Issues
Editor
Settings
Versions
Select Version
sāsanāre-သာသနာရေး
မြန်မာဘာသာ
莊春江讀經站
繁体中文
Nidānavaggo
Nidānavaggo

3. Dhātusaṃyuttaṃ

Author： _System_Pali_VRI_ @ Administrator

3. Dhātusaṃyuttaṃ

1. Nānattavaggo

1. Dhātunānattasuttaṃ

85. SāvatthiyaṃT2.170V1.125P2.140M1.358 viharati … pe …‘‘ dhātunānattaṃ vo , bhikkhave , desessāmi .
Taṃ suṇātha , sādhukaṃ manasi karotha ;
bhāsissāmī ’’ ti .
‘‘ Evaṃ , bhante ’’ ti kho te bhikkhū bhagavato paccassosuṃ .
Bhagavā etadavoca –
‘‘ Katamañca , bhikkhave , dhātunānattaṃ ?
Cakkhudhātu rūpadhātu cakkhuviññāṇadhātu , sotadhātu saddadhātu sotaviññāṇadhātu , ghānadhātu gandhadhātu ghānaviññāṇadhātu , jivhādhātu rasadhātu jivhāviññāṇadhātu , kāyadhātu phoṭṭhabbadhātu kāyaviññāṇadhātu , manodhātu dhammadhātu manoviññāṇadhātu – idaṃ vuccati , bhikkhave , dhātunānattan ’’ ti .
Paṭhamaṃ .

2. Phassanānattasuttaṃ

86. Sāvatthiyaṃ viharati … pe …‘‘ dhātunānattaṃ , bhikkhave , paṭicca uppajjati phassanānattaṃ .
Katamañca , bhikkhave , dhātunānattaṃ ?
Cakkhudhātu sotadhātu ghānadhātu jivhādhātu kāyadhātu manodhātu – idaṃ vuccati , bhikkhave , dhātunānattaṃ ’’.
‘‘ Kathañca , bhikkhave , dhātunānattaṃ paṭicca uppajjati phassanānattaṃ ?
Cakkhudhātuṃ , bhikkhave , paṭicca uppajjati cakkhusamphasso .
Sotadhātuṃ paṭicca … ghānadhātuṃ paṭiccaP2.141 … jivhādhātuṃV1.126 paṭicca … kāyadhātuṃ paṭicca … manodhātuṃ paṭicca uppajjati manosamphasso .
Evaṃ khoT2.171 , bhikkhave , dhātunānattaṃ paṭicca uppajjati phassanānattan ’’ ti .
Dutiyaṃ .

3. Nophassanānattasuttaṃ

87. Sāvatthiyaṃ viharati … pe …‘‘ dhātunānattaṃ , bhikkhave , paṭicca uppajjati phassanānattaṃ , no phassanānattaṃ paṭicca uppajjati dhātunānattaṃ .
Katamañca , bhikkhave , dhātunānattaṃ ?
Cakkhudhātu … pe … manodhātu – idaṃ vuccati , bhikkhave , dhātunānattaṃ ’’.
‘‘ KathañcaM1.359 , bhikkhave , dhātunānattaṃ paṭicca uppajjati phassanānattaṃ , no phassanānattaṃ paṭicca uppajjati dhātunānattaṃ ?
Cakkhudhātuṃ , bhikkhave , paṭicca uppajjati cakkhusamphasso , no cakkhusamphassaṃ paṭicca uppajjati cakkhudhātu … pe … manodhātuṃ paṭicca uppajjati manosamphasso , no manosamphassaṃ paṭicca uppajjati manodhātu .
Evaṃ kho , bhikkhave , dhātunānattaṃ paṭicca uppajjati phassanānattaṃ , no phassanānattaṃ paṭicca uppajjati dhātunānattan ’’ ti .
Tatiyaṃ .

