၆. ဆက္ကနိပါတော

၁. ပဉ္စသတမတ္တာထေရီဂါထာ

(၅၀) အာဂတဿ၊ ဤဘဝသို့လာသော။ ယဿ၊ အကြင်သတ္တဝါ၏ ။ မဂ္ဂံဝါ၊ လာရာခရီးကိုလည်းကောင်း။ ဂတဿ၊ ဤဘဝမှသွားလေသော။ ယဿ၊ အကြင်သတ္တဝါ၏ ။ မဂ္ဂံဝါ၊ သွားရာခရီးကိုလည်းကောင်း။ နဇာနာသိ၊ သင်မသိတကား။ ကုတော၊ အဘယ်အရပ်မှ။ အာဂတံ၊ လာသော။ တံသတ္တံ၊ ထိုသတ္တဝါကို။ တံပုတ္တံ၊ ထိုသားကို။ မမပုတ္တောတိ၊ ငါ့သားဟူ၍။ ရောဒသိ၊ အဘယ်ကြောင့် ငိုကြွေးဘိသနည်း။

အာဂတဿ၊ ဤဘဝသို့လာသော။ တဿ၊ ထိုသေလေသောသား၏ ။ မဂ္ဂံဝါ၊ လာရာခရီးကိုလည်းကောင်း။ ဂတဿ၊ ဤဘဝမှသွားလေသော။ တဿ၊ ထိုသေလေသောသား၏။ မဂ္ဂဉ္စ၊ သွားရာခရီးကိုလည်းကောင်း။ ခေါဇာနာသိ၊ အကယ်၍သင်သိသည်ဖြစ်အံ့။ ဧဝမ္ပိ၊ ဤသို့သိသော်လည်း။ နံ၊ ထိုသေလေသောသားကို။ နသမနုသောစေသိ၊ အဖန်တလဲလဲ မစိုးရိမ်လင့်။ ဟိသစ္စံ၊ မှန်၏ ။ ပါဏိနော၊ ခပ်သိမ်းသောသတ္တဝါတို့သည်။ ဧဝံဓမ္မာ၊ ဤသို့သေခြင်း ပျက်ခြင်းသဘောရှိကုန်သည်သာလျှင်တည်း။

သော၊ ထိုသေလေသောသင့်သားသည်။ တတော၊ ထိုတမလွန်ဘဝမှ။ အယာစိတာ၊ လာလှည့်ဟု မတောင်းပန်ဘဲ။ အာဂစ္ဆိ၊ ဤဘဝသို့ လာလတ်၏ ။ အနနုညာတော၊ သွားလေဟုခွင့်မပြုဘဲ။ ဣတော၊ ဤပစ္စုပ္ပန်ဘဝမှ။ ဂတော၊ တမလွန်ဘဝသို့သွားတတ်၏ ။ ကုတောပိ၊ အဘယ်ဘဝမှလည်း။ အာဂန္တွာ၊ ပဋိသန္ဓေနေသောအားဖြင့်လာ၍။ ကတိပါဟကံ၊ နှစ်ရက်သုံးရက်။ ဝသိတွာ၊ နေ၍။ ဣတောပိ၊ ဤဘဝမှလည်း။ အညေန၊ ဘဝတစ်ပါးသို့။ အာဂတောနနု၊ လာလေသလော။ တတော၊ ထိုဘဝတစ်ပါးမှလည်း။ အညေန၊ ဘဝတစ်ပါးသို့။ ဂစ္ဆတိနနု၊ သွားလေသလော။

