Gabbhāvakkantidesanāvaṇṇanā
147. Gabbhokkamanesūti
V3.60 gabbhabhāvena mātukucchiyaṃ avakkamanesu anuppavesesu , gabbhe vā mātukucchismiṃ avakkamanesu .Pavisatīti paccayavasena tattha nibbattento pavisanto viya hotīti katvā vuttaṃ .
Ṭhātīti santānaṭṭhitiyā pavattati , tathābhūto ca tattha vasanto viya hotīti āha ‘‘ vasatī ’’ ti .
Pakatilokiyamanussānaṃ paṭhamā gabbhāvakkantīti pacuramanussānaṃ gabbhāvakkanti desanāvasena idha paṭhamā .
‘‘ Dutiyā gabbhāvakkantī ’’ tiādīsupi evaṃ yojanā veditabbā .
Alamevāti yuttameva .
Khipituṃ
M3.67 na sakkontīti tathā vātānaṃ anuppajjanameva vadati .Sesan ti puna ‘‘ etadānuttariya ’’ tiādi pāṭhappadesaṃ vadati .
Ādesanavidhādesanāvaṇṇanā