1. Duggatasuttaṃ
134. Ekaṃ
T2.221V1.168 samayaṃ bhagavā sāvatthiyaṃ viharati .Tatra kho bhagavā bhikkhu āmantesi –
‘‘ bhikkhavo ’’ ti .
‘‘ Bhadante ’’ ti te bhikkhū bhagavato paccassosuṃ .
Bhagavā etadavoca –
‘‘ anamataggoyaṃ , bhikkhave , saṃsāro .
Pubbā koṭi na paññāyati avijjānīvaraṇānaṃ sattānaṃ taṇhāsaṃyojanānaṃ sandhāvataṃ saṃsarataṃ .
Yaṃ , bhikkhave , passeyyātha duggataṃ durūpetaṃ niṭṭhamettha gantabbaṃ –
‘ amhehipi evarūpaṃ paccanubhūtaṃ iminā dīghena addhunā ’ ti .
Taṃ kissa hetu … pe … yāvañcidaṃ , bhikkhave , alameva sabbasaṅkhāresu nibbindituṃ alaṃ virajjituṃ alaṃ vimuccitun ’’ ti .
Paṭhamaṃ .