အနုဿရူပေန၊ လူ၏အဖြစ် တိရစ္ဆာန်အဖြစ်စသည်မှ။ ပေတောအပေတော၊ ထိုထိုသို့သောဘဝ၌ဖြစ်ပြီး၍ကင်းသောသင့်သားသည်။ သံသရန္တော၊ အဖန်တလဲလဲဖြစ်သည်၏အစွမ်းဖြင့် ကျင်လည်ရသည်ဖြစ်၍။ ဂမိဿတိ၊ ထိုသို့သောဘဝသို့ ကပ်လိမ့်သတည်း။ တဝ၊ သင်၏ ။ ပုတ္တော၊ သားကား။ ယထာဂတော၊ မခေါ်ဘဲလည်း ဤဘဝသို့လာ၏ ။ တထာဂတော၊ သွားလေတော့ဟုခွင့်မပြုဘဲလည်း တစ်ပါးသောဘဝသို့သွား၏ ။ တတ္ထ၊ ထိုလာလိုလာ သွားလိုသွားသောသင်၏သား၌။ ပရိဒေဝနာ၊ ငိုကြွေးခြင်းသည်။ ကာ၊ အဘယ်အကျိုးရှိအံ့နည်း။

ဣတိ၊ ဤသို့။ ပဋာစာရာယ၊ ပဋာစာရီသည်။ အနုသာသိတာယ၊ ဆုံးမအပ်သည်ရှိသော်။ မေ၊ ငါ့အား။ ဒုဒ္ဒသံ၊ မြင်နိုင်ခဲထသော။ ဟဒယနိဿိတံ၊ စိတ်၌မှီထသော။ သလ္လံ၊ စိုးရိမ်ခြင်းတည်းဟူသောငြောင့်သည်။ အဗ္ဗုဟိဝတ၊ ကျွတ်လေစွတကား။ သောကပရေတာယ၊ စိုးရိမ်ခြင်းဖြင့်နှိပ်စက်အပ်သော။ ယာမေယဿာမေ၊ အကြင်ငါ့အား။ ပုတ္တသောကံ၊ သား၌စိုးရိမ်ခြင်းသည်။ ဗျပါနုဒိ၊ ပျောက်ပြီ။

သာအဟံ၊ ထိုငါသည်။ အဇ္ဇ၊ ယခု။ အဗ္ဗုဠသလ္လာ၊ ကျွတ်သောငြောင့်ရှိသည်ဖြစ်၍။ နိစ္ဆာတာ၊ တဏှာတည်းဟူသောမွတ်သိပ်ခြင်းမရှိသည်ဖြစ်၍။ ပရိနိဗ္ဗုတာ၊ ကိလေသာငြိမ်းသည်ဖြစ်၍။ မုနိံ၊ အထွတ်သို့ရောက်ပြီးထသော။ ဗုဒ္ဓံ၊ မြတ်စွာဘုရားကိုလည်းကောင်း။ ဓမ္မဉ္စ၊ ဆယ်ပါးသောတရားတော်ကိုလည်းကောင်း။ သံဃဉ္စ၊ အရိယာပုဂ္ဂိုလ်ရှစ်ယောက်အပေါင်းကိုလည်းကောင်း။ သရဏံ၊ ကိုးကွယ်ရာဟူ၍။ ဥပေမိ၊ ဆည်းကပ်၏ ။

ပဉ္စသတာပဋာစာရာ၊ ငါးရာကုန်သော ပဋာစာရီမည်သောရဟန်းမိန်းမတို့သည်။ ဣမာဂါထာယော၊ ဤဘွဲ့ဆိုသီကုံးအပ်သောဂါထာတို့ကို။ အဘာသိံသု၊ ရွတ်ဆိုကုန်ပြီ။

၂. ဝါသေဋ္ဌီထေရီဂါထာ

အဟံ၊ ငါသည်။ ပုတ္တသောကေန၊ သား၌စိုးရိမ်ခြင်းဖြင့်။ အဋ္ဋာ၊ နှိပ်စက်အပ်သည်ဖြစ်၍။ ခိတ္တစိတ္တာ၊ ပျံ့လွင့်သောစိတ်ရှိသောအရူးမသည်။ ဝိသညိနီ၊ မိန်းမောတွေဝေသောအရူးမသည်။ ဟောမိ၊ ဖြစ်ဖူး၏ ။ နဂ္ဂါ၊ အဝတ်အချည်းစည်း။ ပကိဏ္ဏကေသီစ၊ ဖရိုဖရဲကြဲသောဆံရှိသည်ဖြစ်၍လည်း။ တေနတေန၊ ထိုထိုသောရွာနိဂုံးသို့။ ဝိစရိံ၊ လှည့်လည်လာ၏ ။

