၂. ရောဟိနီထေရီဂါထာ

(၆၇) ဘောတိ၊ ချစ်သမီးရောဟိနီ။ တွံ၊ သင်သည်။ သမဏာတိဣမံ၊ ရဟန်းဟူသောစကားကိုသာလျှင်။ ကိတ္တေန္တီ၊ ဆိုလျက်။ ဝိသယိ၊ အိပ်သောအခါလည်းအိပ်၏ ။ သမဏာတိဣမံ၊ ရဟန်းဟူသောစကားကိုသာလျှင်။ ကိတ္တေန္တီ၊ ဆိုလျက်။ ပဗုဇ္ဈသိ၊ နိုးသောအခါလည်းနိုး၏ ။ သမဏာနမေဝ၊ ရဟန်းတို့၏သာလျှင်။ ဂုဏေ၊ ဂုဏ်ကျေးဇူးတို့ကို။ ကိတ္တေသိ၊ ချီးမွမ်းဘိ၏ ။ ဂိဟိရူပေန၊ လူ၏အသွင်ဖြင့်။ ဌိတာပိ၊ တည်သော်လည်း။ စိတ္တေန၊ စိတ်ဖြင့်။ သမဏီ၊ ရဟန်းမိန်းမသည်။ ဘဝိဿသိနုန၊ ဖြစ်လိမ့်ယောင်တကား။

ဝိပုလံ၊ များစွာသော။ အန္နဉ္စ၊ ထမင်းကိုလည်းကောင်း။ ပါနဉ္စ၊ အဖျော်ကိုလည်းကောင်း။ သမဏာနံ၊ ရဟန်းတို့အား။ ပဝေစ္ဆသိ၊ လှူ၏ ။ ရောဟိနီ၊ အမိရောဟိနီ။ တံ၊ သင့်ကို။ ဣဒါနိ၊ ယခုအခါ၌။ ပုစ္ဆာမိ၊ မေးပါ၏ ။ ကေန၊ အဘယ်အကြောင်းကြောင့်။ တေ၊ သင်သည်။ သမဏာ၊ ရဟန်းတို့ကို။ ပိယာ၊ ချစ်အပ်ကုန်သနည်း။

သမဏာ၊ ရဟန်းတို့သည်။ အကမ္မကာမာ၊ အကျိုးစီးပွားကို‌ဆောင်တတ်သောအမှုကိုပြုခြင်းငှါအလိုမရှိကုန်။ အလသာ၊ ပျင်းရိကုန်၏ ။ ပရဒတ္တုပဇိဝိနော၊ သူတစ်ပါးတို့သည်ပေးအပ်သောဥစ္စာကိုသာလျှင်မှီ၍အသက်မွေးလေ့ရှိကုန်၏။ အာသံသုကာ၊ ထိုသူတစ်ပါးတို့မှ အဝတ်အစားအစရှိသည်တို့ကိုတောင့်တတတ်ကုန်၏။ သာဓုကာမာ၊ ချိုမြိန်ကောင်းမွန်သောအစာကိုသာအလိုရှိကုန်၏ ။ ကေန၊ အဘယ်အကြောင်းကြောင့်။ တေ၊ သင်သည်။ သမဏာ၊ ရဟန်းတို့ကို။ ပိယာ၊ ချစ်အပ်ကုန်သနည်း။

တာတ၊ ဘခင်ပုဏ္ဏား။ စိရဿံဝတ၊ ကြာမြင့်မှလျှင်။ မံ၊ ငါ့ကို။ သမဏာနံ၊ ရဟန်းတို့ကို။ ပိယာယိတဗ္ဗံ၊ ချစ်အပ်သည်ကို။ ပရိပုစ္ဆသိ၊ မေးလေဘိ၏တကား။ တေသံ၊ ထိုရဟန်းတို့၏ ။ ပညာသီလပရက္ကမံ၊ ပညာသီလလုံ့လကို။ တေ၊ သင်ဘခင်အား။ ကိတ္တယိဿာမိ၊ ငါကြားပေအံ့။

သမဏာ၊ ရဟန်းတို့သည်။ ကမ္မကာမာ၊ ဝတ်ကြီးဝတ်ငယ်စသော ရဟန်းအမှုကိုဖြည့်ကျင့်ခြင်းငှါအလိုရှိကုန်၏ ။ အနလသာ၊ ပျင်းရိခြင်းမရှိကုန်။ ကမ္မသေဋ္ဌဿ၊ နိဗ္ဗာန်သို့ဆောင်တတ်သောမြတ်သောအမှုကို။ ကာရကာ၊ ပြုတတ်ကုန်၏ ။ ရာဂံ၊ တပ်ခြင်းကိုလည်းကောင်း။ ဒေါသဉ္စ၊ အမျက်ထွက်ခြင်းကိုလည်းကောင်း။ ပဇဟန္တိ၊ စွန့်နိုင်ကုန်၏ ။ တေန၊ ထိုသို့ကောင်းစွာကျင့်ခြင်းတည်းဟူသောအကြောင်းကြောင့်။ မေ၊ ငါသည်။ သမဏာ၊ ရဟန်းတို့ကို။ ပိယာ၊ ချစ်အပ်ကုန်၏ ။

