Rasapathavipātubhāvavaṇṇanā
120. Sabbaṃ cakkavāḷan ti anavasesaṃ koṭisatasahassaṃ cakkavāḷaṃ .
Samatanīti sañchādentī vipphari , sā pana tasmiṃ udake patiṭṭhitā ahosīti āha ‘‘ patiṭṭhahī ’’ ti .
Vaṇṇena
V3.39 sampannāti sampannavaṇṇā .Makkhikaṇḍakarahitan ti makkhikāhi ca tāsaṃ aṇḍakehi ca rahitaṃ .
Atītānantarepi kappe loloyeva .
Kasmā ?
Evaṃ ciraparicitalolatāvasena sabbapaṭhamaṃ tathā akāsīti dasseti .
Kimevidan ti ‘‘ vaṇṇato , gandhato ca tāva ñātaṃ , rasato pana kimevidaṃ bhavissatī ’’ ti saṃsayajāto vadati .
Tiṭṭhatīti aṭṭhāsi .