4. Vedanānānattasuttaṃ

88. Sāvatthiyaṃ viharati … pe …‘‘ dhātunānattaṃ , bhikkhave , paṭicca uppajjati phassanānattaṃ , phassanānattaṃ paṭicca uppajjati vedanānānattaṃ .
Katamañca , bhikkhave , dhātunānattaṃ ?
CakkhudhātuP2.142 … pe … manodhātu – idaṃ vuccati , bhikkhave , dhātunānattaṃ ’’.
‘‘ Kathañca , bhikkhave , dhātunānattaṃ paṭicca uppajjati phassanānattaṃ , phassanānattaṃ paṭicca uppajjati vedanānānattaṃ ?
Cakkhudhātuṃ , bhikkhave , paṭicca uppajjati cakkhusamphasso , cakkhusamphassaṃ paṭicca uppajjati cakkhusamphassajā vedanā … pe … manodhātuṃ paṭicca uppajjatiT2.172 manosamphasso , manosamphassaṃ paṭicca uppajjati manosamphassajā vedanā .
Evaṃ kho , bhikkhave , dhātunānattaṃ paṭicca uppajjati phassanānattaṃ , phassanānattaṃ paṭicca uppajjati vedanānānattan ’’ ti .
Catutthaṃ .

5. Dutiyavedanānānattasuttaṃ

89. SāvatthiyaṃV1.127 viharati … pe …‘‘ dhātunānattaṃ , bhikkhave , paṭicca uppajjati phassanānattaṃ , phassanānattaṃ paṭicca uppajjati vedanānānattaṃ , no vedanānānattaṃ paṭicca uppajjati phassanānattaṃ , no phassanānattaṃ paṭicca uppajjati dhātunānattaṃ .
Katamañca , bhikkhave , dhātunānattaṃ ?
Cakkhudhātu … pe … manodhātu – idaṃ vuccati , bhikkhave , dhātunānattaṃ ’’.
‘‘ Kathañca , bhikkhave , dhātunānattaṃ paṭicca uppajjati phassanānattaṃ , phassanānattaṃ paṭicca uppajjati vedanānānattaṃ , no vedanānānattaṃ paṭicca uppajjati phassanānattaṃ , no phassanānattaṃ paṭicca uppajjati dhātunānattaṃ ?
Cakkhudhātuṃ , bhikkhave , paṭicca uppajjati cakkhusamphasso , cakkhusamphassaṃ paṭicca uppajjati cakkhusamphassajā vedanā , no cakkhusamphassajaṃ vedanaṃ paṭiccaP2.143 uppajjati cakkhusamphasso , no cakkhusamphassaṃ paṭicca uppajjati cakkhudhātu … pe … manodhātuṃ paṭicca uppajjati manosamphasso , manosamphassaṃM1.360 paṭicca uppajjati manosamphassajā vedanā , no manosamphassajaṃ vedanaṃ paṭicca uppajjati manosamphasso , no manosamphassaṃ paṭicca uppajjati manodhātu .
EvaṃT2.173 kho , bhikkhave , dhātunānattaṃ paṭicca uppajjati phassanānattaṃ , phassanānattaṃ paṭicca uppajjati vedanānānattaṃ , no vedanānānattaṃ paṭicca uppajjati phassanānattaṃ , no phassanānattaṃ paṭicca uppajjati dhātunānattan ’’ ti .
Pañcamaṃ .

6. Bāhiradhātunānattasuttaṃ

90. Sāvatthiyaṃ viharati … pe …‘‘ dhātunānattaṃ vo , bhikkhave , desessāmi .
Taṃ suṇātha … pe … katamañca , bhikkhave , dhātunānattaṃ ?
Rūpadhātu saddadhātu gandhadhātu rasadhātu phoṭṭhabbadhātu dhammadhātu – idaṃ vuccati , bhikkhave , dhātunānattan ’’ ti .
Chaṭṭhaṃ .