ပါပဿ၊ မကောင်းမှု၏ ။ တီဏိ၊ သုံးပါးကုန်သော။ မူလာနိ၊ လောဘ ဒေါသ မောဟတည်းဟူသောအမြစ်အရင်းတို့ကို။ မုနန္တိ၊ ခါထွက်နိုင်ပေကုန်၏ ။ သုစိကာရိနော၊ အပြစ်မရှိစင်ကြယ်သောအမှုကိုပြုတတ်ကုန်၏ ။ ဧသံ၊ ထိုရဟန်းတို့အား။ သဗ္ဗံ၊ အလုံးစုံလည်းဖြစ်သော။ ပါပံ၊ မကောင်းမှုကို။ ပဟီနံ၊ ပယ်အပ်ပြီ။ တေန၊ ထိုကြောင့်။ မေ၊ ငါသည်။ သမဏာ၊ ရဟန်းတို့ကို။ ပိယာ၊ ချစ်အပ်ကုန်၏ ။

နေသံ၊ ထိုရဟန်းတို့၏။ ကာယကမ္မံ၊ ကိုယ်ဖြင့်ပြုအပ်သောအမှုသည်လည်း။ သုစိ၊ စင်ကြယ်၏ ။ ဝစီကမ္မဉ္စ၊ နှုတ်ဖြင့်ပြုအပ်သောအမှုသည်လည်း။ တာဒိသံ၊ ထိုကာယကံအတူစင်ကြယ်၏ ။ နေသံ၊ ထိုရဟန်းတို့၏ ။ မနောကမ္မံ၊ စိတ်ဖြင့်ပြုအပ်သောအမှုသည်။ သုစိ၊ စင်ကြယ်၏ ။ တေန၊ ထိုကြောင့်။ မေ၊ ငါသည်။ သမဏာ၊ ရဟန်းတို့ကို။ ပိယာ၊ ချစ်အပ်ကုန်၏ ။

တေ၊ ထိုရဟန်းတို့ကို။ သံခမုတ္တာဝ၊ စင်စွာပွတ်သောခရုသင်းရတနာ ပုလဲရတနာတို့ကဲ့သို့။ ဝိမလာ၊ ရာဂစသောအညစ်အကြေးမှကင်းကုန်၏ ။ သန္တရဗာဟိရာ၊ ကိုယ်တွင်းကိုယ်ပမှ။ သုဒ္ဓါ၊ စင်ကြယ်သောအလိုလုံ့လရှိကုန်၏ ။ သုက္ကေဟိ၊ စင်စစ်ဖြူစင်ကုန်သော။ ဓမ္မေဟိ၊ အပြစ်မရှိကုန်သောသီလစသောကျေးဇူးတို့နှင့်။ ပုဏ္ဏာ၊ ပြည့်စုံကုန်၏ ။ တေန၊ ထိုကြောင့်။ မေ၊ ငါသည်။ သမဏာ၊ ရဟန်းတို့ကို။ ပိယာ၊ ချစ်အပ်ကုန်၏ ။

တေ၊ ထိုရဟန်းတို့သည်။ ဗဟုဿုတာ၊ ပရိယတ္တိပဋိဝေဓတည်းဟူ‌သောများသောအကြားအမြင်ရှိကုန်၏ ။ ဓမ္မဒ္ဓရာ၊ ပရိယတ္တိပဋိဝေဓတရားကိုဆောင်တတ်ကုန်၏ ။ အရိယာ၊ ကိလေသာတည်းဟူသောအပြစ်မရှိကုန်။ ဓမ္မဇီဝိနော၊ အသင့်အားဖြင့်အသက်မွေးတတ်ကုန်၏ ။ အတ္ထံ၊ အနက်ကိုလည်းကောင်း။ ဓမ္မဉ္စ၊ ပါဠိကိုလည်းကောင်း။ ဒေသေန္တိ၊ ပြောဟောတတ်ကုန်၏ ။ တေန၊ ထိုကြောင့်။ မေ၊ ငါသည်။ သမဏာ၊ ရဟန်းတို့ကို။ ပိယာ၊ ချစ်အပ်ကုန်၏ ။