သင်္ကာရကူဋေသုစ၊ တံမြက်ချေးစုတို့၌လည်းကောင်း။ သုသာနရထိယာသုစ၊ သုသာန်ခရီးမတို့၌လည်းကောင်း။ ဝသိံ၊ နေ၏ ။ တီဏိဝဿာနိ၊ သုံးနှစ်တို့တိုင်တိုင်။ ခုပ္ပိပါသာ သမပ္ပိတာ၊ ငတ်ခြင်းမွတ်ခြင်းဖြင့် နှိပ်စက်အပ်သည်ဖြစ်၍။ အစရိံ၊ လှည့်လည်လာပြီ။

အထ၊ ထိုနောင်မှ။ သုဂထံ၊ တင့်တယ်သောသွားခြင်းရှိထသော။ အဒန္တာနံ၊ မယဉ်ကျေးသောသူတို့ကို။ ဒမေတာရံ၊ ဆုံးမတော်မူတတ်ထသော။ အကုတောဘယံ၊ တစ်စုံတစ်ခုသောအကြောင်းကြောင့်ဖြစ်သောဘေးလည်းမရှိပြီးထသော။ သမ္ဗုဒ္ဓံ၊ မြတ်စွာဘုရားကို။ မိထိလံနဂရံ၊ မိထိလာပြည်သို့။ ဂတံ၊ ကြွတော်မူသည်ကို။ အဒ္ဒသာမိ၊ ဖူးမြင်ရ၏ ။

တဒါ၊ ထိုအခါ၌။ အဟံ၊ ငါသည်။ သဉ္စိတ္တံ၊ ကြပတေ့ မိမိစိတ်ကို။ ပဋိလဒ္ဓါန၊ ရ၍။ ဝန္ဒိတွာန၊ ရှိခိုး၍။ ဥပါဝိသိံ၊ ဘုရားထံသို့ကပ်ပြီ။ ဂေါတမော၊ ဂေါတမ အနွယ်ဖြစ်တော်မူသော။ သော၊ ထိုမြတ်စွာဘုရားသည်။ မေ၊ ငါ့အား။ အနုကမ္ပာယ၊ သနားသဖြင့်။ ဓမ္မံ၊ တရားတော်ကို။ အဒေသေသိ၊ ဟောတော်မူ၏ ။

တဿ၊ ထိုမြတ်စွာဘုရား၏ ။ ဓမ္မံ၊ တရားကို။ သုဏိတွာန၊ နာရ၍။ အနဂါရိယံ၊ ရဟန်းဘောင်၌။ ပဗ္ဗဇိံ၊ ရဟန်းပြု၏ ။ သတ္ထုဝစနေ၊ မြတ်စွာဘုရားသာသနာတော်၌။ ယုဉ္ဇန္တိ၊ ကမ္မဋ္ဌာန်းကို အားထုတ်သည်ဖြစ်၍။ သိဝံ၊ ဘေးဥပဒ္ဒဝေါမရှိသည်ဖြစ်၍ အေးငြိမ်းသော။ ပဒံ၊ နိဗ္ဗာန်ကို။ သစ္ဆာကာသိံ၊ မျက်မှောက်ပြုရပြီ။

သဗ္ဗသောကာ၊ ခပ်သိမ်းသောစိုးရိမ်ခြင်းတို့ကို။ သမုစ္ဆိန္နာ၊ အကြွင်းမဲ့ဖြတ်အပ်ကုန်ပြီ။ ပဟီနာ၊ ပယ်အပ်ကုန်ပြီ။ ယတော၊ အကြင်ကြောင့်။ သောကာနံ၊ စိုးရိမ်ခြင်းတို့၏ ။ သမ္ဘဝေါ၊ ဖြစ်ခြင်းသည်။ ဟောတိ၊ ဖြစ်၏ ။ ဝတ္ထု၊ သောက၏တည်ရာဖြစ်သောခန္ဓာငါးပါးတို့ကိုလည်း။ ဟိယသ္မာ၊ အကြင်ကြောင့်။ မေ၊ ငါသည်။ ပရိညာတာ၊ ပိုင်းခြား၍သိအပ်ကုန်ပြီ။ တသ္မာ၊ ထိုကြောင့်။ သောကာ၊ စိုးရိမ်ခြင်းတို့သည်။ ဧတဒန္တိကာ၊ ဤငါသိအပ်သောအရဟတ္တဖိုလ်လျှင် အဆုံးရှိကုန်၏ ။