7. Saññānānattasuttaṃ

91. Sāvatthiyaṃ viharati … pe …‘‘ bhadante ’’ ti te bhikkhū bhagavato paccassosuṃ .
Bhagavā etadavocaV1.128 –
‘‘ dhātunānattaṃ , bhikkhave , paṭicca uppajjati saññānānattaṃ , saññānānattaṃ paṭicca uppajjati saṅkappanānattaṃ , saṅkappanānattaṃ paṭicca uppajjati chandanānattaṃ , chandanānattaṃ paṭicca uppajjati pariḷāhanānattaṃ , pariḷāhanānattaṃ paṭicca uppajjati pariyesanānānattaṃ .
Katamañca , bhikkhave , dhātunānattaṃ ?
Rūpadhātu … pe … dhammadhātu – idaṃ vuccati , bhikkhave , dhātunānattaṃ ’’.
‘‘ KathañcaP2.144 , bhikkhave , dhātunānattaṃ paṭicca uppajjati saññānānattaṃ , saññānānattaṃ paṭicca uppajjati saṅkappanānattaṃ , saṅkappanānattaṃ paṭicca uppajjati chandanānattaṃ , chandanānattaṃ paṭicca uppajjati pariḷāhanānattaṃ , pariḷāhanānattaṃ paṭicca uppajjati pariyesanānānattaṃ ?
‘‘ Rūpadhātuṃ , bhikkhave , paṭicca uppajjati rūpasaññāT2.174 , rūpasaññaṃ paṭicca uppajjati rūpasaṅkappo , rūpasaṅkappaṃ paṭicca uppajjati rūpacchando , rūpacchandaṃ paṭicca uppajjati rūpapariḷāho , rūpapariḷāhaṃ paṭicca uppajjati rūpapariyesanā … pe … dhammadhātuṃ paṭicca uppajjati dhammasaññā , dhammasaññaṃ paṭicca uppajjati dhammasaṅkappo , dhammasaṅkappaṃ paṭicca uppajjati dhammacchando , dhammacchandaṃ paṭicca uppajjati dhammapariḷāho , dhammapariḷāhaṃ paṭicca uppajjati dhammapariyesanā .
‘‘ Evaṃ , kho , bhikkhave , dhātunānattaṃ paṭicca uppajjati saññānānattaṃ , saññānānattaṃ paṭicca uppajjati saṅkappanānattaṃ , saṅkappanānattaṃ paṭicca uppajjati chandanānattaṃ , chandanānattaṃM1.361 paṭicca uppajjati pariḷāhanānattaṃ , pariḷāhanānattaṃ paṭicca uppajjati pariyesanānānattan ’’ ti .
Sattamaṃ .

8. Nopariyesanānānattasuttaṃ

92. Sāvatthiyaṃ viharati … pe …‘‘ dhātunānattaṃ , bhikkhave , paṭicca uppajjati saññānānattaṃ , saññānānattaṃ paṭicca uppajjati saṅkappanānattaṃ , saṅkappanānattaṃ paṭicca uppajjati chandanānattaṃ , chandanānattaṃ paṭicca uppajjati pariḷāhanānattaṃ , pariḷāhanānattaṃ paṭicca uppajjati pariyesanānānattaṃ ;
no pariyesanānānattaṃ paṭicca uppajjati pariḷāhanānattaṃP2.145 , no pariḷāhanānattaṃ paṭicca uppajjati chandanānattaṃ , no chandanānattaṃ paṭicca uppajjati saṅkappanānattaṃV1.129 , no saṅkappanānattaṃ paṭicca uppajjati saññānānattaṃ , no saññānānattaṃ paṭicca uppajjati dhātunānattaṃ .
Katamañca , bhikkhave , dhātunānattaṃ ?
Rūpadhātu … pe … dhammadhātu – idaṃ vuccati , bhikkhave , dhātunānattaṃ ’’.
‘‘ KathañcaT2.175 , bhikkhave , dhātunānattaṃ paṭicca uppajjati saññānānattaṃ , saññānānattaṃ paṭicca uppajjati … pe … pariyesanānānattaṃ ;
no pariyesanānānattaṃ paṭicca uppajjati pariḷāhanānattaṃ , no pariḷāhanānattaṃ paṭicca uppajjati chandanānattaṃ , no chandanānattaṃ paṭicca uppajjati saṅkappanānattaṃ , no saṅkappanānattaṃ paṭicca uppajjati saññānānattaṃ , no saññānānattaṃ paṭicca uppajjati dhātunānattaṃ ?
‘‘ Rūpadhātuṃ , bhikkhave , paṭicca uppajjati rūpasaññā … pe … dhammadhātuṃ paṭicca uppajjati dhammasaññā , dhammasaññaṃP2.146 paṭicca uppajjati … pe … dhammapariyesanā ;
no dhammapariyesanaṃ paṭicca uppajjati dhammapariḷāho , no dhammapariḷāhaṃ paṭicca uppajjati dhammacchando , no dhammacchandaṃ paṭicca uppajjati dhammasaṅkappo , no dhammasaṅkappaṃ paṭicca uppajjati dhammasaññā , no dhammasaññaṃ paṭicca uppajjati dhammadhātu .
‘‘ Evaṃ kho , bhikkhave , dhātunānattaṃ paṭicca uppajjati saññānānattaṃ , saññānānattaṃ paṭicca uppajjati … pe … pariyesanānānattaṃ ;
no pariyesanānānattaṃ paṭicca uppajjati pariḷāhanānattaṃ , no pariḷāhanānattaṃ paṭicca uppajjati chandanānattaṃ , no chandanānattaṃ paṭicca uppajjati saṅkappanānattaṃ , no saṅkappanānattaṃ paṭicca uppajjati saññānānattaṃ , no saññānānattaṃ paṭicca uppajjati dhātunānattan ’’ ti .
Aṭṭhamaṃ .

