5. Acirapakkantasuttaṃ

Author： _System_Pali_VRI_ @ Administrator

184. EkaṃP2.241 samayaṃ bhagavā rājagahe viharati gijjhakūṭe pabbate acirapakkante devadatte .

Tatra kho bhagavā devadattaṃ ārabbha bhikkhū āmantesiM1.436 –

‘‘ attavadhāya , bhikkhave , devadattassa lābhasakkārasiloko udapādi , parābhavāya devadattassa lābhasakkārasiloko udapādi ’’.

‘‘ Seyyathāpi , bhikkhave , kadalī attavadhāya phalaṃ deti , parābhavāya phalaṃ deti ;

evameva kho , bhikkhave , attavadhāya devadattassa lābhasakkārasiloko udapādi , parābhavāya devadattassa lābhasakkārasiloko udapādi .

‘‘ Seyyathāpi , bhikkhave , veḷu attavadhāya phalaṃ deti , parābhavāya phalaṃ deti ;

evameva kho , bhikkhave , attavadhāya devadattassa lābhasakkārasiloko udapādi , parābhavāya devadattassa lābhasakkārasiloko udapādi .

‘‘ SeyyathāpiV1.218 , bhikkhave , naḷo attavadhāya phalaṃ deti , parābhavāya phalaṃ deti ;

evameva kho , bhikkhave , attavadhāya devadattassa lābhasakkārasiloko udapādi , parābhavāya devadattassa lābhasakkārasiloko udapādi .

‘‘ Seyyathāpi , bhikkhave , assatarī attavadhāya gabbhaṃ gaṇhāti , parābhavāya gabbhaṃ gaṇhāti ;

evameva kho , bhikkhave , attavadhāya devadattassa lābhasakkārasiloko udapādi , parābhavāya devadattassa lābhasakkārasilokoT2.284 udapādi .

Evaṃ dāruṇo kho , bhikkhave , lābhasakkārasiloko .

Evañhi vo , bhikkhave , sikkhitabban ’’ ti .

Idamavoca bhagavā .

Idaṃ vatvāna sugato athāparaṃ etadavoca satthā –

‘‘ Phalaṃ ve kadaliṃ hanti , phalaṃ veḷuṃ phalaṃ naḷaṃ ;

Sakkāro kāpurisaṃ hanti , gabbho assatariṃ yathāti ’’.

pañcamaṃ ;