ဝါသိဋ္ဌီ၊ ဝါသိဋ္ဌီမည်သောထေရီမသည်။ ဣမာဂါထာယော၊ ဤဘွဲ့ဆိုသီကုံးအပ်သောဂါထာတို့ကို။ အဘာသိတ္ထ၊ ရွတ်ဆိုပြီ။

၃. ခေမာ‌ထေရီဂါထာ

(၅၂) ခေမေ၊ အိုခေမာ။ တုဝံ၊ သင်သည်။ ဒဟရာ၊ ငယ်လျနုနယ်၏ ။ ရူပဝတီ၊ အဆင်းလည်းလှ၏ ။ မဟမ္ပိ၊ ငါမာရ်နတ်သည်လည်း။ ဒဟရော၊ ငယ်လျနုနယ်၏ ။ ယုဝါ၊ လုလင်ပျိုသာတည်း။ ဧဟိ၊ လာလှည့်။ မယံ၊ ငါတို့သည်။ ပဉ္စင်္ဂိကေန၊ အင်္ဂါငါးပါးရှိသော။ တူရိယေန၊ တူရိယာမျိုးကိုတီးမှုတ်ခြင်းဖြင့်။ ရမာမသေ၊ မွေ့လျော်မြူးတူးကစားကြကုန်အံ့။

ဣတိ၊ ဤသို့။ ဝုတ္တေ၊ မာရ်နတ်ကဆိုအပ်သည်ရှိသော်။ ပါပိမ၊ မာရ်နတ်ယုတ်။ အဟံ၊ ငါသည်။ အာတုရေန၊ ကြင်နာစွာထသော။ ပဘင်္ဂုနာ၊ ဖျက်ဆီးတတ်သော သဘောရှိသော။ ဣမိနာပူတိကာယေန၊ ဤအကောင်ပုပ်ဖြင့်။ အဋ္ဋိယာမိ၊ ငြီးငွေ့၏ ။ ဟရာယာမိ၊ စက်ဆုပ်၏ ။ ကာမတဏှာ၊ ကာမတဏှာကို။ သမူဟတာ၊ မဂ်ဖြင့်ဖျက်ဆီးအပ်ပြီ။

ကာမာ၊ ကာမဂုဏ်တို့သည်။ သတ္တိသူလူပမာ၊ လှံသွားနှင့်တူကုန်၏ ။ အထ၊ ထိုမှတစ်ပါး။ ခန္ဓာနံ၊ ဥပါဒါနက္ခန္ဓာတို့၏ ။ အဓိကုဋ္ဋနာ၊ တည်ရာဖြစ်ကုန်၏ ။ တွံ၊ သင်မာရ်နတ်သည်။ ယံကာမရတိံ၊ အကြင်ကာမဂုဏ်ဖြင့်မွေ့လျော်ခြင်းကို။ ဗြူသိ၊ ငါ့အားဆို၏ ။ သာ၊ ထိုကာမဂုဏ်ဖြင့်မွေ့လျော်ခြင်းသည်။ ဣဒါနိ၊ ယခုအခါ၌။ မမ၊ ငါ့အား။ အရတိ၊ ထိုကာမဂုဏ်၌တပ်ခြင်းကိုပယ်သောအားဖြင့် မမွေ့လျော်သောစိတ်ရှိ၏ ။