တေ၊ ထိုရဟန်းတို့သည်။ ဗဟုဿုတာ၊ ပရိယတ္တိပဋိဝေဓတည်းဟူသော များသောအကြားအမြင်ရှိကုန်၏။ ဓမ္မဒ္ဓရာ၊ ပရိယတ္တိ ပဋိဝေဓတရားကို ဆောင်ကုန်၏ ။ အရိယာ၊ ကိလေသာတည်းဟူသောအပြစ်မရှိကုန်။ ဓမ္မဇီဝိနော၊ တရားသဖြင့်အသက်မွေးမြူကုန်၏ ။ ဧကဂ္ဂစိတ္တာ၊ တည်ကြည်သောစိတ်ရှိကုန်၏ ။ သတိမန္တော၊ သတိရှိကုန်၏ ။ တေန၊ ထိုကြောင့်။ မေ၊ ငါသည်။ သမဏာ၊ ရဟန်းတို့ကို။ ပိယာ၊ ချစ်အပ်ကုန်၏ ။

တေ၊ ထိုရဟန်းတို့သည်။ ဒူရင်္ဂမာ၊ လူနှင့်ဝေးသောတောအရပ်သို့သွားတတ်ကုန်၏ ။ သတိမန္တော၊ ထင်သောသတိရှိကုန်၏ ။ မန္တဘာဏိ၊ ဖြည်းညင်းစွာဆိုတတ်သောအလေ့ရှိကုန်၏ ။ အနုဒ္ဓတာ၊ ပျံ့လွင့်ခြင်းမရှိကုန်။ ဒုက္ခဿ၊ ဝဋ်ဆင်းရဲ၏ ။ အန္တံ၊ အဆုံးဖြစ်သောနိဗ္ဗာန်ကို။ ပဇာနန္တိ၊ ထိုးထွင်း၍သိနိုင်ကုန်၏ ။ တေန၊ ထိုကြောင့်။ မေ၊ ငါသည်။ သမဏာ၊ ရဟန်းတို့ကို။ ပိယာ၊ ချစ်အပ်ကုန်၏ ။

တေ၊ ထိုရဟန်းတို့သည်။ ယသ္မာဂါမာ၊ အကြင်ရွာမှ။ ပက္ကမန္တိ၊ ဖဲကုန်၏ ။ တသ္မိံ ဂါမေ၊ ထိုရွာ၌။ ကိဉ္စိနံ၊ တစ်စုံတစ်ခုသော သတ္တဝါသင်္ခါရကို။ နဝိလောကေန္တိ၊ တပ်ငဲ့ကွက်သောအားဖြင့်မကြည့်ကုန်။ အနပေက္ခာဝ၊ တပ်ခြင်းငဲ့ကွက်ခြင်ကင်းကုန်သည်ဖြစ်၍သာလျှင်။ ဂစ္ဆန္တိ၊ ရွာမှဖဲကုန်၏ ။ တေန၊ ထိုကြောင့်။ မေ၊ ငါသည်။ သမဏာ၊ ရဟန်းတို့ကို။ ပိယာ၊ ချစ်အပ်ကုန်၏ ။

တေသံ၊ ထိုရဟန်းတို့အား။ အတ္တနော၊ မိမိ၏ ။ သန္တကံ၊ ဥစ္စာကို။ ကောဋ္ဌေ၊ ကျီကြ၌။ နဩပေန္တိ၊ မသိုမှီးကုန်။ ကုမ္ဘိံ ကုမ္ဘိယံ၊ အိုး၌။ နဩပေန္တိ၊ မသိုမှီးကုန်။ ကဠောပိယံ၊ ခြင်း၌။ နဩပေန္တိ၊ မသိုမှီးကုန်။ ပရိနိဋ္ဌိတမေသနာ၊ တစ်ပါးသောအမျိုးတို့၌ သူတစ်ပါးတို့အကျိုးငှါချက်ပြီးသောအစာကိုသာလျှင် ရှာမှီးလေ့ရှိကုန်။ တေန၊ ထိုကြောင့်။ မေ၊ ငါသည်။ သမဏာ၊ ရဟန်းတို့ကို။ ပိယာ၊ ချစ်အပ်ကုန်၏ ။

