8. Dutiyasamuddasuttaṃ
81. Sāvatthiyaṃ viharati … pe …‘‘ seyyathāpi , bhikkhave , mahāsamuddo parikkhayaṃ pariyādānaṃ gaccheyya , ṭhapetvā dve vā tīṇi vā udakaphusitāni .
Taṃ kiṃ maññatha , bhikkhave , katamaṃ nu kho bahutaraṃ , yaṃ vā mahāsamudde udakaṃ parikkhīṇaṃ pariyādinnaṃ yāni vā dve vā tīṇi vā udakaphusitāni avasiṭṭhānī ’’ ti ?
‘‘ Etadeva , bhante , bahutaraṃ mahāsamudde udakaṃ , yadidaṃ parikkhīṇaṃ pariyādiṇṇaṃ ;
appamattakāni dve vā tīṇi vā udakaphusitāni avasiṭṭhāni .
Neva satimaṃ kalaṃ upenti na sahassimaṃ kalaṃ upenti na satasahassimaṃ kalaṃ upenti mahāsamudde udakaṃ parikkhīṇaṃ pariyādiṇṇaṃ
V1.123 upanidhāya dve vā tīṇi vā udakaphusitāni avasiṭṭhānī ’’ ti .‘‘ Evameva
T2.167 kho bhikkhave … pe … dhammacakkhupaṭilābho ’’ ti .Aṭṭhamaṃ .