မယာ၊ ငါသည်။ သဗ္ဗတ္ထ၊ ခပ်သိမ်းသောအာရုံတို့၌။ နန္ဒီ၊ နှစ်သက်ခြင်းတဏှာကို။ ဝိဟတာ၊ ဖျောက်အပ်ပြီ။ ထမောခန္ဓော၊ မောဟအစုကို။ ပဒါလိတော၊ ဖောက်ခွဲအပ်ပြီ။ ပါပိမ၊ မာရ်နတ်ယုတ်။ ဧဝံ၊ ဤသို့ဖြစ်သည်ကို။ ဇာနာဟိ၊ သင်သိလော။ အန္တက၊ ဟယ်မာရ်ယုတ်။ တွံ၊ သင်သည်။ နိဟတော၊ ငါမှရှုံးလေသည်။ အသိ၊ ဖြစ်၏ ။

ဗာလာ၊ သူမိုက်တို့သည်။ နက္ခတ္တာနိ၊ ကြယ်တို့ကို။ နမဿန္တာ၊ ရှိခိုးကုန်လျက်။ ဝနေ၊ တော၌။ အဂ္ဂိံ၊ မီးကို။ ပရိစရံပရိစရန္တာ၊ လုပ်ကျွေးကုန်သည်ဖြစ်၍။ ယထာဘုစ္စံ၊ ဟုတ်မှန်သောအတိုင်း။ အဇာနန္တာ၊ မသိကုန်သည်ဖြစ်၍။ သုဒ္ဓိံ၊ ကိလေသာ၏ စင်ကြယ်ခြင်းကို။ အမညိတ္ထ၊ အောက်မေ့ကုန်၏ ။

အဟဉ္စခေါ၊ ငါသည်ကား။ ပုရိသုတ္တမံ၊ ယောက်ျားမြတ်ဖြစ်တော်မူသော။ သမ္ဗုဒ္ဓံ၊ မြတ်စွာဘုရားကို။ နမဿန္တီ၊ ရှိခိုးလျက်။ သတ္ထုသာသနကာရိကာ၊ မြတ်စွာဘုရားအဆုံးအမတော်ကိုလိုက်နာသည်ဖြစ်၍။ သဗ္ဗဒုက္ခေဟိ၊ ခပ်သိမ်းသောဆင်းရဲတို့မှ။ ပမုတ္တာ၊ လွတ်ပြီ။

ခေမာ၊ ခေမာမည်သောထေရီမသည်။ ဣမာဂါထာယော၊ ဤဘွဲ့ဆိုသီကုံးသောဂါထာတို့ကို။ အဘာသိတ္ထ၊ ရွတ်ဆိုပြီ။

၄. သုဇာတာထေရီဂါထာ

(၅၃) အလင်္ကတာ၊ တန်ဆာလည်းဆင်ယင်ခြင်းရှိထသော။ သုဝသနာ၊ ကောင်းသောဝတ်ခြင်းလည်းရှိထသော။ မာလိနီ၊ ပန်းပန်ခြင်းလည်းရှိထသော။ စန္ဒနောက္ခိတာ၊ စန္ဒကူးဖြင့်လိမ်းကျံသောကိုယ်လည်းရှိထသော။ သဗ္ဗာဘရဏသဉ္ဆန္နာ၊ လက်ကောက်ခြေကျင်းစသော ခပ်သိမ်းသောတန်ဆာတို့ဖြင့်တန်ဆာဆင်ခြင်းအစွမ်းအားဖြင့် ကောင်းစွာဖုံးလွှမ်းအပ်သောကိုယ်ရှိထသော။ အဟံ၊ ငါသည်။ ဒါသိဂဏပုရက္ခတာ၊ ကျွန်မိန်းမအပေါင်းခြံရံလျက်။

အန္နပါနဉ္စ၊ ထမင်းအဖျော်ကိုလည်းကောင်း။ ခဇ္ဇဘောဇ္ဇံ၊ ခဲဘွယ်စားဘွယ်ကိုလည်းကောင်း။ အနပ္ပကံ၊ များစွာ။ အာဒါယ၊ ယူ၍။ ဂေဟထော၊ အိမ်မှ။ နိက္ခမိတွာန၊ ထွက်လတ်၍။ ဥယျာနံ၊ ဥယျာဉ်သို့။ အဘိဟာရယိံ၊ ဆောင်ခဲ့၏ ။