9. Bāhiraphassanānattasuttaṃ

93. SāvatthiyaṃM1.362 viharati … pe …‘‘ dhātunānattaṃ , bhikkhave , paṭicca uppajjati saññānānattaṃ , saññānānattaṃ paṭicca uppajjati saṅkappanānattaṃ , saṅkappanānattaṃ paṭicca uppajjati phassanānattaṃT2.176 , phassanānattaṃ paṭicca uppajjati vedanānānattaṃ , vedanānānattaṃ paṭicca uppajjati chandanānattaṃ , chandanānattaṃ paṭicca uppajjati pariḷāhanānattaṃ , pariḷāhanānattaṃ paṭicca uppajjati pariyesanānānattaṃV1.130 , pariyesanānānattaṃ paṭicca uppajjati lābhanānattaṃ .
Katamañca , bhikkhave , dhātunānattaṃ ?
Rūpadhātu … pe … dhammadhātu – idaṃ vuccati , bhikkhave , dhātunānattaṃ ’’.
‘‘ Kathañca , bhikkhave , dhātunānattaṃ paṭicca uppajjatiP2.147 saññānānattaṃ , saññānānattaṃ paṭicca uppajjati … pe … lābhanānattaṃ ?
‘‘ Rūpadhātuṃ , bhikkhave , paṭicca uppajjati rūpasaññā , rūpasaññaṃ paṭicca uppajjati rūpasaṅkappo , rūpasaṅkappaṃ paṭicca uppajjati rūpasamphasso , rūpasamphassaṃ paṭicca uppajjati rūpasamphassajā vedanā , rūpasamphassajaṃ vedanaṃ paṭicca uppajjati rūpacchando , rūpacchandaṃ paṭicca uppajjati rūpapariḷāho , rūpapariḷāhaṃ paṭicca uppajjati rūpapariyesanā , rūpapariyesanaṃ paṭicca uppajjati rūpalābho … pe … dhammadhātuṃ paṭicca uppajjati dhammasaññā , dhammasaññaṃ paṭicca uppajjati dhammasaṅkappo , dhammasaṅkappaṃ paṭicca uppajjati dhammasamphasso , dhammasamphassaṃ paṭicca uppajjati dhammasamphassajā vedanā , dhammasamphassajaṃ vedanaṃ paṭicca uppajjati dhammacchando , dhammacchandaṃ paṭicca uppajjati dhammapariḷāho , dhammapariḷāhaṃ paṭicca uppajjati dhammapariyesanā , dhammapariyesanaṃ paṭicca uppajjati dhammalābhoT2.177 .
‘‘ Evaṃ kho , bhikkhave , dhātunānattaṃ paṭicca uppajjati saññānānattaṃ , saññānānattaṃ paṭicca uppajjati … pe … pariyesanānānattaṃ , pariyesanānānattaṃ paṭicca uppajjati lābhanānattan ’’ ti .
Navamaṃ .

