Issues
Editor
Settings
Versions
Select Version
sāsanāre-သာသနာရေး
မြန်မာဘာသာ
Nidānavaggo
Nidānavaggo

9. Antarapeyyālaṃ

Author： _System_Pali_VRI_ @ Administrator

9. Antarapeyyālaṃ

1. Satthusuttaṃ

73. SāvatthiyaṃT2.160V1.115 viharati … pe …‘‘ jarāmaraṇaṃ , bhikkhave , ajānatā apassatā yathābhūtaṃ jarāmaraṇe yathābhūtaṃ ñāṇāya satthā pariyesitabbo ;
jarāmaraṇasamudayaṃ ajānatā apassatā yathābhūtaṃ jarāmaraṇasamudaye yathābhūtaṃM1.350 ñāṇāya satthā pariyesitabbo ;
jarāmaraṇanirodhaṃ ajānatā apassatā yathābhūtaṃ jarāmaraṇanirodhe yathābhūtaṃ ñāṇāya satthā pariyesitabbo ;
jarāmaraṇanirodhagāminiṃ paṭipadaṃ ajānatā apassatā yathābhūtaṃ jarāmaraṇanirodhagāminiyā paṭipadāya yathābhūtaṃ ñāṇāya satthā pariyesitabbo ’’ ti .( Suttanto eko ).
Paṭhamaṃ .
( Sabbesaṃ peyyālo evaṃ vitthāretabbo )

2-11.
Dutiyasatthusuttādidasakaṃ

(2) JātiṃP2.131 , bhikkhave , ajānatā apassatā yathābhūtaṃ … pe ….
(3) Bhavaṃ , bhikkhave , ajānatā apassatā yathābhūtaṃ … pe ….
(4) Upādānaṃ , bhikkhave , ajānatā apassatā yathābhūtaṃ … pe ….
(5) Taṇhaṃ , bhikkhave , ajānatā apassatā yathābhūtaṃ … pe ….
(6) Vedanaṃ , bhikkhave , ajānatā apassatā yathābhūtaṃ … pe ….
(7) Phassaṃ , bhikkhave , ajānatā apassatā yathābhūtaṃ … pe ….
(8) SaḷāyatanaṃV1.116 , bhikkhave , ajānatā apassatā yathābhūtaṃ … pe ….
(9) Nāmarūpaṃ , bhikkhave , ajānatā apassatā yathābhūtaṃ … pe ….
(10) Viññāṇaṃ , bhikkhave , ajānatā apassatā yathābhūtaṃ … pe ….
(11)‘‘ Saṅkhāre , bhikkhave , ajānatā apassatā yathābhūtaṃ saṅkhāresu yathābhūtaṃ ñāṇāya satthā pariyesitabbo ;
saṅkhārasamudayaṃ ajānatā apassatā yathābhūtaṃ saṅkhārasamudaye yathābhūtaṃ ñāṇāya satthā pariyesitabbo ;
saṅkhāranirodhaṃ ajānatā apassatā yathābhūtaṃT2.161 saṅkhāranirodhe yathābhūtaṃ ñāṇāya satthā pariyesitabbo ;
saṅkhāranirodhagāminiṃ paṭipadaṃ ajānatā apassatā yathābhūtaṃ saṅkhāranirodhagāminiyā paṭipadāya yathābhūtaṃ ñāṇāya satthā pariyesitabbo ’’ ti .
Ekādasamaṃ .
( Sabbesaṃ catusaccikaṃ kātabbaṃ ).

2-12.
Sikkhāsuttādipeyyālaekādasakaṃ

(2)‘‘ JarāmaraṇaṃM1.351 , bhikkhave , ajānatā apassatā yathābhūtaṃ jarāmaraṇe yathābhūtaṃ ñāṇāya sikkhā karaṇīyā .
( Peyyālo . Catusaccikaṃ kātabbaṃ ).
(3) Jarāmaraṇaṃ , bhikkhave , ajānatā … pe … yogo karaṇīyo … pe ….
(4) Jarāmaraṇaṃ , bhikkhave , ajānatā … pe … chandoP2.132 karaṇīyo … pe ….
(5) Jarāmaraṇaṃ , bhikkhave , ajānatā … pe … ussoḷhī karaṇīyā … pe ….
(6) JarāmaraṇaṃV1.117 , bhikkhave , ajānatā … pe … appaṭivānī karaṇīyā … pe ….
(7) Jarāmaraṇaṃ , bhikkhave , ajānatā … pe … ātappaṃ karaṇīyaṃ … pe ….
(8) Jarāmaraṇaṃ , bhikkhave , ajānatā … pe … vīriyaṃ karaṇīyaṃ … pe ….
(9) Jarāmaraṇaṃ , bhikkhave , ajānatā … pe … sātaccaṃ karaṇīyaṃ … pe ….
(10) Jarāmaraṇaṃ , bhikkhave , ajānatā … pe … sati karaṇīyā … pe ….
(11) Jarāmaraṇaṃ , bhikkhave , ajānatā … pe … sampajaññaṃ karaṇīyaṃ … pe ….
(12) Jarāmaraṇaṃ , bhikkhave , ajānatā … pe … appamādo karaṇīyo … pe ….
Antarapeyyālo navamo .
Tassuddānaṃ –
Satthā sikkhā ca yogo ca , chando ussoḷhipañcamī ;
Appaṭivāni ātappaṃ , vīriyaṃP2.133 sātaccamuccati ;
Sati ca sampajaññañca , appamādena dvādasāti .
Suttantā antarapeyyālā niṭṭhitā .
PareV1.118 te dvādasa honti , suttā dvattiṃsa satāni ;
Catusaccena te vuttā , peyyālaantaramhi yeti [ peyyālā antaramhi yeti ( sī . syā . kaṃ .)].
Antarapeyyālesu uddānaṃ samattaṃ .
Nidānasaṃyuttaṃ samattaṃ .