တတ္ထ၊ ထိုဥယျာဉ်၌။ ရမိတွာ၊ မွေ့လျော်ပြီ၍။ ကီဠိတွာ၊ ရွှင်မြူးပြီး၍။ သကံဃရံ၊ မိမိအိမ်သို့။ အာဂစ္ဆန္တီ၊ လာလတ်သည်ရှိသော်။ သာကေ‌တေ၊ သာကေတမြို့နား၌။ အဉ္ဇနဝနံ၊ ယဉ်းတိုက်တော၌။ ဝိဟာရရုက္ခံ၊ သစ်ပင်တို့ဖြင့်ခြံရံအပ်သောကျောင်းသို့။ ပါဝိသိံ၊ ဝင်၏ ။

တတ္ထ၊ ထိုကျောင်း၌။ လောကပဇ္ဇောတံ၊ ဉာဏ်တည်းဟူသောဆီမီးရှိတော်မူသောကြောင့် လူအပေါင်း၏ဆီမီးဟန်ဆောင်သဖွယ်ဖြစ်တော်မူသောမြတ်စွာဘုရားကို။ ဒိသွာန၊ နဖူးမြင်ရ၍။ ဝန္ဒိတွာန၊ ရှိခိုး၍။ ဥပါဝိသိံ၊ ချဉ်းကပ်လေ၏ ။ စက္ခုမာ၊ စက္ခုငါးပါးနှင့်ပြည့်စုံတော်မူသော။ သောဘဂဝါ၊ ထိုမြတ်စွာဘုရားသည်။ မေ၊ ငါ့အား။ အနုကမ္ပာယ၊ သနားသဖြင့်။ ဓမ္မံ၊ တရားကို။ အဒေသေသိ၊ ဟောတော်မူ၏ ။

အဟံ၊ ငါသည်။ မဟေသိဿ၊ မြတ်စွာဘုရား၏ ။ ဓမ္မံ၊ တရားတော်ကို။ သုတွာစခေါ၊ နာရ၍လည်း။ သစ္စံ၊ သစ္စာလေးပါးကို။ သမ္ပဋိဝိဇ္ဈိံ၊ ထိုးထွင်း၍သိပြီ။ တတ္ထေဝ၊ ထိုကျောင်း၌ပင်လျှင်။ ဝိရဇံ၊ ကိလေသာတည်းဟူသောမြူကင်းထသော။ အမတံ၊ သေခြင်းလည်းမရှိထသော။ ပဒံ၊ မဂ်ဉာဏ်ဖိုလ်ဉာဏ်အကြောင်းဖြစ်ထသော။ ဓမ္မံ၊ နိဗ္ဗာန်တရားကို။ ဖုဿယိံ၊ ရပြီ။

တတော၊ ထိုနောင်မှ။ ဝိညာတသဒ္ဓမ္မာ၊ သိအပ်ပြီးသော သူတော်ကောင်းတရားရှိသည်ဖြစ်၍။ အနဂါရိယံ၊ ရဟန်းဘောင်၌။ ပဗ္ဗဇိံ၊ ရဟန်းပြုပြီ။ မယာ၊ ငါသည်။ တိဿောဝိဇ္ဇာ၊ ဝိဇ္ဇာသုံးပါးတို့သို့။ အနုပ္ပတ္တာ၊ ရောက်အပ်ကုန်ပြီ။ ဗုဒ္ဓသာသနံ၊ ဘုရားအဆုံးအမတော်သည်။ အမောဃံ၊ အချည်းနည်းမဟုန်သည် သာလျှင်တည်း။

သုဇာတာ၊ သုဇာတာမည်သောထေရီမသည်။ ဣမာဂါထာယော၊ ဤဘွဲ့ဆိုသီကုံးအပ်သောဂါထာတို့ကို။ အဘာသိတ္ထ၊ ရွတ်ဆိုပြီ။

