Sīhahanulakkhaṇavaṇṇanā
238. Appadhaṃsikoti appadhaṃsiyo .
Ya -kārassa hi ka -kāraṃ katvā ayaṃ niddeso yathā ‘‘ niyyānikā dhammā ’’ ti ( dha . sa . dukamātikā 97) guṇatoti attanā adhigataguṇato .
Ṭhānatoti yathāṭhitaṭṭhānantarato .
Palāpakathāyāti
M3.124V3.112 samphappalāpakathāya .
Antopaviṭṭhahanukā ekato , ubhato vā saṃkucitavisukā .
Vaṅkahanukā ekapassena kuṭilavisukā .
Pabbhārahanukā purato olambamānavisukā . 239. Vikiṇṇavacanā
P3.160 nāma samphappalāpino , tappaṭikkhepena avikiṇṇavacanā mahābodhisattā .
Vācā eva tadatthādhigamupāyatāya ‘‘ byāppatho ’’ ti vuttāti āha ‘‘ avikiṇṇa … pe … vacanapatho assā ’’ ti .‘‘ Dvīhi dvīhī ’’ ti nayidaṃ āmeḍitavacanaṃ asamānādhikaraṇato , atha kho dvīhi diguṇatādassananti āha ‘‘ dvīhi dvīhīti catūhī ’’ ti .
Tasmā ‘‘ dvidugamā ’’ ti catugamā vuttāti āha ‘‘ catuppadānan ’’ ti .
Tathāsabhāvoti yathāssa vuttanayena kenaci appadhaṃsiyatā hoti guṇehi , tathāsabhāvo .