , ayaṃ adhippayāso , idaṃ nānākaraṇaṃ paṇḍitassa bālena yadidaṃ brahmacariyavāso ’’ ti .

Navamaṃ .

10. Paccayasuttaṃ

20. Sāvatthiyaṃ viharati … pe …‘‘ paṭiccasamuppādañca vo , bhikkhave , desessāmi paṭiccasamuppanne ca dhamme .

Taṃ suṇātha , sādhukaṃ manasi karotha , bhāsissāmī ’’ ti .

‘‘ Evaṃ , bhante ’’ ti kho te bhikkhū bhagavato paccassosuṃ .

Bhagavā etadavoca –

‘‘ Katamo ca , bhikkhave , paṭiccasamuppādo ?

Jātipaccayā , bhikkhave , jarāmaraṇaṃ .

Uppādā vā tathāgatānaṃ anuppādā vā tathāgatānaṃ , ṭhitāva sā dhātu dhammaṭṭhitatā dhammaniyāmatā idappaccayatā .

Taṃ tathāgato abhisambujjhati abhisameti .

Abhisambujjhitvā abhisametvā ācikkhati deseti paññāpeti paṭṭhapeti vivarati vibhajati uttānīkaroti .

‘ Passathā ’ ti cāha –

‘ jātipaccayā , bhikkhave , jarāmaraṇaṃ ’’’.

‘‘ Bhavapaccayā , bhikkhave , jāti … pe … upādānapaccayā , bhikkhave , bhavo … taṇhāpaccayā , bhikkhave , upādānaṃ … vedanāpaccayā , bhikkhave , taṇhā … phassapaccayā , bhikkhave , vedanā … saḷāyatanapaccayā , bhikkhave , phasso … nāmarūpapaccayā , bhikkhave , saḷāyatanaṃ … viññāṇapaccayā , bhikkhave , nāmarūpaṃ … saṅkhārapaccayā , bhikkhave , viññāṇaṃ … avijjāpaccayā , bhikkhave , saṅkhārā uppādā vā tathāgatānaṃ anuppādā vā tathāgatānaṃ , ṭhitāva sā dhātu dhammaṭṭhitatā dhammaniyāmatā idappaccayatā .

Taṃ tathāgato abhisambujjhati abhisametiP2.26 .

Abhisambujjhitvā abhisametvā ācikkhatiT2.31 deseti paññāpeti paṭṭhapeti vivarati vibhajati uttānīkaroti .

‘ Passathā ’ ti cāha ‘ avijjāpaccayā , bhikkhave , saṅkhārā ’.

Iti kho , bhikkhave , yā tatra tathatā avitathatā anaññathatā idappaccayatā – ayaṃ vuccati , bhikkhave , paṭiccasamuppādo .

‘‘ Katame ca , bhikkhave , paṭiccasamuppannā dhammā ?

Jarāmaraṇaṃ , bhikkhave , aniccaṃ saṅkhataṃ paṭiccasamuppannaṃ khayadhammaṃ vayadhammaṃ virāgadhammaṃ nirodhadhammaṃ .

Jāti , bhikkhave , aniccā saṅkhatā paṭiccasamuppannāV1.25 khayadhammā vayadhammā virāgadhammā nirodhadhammā .

Bhavo , bhikkhave , anicco saṅkhato paṭiccasamuppanno khayadhammo vayadhammo virāgadhammo nirodhadhammo .

Upādānaṃ bhikkhave … pe … taṇhā , bhikkhave … vedanā , bhikkhave … phasso , bhikkhave … saḷāyatanaṃ , bhikkhave … nāmarūpaṃ , bhikkhave … viññāṇaṃM1.265 , bhikkhave … saṅkhārā , bhikkhave … avijjā , bhikkhave , aniccā saṅkhatā paṭiccasamuppannā khayadhammā vayadhammā virāgadhammā nirodhadhammā .

Ime vuccanti , bhikkhave , paṭiccasamuppannā dhammā .

‘‘ Yato kho , bhikkhave , ariyasāvakassa ‘ ayañca paṭiccasamuppādo , ime ca paṭiccasamuppannā dhammā ’ yathābhūtaṃ sammappaññāya sudiṭṭhā honti , so vata pubbantaṃ vā paṭidhāvissati –

‘ ahosiṃ nu kho ahaṃ [ nu khvāhaṃ ( syā . kaṃ . pī . ka .)] atītamaddhānaṃ , nanu kho ahosiṃ atītamaddhānaṃ , kiṃ nu kho ahosiṃ atītamaddhānaṃ , kathaṃ nu kho ahosiṃ atītamaddhānaṃ , kiṃ hutvā kiṃ ahosiṃT2.32 nu kho ahaṃ atītamaddhānan ’ ti ;

aparantaṃ vā upadhāvissati [ apadhāvissati ( ka .)]–

‘ bhavissāmi nu kho ahaṃ anāgatamaddhānaṃ , nanu kho bhavissāmi anāgatamaddhānaṃP2.27 , kiṃ nu kho bhavissāmi anāgatamaddhānaṃ , kathaṃ nu kho bhavissāmi anāgatamaddhānaṃ , kiṃ hutvā kiṃ bhavissāmi nu kho ahaṃ anāgatamaddhānan ’ ti ;

etarahi vā paccuppannaṃ addhānaṃ ajjhattaṃ kathaṃkathī bhavissati –

‘ ahaṃ nu khosmi , no nu khosmi , kiṃ nu khosmi , kathaṃ nu khosmi , ayaṃ nu kho satto kuto āgato , so kuhiṃ gamissatī ’ ti – netaṃ ṭhānaṃ vijjati .

Taṃ kissa hetu ?

Tathāhi , bhikkhave , ariyasāvakassa ayañca paṭiccasamuppādo ime ca paṭiccasamuppannā dhammā yathābhūtaṃ sammappaññāya sudiṭṭhā ’’ ti .

Dasamaṃ .

Āhāravaggo dutiyo .

Tassuddānaṃ –

Āhāraṃ phagguno ceva , dve ca samaṇabrāhmaṇā ;

Kaccānagotto dhammakathikaṃ , acelaṃ timbarukena ca ;

Bālapaṇḍitato ceva , dasamo paccayena cāti .

Issues

Select Version

Nidānavaggo

Nidānavaggo

2. Āhāravaggo

2. Āhāravaggo

1. Āhārasuttaṃ

2. Moḷiyaphaggunasuttaṃ

3. Samaṇabrāhmaṇasuttaṃ

4. Dutiyasamaṇabrāhmaṇasuttaṃ

5. Kaccānagottasuttaṃ

6. Dhammakathikasuttaṃ

7. Acelakassapasuttaṃ

8. Timbarukasuttaṃ

9. Bālapaṇḍitasuttaṃ

10. Paccayasuttaṃ

Issues

Select Version

Nidānavaggo

Nidānavaggo

2. Āhāravaggo

2. Āhāravaggo

1. Āhārasuttaṃ

2. Moḷiyaphaggunasuttaṃ

3. Samaṇabrāhmaṇasuttaṃ

4. Dutiyasamaṇabrāhmaṇasuttaṃ

5. Kaccānagottasuttaṃ

6. Dhammakathikasuttaṃ

7. Acelakassapasuttaṃ

8. Timbarukasuttaṃ

9. Bālapaṇḍitasuttaṃ

10. Paccayasuttaṃ

Reading Settings