တေ၊ ထိုရဟန်းတို့သည်။ ဟိရညံ၊ အသပြာကို။ နဂဏှန္တိ၊ မခံကုန်။ သုဝဏ္ဏံ၊ ရွှေကို။ နဂဏှန္တိ၊ မခံကုန်။ ရူပိယံ၊ ငွေကို။ နဂဏှန္တိ၊ မခံကုန်။ ပစ္စုပ္ပန္နေန၊ ပစ္စုပ္ပန်၌ဖြစ်သောပစ္စည်းဖြင့်။ ယာပေန္တိ၊ မျှကုန်၏ ။ တေန၊ ထိုကြောင့်။ မေ၊ ငါသည်။ သမဏာ၊ ရဟန်းတို့ကို။ ပိယာ၊ ချစ်အပ်ကုန်၏ ။

တေ၊ ထိုရဟန်းတို့သည်။ နာနာကုလာ၊ အထူးထူးသောအမျိုးမှလည်းကောင်း။ နာနာဇနပဒေဟိစ၊ အထူးထူးသောဇနပုဒ်တို့မှလည်းကောင်း။ ပဗ္ဗဇိတာ၊ ရဟန်းပြုကုန်သည်ဖြစ်၍အမျိုးအရည်မတူဘဲလျက်။ အညမညံ၊ အချင်းချင်း။ ပိဟယန္တိ၊ ချစ်မြတ်နိုးပေကုန်၏ ။ တေန၊ ထိုကြောင့်။ မေ၊ ငါသည်။ သမဏာ၊ ရဟန်းတို့ကို။ ပိယာ၊ ချစ်အပ်ကုန်၏ ။

ဘောတိရောဟိနီ၊ အိုချစ်သမီးရောဟိနီ။ တွံ၊ သင်ချစ်သမီးသည်။ နော၊ ငါတို့၏ ။ အတ္ထာယ၊ အကျိုးအစီးအပွါးအလို့ငှါ။ ကုလေ၊ ငါတို့အမျိုး၌။ ဇာတာသိဝတ၊ ဖြစ်တော်လေစွတကား။ တွံ၊ သင်သည်။ ဗုဒ္စေစ၊ ဘုရား၌လည်းကောင်း။ ဓမ္မေစ၊ တရား၌လည်းကောင်း။ သံဃေစ၊ သံဃာ၌လည်းကောင်း။ သဒ္ဓါ၊ ယုံကြည်ပေစွ။ တိဗ္ဗဂါရဝါ၊ အလွန်ရိုသေခြင်းငှါရှိပေစွ။

ဟိသစ္စံ၊ မှန်၏ ။ တုဝံ၊ သင်ချစ်သမီးသည်။ အနုတ္တရံ၊ အလွန်အကဲမရှိထသော။ ပုညခေတ္တံ၊ ကောင်းမှုတည်းဟူသောမျိုးစေ့တို့၏စိုက်ပျိုးရာလယ်မြေကောင်းသဖွယ်ဖြစ်တော်မူထသော။ ဧတံ၊ ထိုရတနာသုံးပါးကို။ ပဇာနာသိ၊ သိပေ၏ ။ ဧတေသမဏာ၊ ထိုရဟန်းတို့သည်။ အမှမ္ပိ၊ ငါတို့၏လည်း။ ဒက္ခိဏံ၊ လှူဘွယ်ဝတ္ထုကို။ ပဋိဂ္ဂဏှန္တိ၊ ခံပေကုန်၏ ။

ဧတ္ထ၊ ဤရဟန်းတို့၌။ ပတိဋ္ဌိတော၊ တည်းထားအပ်သော။ ယညော၊ လှူဖွယ်ဝတ္ထုသည်။ နော၊ ငါတို့အား။ ဝိပုလောဟိဝိပုလောဧဝ၊ ပြန့်ပြောများမြတ်သော အကျိုးရှိသာလျှင်။ ဘဝိဿတိ၊ ဖြစ်လတ္တံ့။ တာတ၊ ဘခင်ပုဏ္ဏား။ တွံ၊ သင်ဘခင်သည်။ ဒုက္ခဿ၊ အပါယ်စသောဆင်းရဲမှ။ သစေဘာယသိ၊ အကယ်၍ကြောက်သည်ဖြစ်အံ့။ တေ၊ သင်ဘခင်သည်။ ဒုက္ခံ၊ အပါယ်စသောဆင်းရဲကို။ သစေအပ္ပိယံ၊ အကယ်၍မချစ်မြတ်နိုးသည်ဖြစ်အံ့။ တာဒိနံ၊ ရှေးဘုရားတို့ကဲ့သို့ရှုအပ်သောသဘောရှိတော်မူထသော။ ဗုဒ္ဓံ၊ မြတ်စွာဘုရားကိုလည်းကောင်း။ ဓမ္မံ၊ တရားကိုလည်းကောင်း။ သံဃဉ္စ၊ သံဃာတော်ကိုလည်းကောင်း။ သရဏံ၊ ကိုးကွယ်ရာဟူ၍။ ဥပေဟိ၊ ဆည်းကပ်လေလော။ သီလာနိ၊ သီလတို့ကို။ သမာဒိယာဟိ၊ ဆောက်တည်လေလော။ တံ၊ ထိုရတနာသုံးပါးကိုကိုးကွယ်ခြင်း သီလဆောက်တည်ခြင်းသည်။ တေ၊ သင်ဘခင်၏ ။ အတ္ထာယ၊ အကျိုးငှါ။ ဟေဟိတိ၊ ဖြစ်လတ္တံ့။

