2. Dutiyavaggo
1. Suvaṇṇapātisuttaṃ
167. Sāvatthiyaṃ
T2.274M1.430P2.233 viharati … pe …‘‘ dāruṇo , bhikkhave , lābhasakkārasiloko … pe … adhigamāya .Idhāhaṃ , bhikkhave , ekaccaṃ puggalaṃ evaṃ cetasā ceto paricca pajānāmi –
‘ na cāyamāyasmā
V1.211 suvaṇṇapātiyāpi rūpiyacuṇṇaparipūrāya hetu sampajānamusā bhāseyyā ’ ti .Tamenaṃ passāmi aparena samayena lābhasakkārasilokena abhibhūtaṃ pariyādiṇṇacittaṃ sampajānamusā bhāsantaṃ .
Evaṃ dāruṇo kho , bhikkhave , lābhasakkārasiloko … pe … evañhi vo , bhikkhave , sikkhitabban ’’ ti .
Paṭhamaṃ .
2. Rūpiyapātisuttaṃ
168. Sāvatthiyaṃ viharati … pe …‘‘ dāruṇo , bhikkhave , lābhasakkārasiloko … pe … idhāhaṃ , bhikkhave , ekaccaṃ puggalaṃ evaṃ cetasā ceto paricca pajānāmi –
‘ na cāyamāyasmā rūpiyapātiyāpi suvaṇṇacuṇṇaparipūrāya hetu sampajānamusā bhāseyyā ’ ti .
Tamenaṃ passāmi aparena samayena lābhasakkārasilokena abhibhūtaṃ pariyādiṇṇacittaṃ sampajānamusā bhāsantaṃ .
Evaṃ dāruṇo kho , bhikkhave , lābhasakkārasiloko … pe … evañhi vo , bhikkhave , sikkhitabban ’’ ti .
Dutiyaṃ .
3-10.Suvaṇṇanikkhasuttādiaṭṭhakaṃ
169. Sāvatthiyaṃ viharati … pe …‘‘ idhāhaṃ
P2.234 , bhikkhave , ekaccaṃ puggalaṃ evaṃ cetasā ceto paricca pajānāmi –‘ na cāyamāyasmā suvaṇṇanikkhassāpi
T2.275 hetu … pe … suvaṇṇanikkhasatassāpi hetu … siṅgīnikkhassāpi hetu … siṅgīnikkhasatassāpi hetu … pathaviyāpi jātarūpaparipūrāya hetu … āmisakiñcikkhahetupi … jīvitahetupi … janapadakalyāṇiyāpi hetu sampajānamusā bhāseyyā ’ ti .Tamenaṃ passāmi aparena samayena lābhasakkārasilokena abhibhūtaṃ pariyādiṇṇacittaṃ sampajānamusā bhāsantaṃ .
Evaṃ dāruṇo kho , bhikkhave , lābhasakkārasiloko … pe … evañhi vo , bhikkhave , sikkhitabban ’’ ti .
Dasamaṃ .
Dutiyo vaggo .
Tassuddānaṃ –
Dve
V1.212M1.431 pāti dve suvaṇṇā ca , siṅgīhi apare duve ;Pathavī kiñcikkhajīvitaṃ , janapadakalyāṇiyā dasāti .