10. Dutiyabāhiraphassanānattasuttaṃ

94. Sāvatthiyaṃ viharati … pe …‘‘ dhātunānattaṃ , bhikkhave , paṭicca uppajjati saññānānattaṃ , saññānānattaṃ paṭicca uppajjati saṅkappanānattaṃP2.148 , phassa … vedanā … chanda … pariḷāha … pariyesanānānattaṃ paṭicca uppajjati lābhanānattaṃ ;
no lābhanānattaṃ paṭicca uppajjati pariyesanānānattaṃ , no pariyesanānānattaṃ paṭicca uppajjati pariḷāhanānattaṃ , no pariḷāhanānattaṃ paṭicca uppajjati … pe … chanda … vedanā … phassa … saṅkappa … saññānānattaṃV1.131 , no saññānānattaṃ paṭiccaM1.363 uppajjati dhātunānattaṃ .
Katamañca , bhikkhave , dhātunānattaṃ ?
Rūpadhātu … pe … dhammadhātu – idaṃ vuccati , bhikkhave , dhātunānattaṃ ’’.
‘‘ Kathañca , bhikkhave , dhātunānattaṃ paṭicca uppajjati saññānānattaṃ , saññānānattaṃ paṭicca uppajjati saṅkappanānattaṃ ?
Phassa … vedanā … chanda … pariḷāha … pariyesanā … lābha … no lābhanānattaṃ paṭicca uppajjati pariyesanānānattaṃ , no pariyesanānānattaṃ paṭicca uppajjati pariḷāha … chanda … vedanā … phassa … no saṅkappanānattaṃ paṭicca uppajjati saññānānattaṃ , no saññānānattaṃ paṭicca uppajjati dhātunānattaṃ ?
‘‘ Rūpadhātuṃ , bhikkhave , paṭicca uppajjati rūpasaññā … pe … dhammadhātuṃT2.178 paṭicca uppajjati dhammasaññā , dhammasaññaṃ paṭicca uppajjati … pe … dhammapariyesanā , dhammapariyesanaṃ paṭicca uppajjati dhammalābho ;
no dhammalābhaṃ paṭicca uppajjati dhammapariyesanā , no dhammapariyesanaṃ paṭicca uppajjati dhammapariḷāhoP2.149 , no dhammapariḷāhaṃ paṭicca uppajjati dhammacchando , no dhammacchandaṃ paṭicca uppajjati dhammasamphassajā vedanā , no dhammasamphassajaṃ vedanaṃ paṭicca uppajjati dhammasamphasso , no dhammasamphassaṃ paṭicca uppajjati dhammasaṅkappo , no dhammasaṅkappaṃ paṭicca uppajjati dhammasaññā , no dhammasaññaṃ paṭicca uppajjati dhammadhātu .
‘‘ Evaṃ kho , bhikkhave , dhātunānattaṃ paṭicca uppajjati saññānānattaṃ , saññānānattaṃ paṭicca uppajjati … pe … saṅkappa … phassa … vedanā … chanda … pariḷāha … pariyesanā … lābha … no lābhanānattaṃ paṭicca uppajjati pariyesanānānattaṃ , no pariyesanānānattaṃ paṭicca uppajjati pariḷāhanānattaṃ , no pariḷāhanānattaṃ paṭicca uppajjati chandanānattaṃ , no chandanānattaṃ paṭicca uppajjati vedanānānattaṃ , no vedanānānattaṃ paṭicca uppajjati phassanānattaṃ , no phassanānattaṃ paṭicca uppajjati saṅkappanānattaṃ , no saṅkappanānattaṃ paṭicca uppajjati saññānānattaṃ , no saññānānattaṃ paṭicca uppajjati dhātunānattan ’’ ti .
Dasamaṃ .
Nānattavaggo paṭhamo .
Tassuddānaṃ –
DhātuphassañcaT2.179V1.132 no cetaṃ , vedanā apare duve ;
Etaṃ ajjhattapañcakaṃ , dhātusaññañca no cetaṃ ;
Phassassa apare duve , etaṃ bāhirapañcakanti .