ဘောတိ၊ အိုချစ်သမီးရောဟနီ။ အဟံ၊ ငါသည်။ တာဒိနံ၊ သည်းခံခြင်းစသောကျေးဇူးနှင့်ပြည့်စုံတော်မူသော။ ဗုဒ္ဓံ၊ မြတ်စွာဘုရားကိုလည်းကောင်း။ ဓမ္မံ၊ တရားတော်ကိုလည်းကောင်း။ သံဃဉ္စ၊ သံဃာတော်ကိုလည်းကောင်း။ သရဏံ၊ ကိုးကွယ်ရာဟူ၍။ ဥပေမိ၊ ဆည်းကပ်၏ ။ သီလာနီ၊ သီလတို့ကို။ သမာဒိယာမိ၊ ဆောက်တည်ပါ၏ ။ တံ၊ ထိုရတနာသုံးပါးသို့ဆည်းကပ်ခြင်းသီလကိုဆောက်တည်ခြင်းသည်။ မေ၊ ငါ၏။ အတ္ထာယ၊ အကျိုးငှါ။ ဟေဟိတိ၊ ဖြစ်လတ္တံ့။

အဟံ၊ ငါသည်။ ပုရေ၊ ရှေးပုဏ္ဏားဖြစ်သောအခါ၌။ ဗြဟ္မဗန္ဓု၊ ပုဏ္ဏား၏အမျိုး၌ဖြစ်သောကြောင့်ဗြဟ္မဗန္ဓုမည်သည်။ ဗြာဟ္မဏော၊ ဗေဒင်ကိုသရဇ္ဈာယ်သောကြောင့် ဗြာဟ္မဏမည်သည်။ တေဝဇ္ဇာ၊ ဣရုစသောဗေဒင်သုံးပုံအတတ်ရှိသောကြောင့် တေဝိဇ္ဇမည်သည်။ သောတ္ထိယော၊ သောတ္ထိယပုဏ္ဏားမျိုး၌ဖြစ်သောကြောင့်သောတ္ထိယမည်သည်။ ဝေဒဂူ၊ ဣရုစသောဗေဒင်သုံးပုံ၏ ကမ်းတစ်ဖက်သို့ရောက်သောကြောင့် ဝေဒဂူ မည်သည်။ နှာတကော၊ ည နံနက်ရေချိုးတတ်သောကြောင့် နှာတကမည်သည်။ အာသိ၊ ဖြစ်ဖူးပြီ။ ဣဒါနိ၊ ယခုမူကား။ သောအဟံ၊ ထိုငါသည်။ ဗြာဟ္မဏော၊ မကောင်းမှုကို အပပြုတတ်သောကြောင့် ဗြာဟ္မဏမည်သည်။ တေဝိဇ္ဇော၊ ဝိဇ္ဇာသုံးပါးနှင့်ပြည့်စုံသောကြောင့် တေဝိဇ္ဇမည်သည်။ သောတ္ထိယောစ၊ ကိလေသာတို့မှစင်ကြယ်သောကြောင့် သောတ္ထိယမည်သည်။ အမှိ၊ ဖြစ်၏ ။ ဝေဒဂူစ၊ မဂ်ဉာဏ်ဖြင့်နိဗ္ဗာန်တည်းဟူသောကမ်းတစ်ဖက်သို့ ရောက်တတ်သောကြောင့် ဝေဒဂူမည်သည်။ နှာတကော၊ ဆေးလျှော်အပ်ပြီးသောမကောင်းမှုရှိသောကြောင့် နှာတကမည်သည်။ အမှိ၊ ဖြစ်၏ ။

‌ရောဟိနီ၊ ရောဟနီမည်သောထေရီမသည်။ ဣမာဂါထာယော၊ ဤဘွဲ့ဆိုသီကုံးအပ်သောဂါထာတို့ကို။ အဘာသိတ္ထ၊ ရွတ်ဆိုပြီ။

Issues

選擇版本

Therīgāthāpāḷi

Therīgāthāpāḷi