၅. အနောပမာထေရီဂါထာ

(၅၄) အဟံ၊ ငါသည်။ ဗဟုဝိတ္တေ၊ များသောအသုံးအဆောင်ရှိသော။ မဟဒ္ဓနေ၊ များသောဥစ္စာရှိသော။ ဥစ္စေကုလေ၊ မြင့်မြတ်သောသူဋ္ဌေးမျိုး၌။ ဇာတာ၊ ဖြစ်၏ ။ ဝဏ္ဏရူပေန၊ ကျေးဇူးအဆင်းနှင့်။ သမ္ပန္နာ၊ ပြည့်စုံ၏ ။ မဇ္ဈဿ၊ မဇ္ဈမည်သောသူဋ္ဌေး၏ ။ အတြဇာ၊ ရင်၌ဖြစ်သော။ ဓီတာ၊ သမီးတည်း။

အဟံ၊ ငါ့ကို။ ရာဇပုတ္တေဟိ၊ မင်းသားတို့သည်။ ပတ္ထိတာ၊ တောင့်တအပ်၏ ။ သေဋ္ဌိပုတ္တေဟိ၊ သူဋ္ဌေးသားတို့သည်လည်း။ ဂဇ္ဈိတာ၊ တပ်မက်မောအပ်၏ ။ တေ၊ ထိုမင်းသားသူဋ္ဌေးသားတို့သည်။ မယှံ၊ ငါ့အား။ အနောပမံ၊ အနောပမာမည်သောသမီးကို။ ဒေထ၊ ပေးကုန်လောဟု။ မေ၊ ငါ၏ ။ ပိတု၊ အဘ၏ ။ သန္ထိကံ၊ အထံသို့။ ဒူတံ၊ တစ်မန်ကို။ ပေသယိပေသယိံသု၊ စေကုန်၏ ။

အယျသေဋ္ဌိ၊ အရှင်သူဋ္ဌေး။ အနောပမာ၊ အနောပမာမည်သော။ တုယှံ၊ အရှင်သူဋ္ဌေး၏ ။ ဧသာဓီတာ၊ ဤသမီးသည်။ ယတ္တကံ၊ အကြင်မျှသောဥစ္စာကို။ အဂ္ဃတီတိ၊ ထိုက်၏ဟူ၍။ လက္ခဏညုဟိ၊ လက္ခဏာကိုသိသောပညာရှိတို့သည်။ တုလိတာ၊ အဘိုးကိုပိုင်းခြားအပ်၏ ။ တတော၊ ထိုထိုက်သောအဘိုးထက်။ အဋ္ဌဂုဏံ၊ ရှစ်ဆတက်၍။ ဟိရညံ၊ ရွှေငွေကို၎င်း။ ရတနာနိစ၊ ရတနာတို့ကို၎င်း။ ဒဿံ၊ ပေးပါအံ့။ ဣတိ၊ ဤသို့။ မေ၊ ငါ၏ ။ ပိတု၊ အဘ၏ ။ သန္တိကံ၊ အထံသို့။ ဒူတံ၊ တစ်မန်ကို။ ပေသယိပေသယိံသု၊ စေကုန်၏ ။

သာအဟံ၊ ထိုငါသည်။ လောကဇေဋ္ဌံ၊ လူသုံးပါးတို့၏အကြီးအမှူးဖြစ်တော်မူထသော။ အနုတ္တရံ၊ အတုလည်းမရှိထသော။ သမ္ဗုဒ္ဓံ၊ မြတ်စွာဘုရားကို။ ဒိသွာန၊ နဖူးမြင်ရ၍။ တဿ၊ ထိုမြတ်စွာဘုရား၏ ။ ပါဒါနိ၊ ခြေတော်တို့ကို။ ဝန္ဒိတွာ၊ ရှိခိုး၍။ ဧကမန္တေ၊ တင့်အပ်လျောက်ပတ်သောအရပ်၌။ ဥပါဝိသိံ၊ နေ၏ ။

ဂေါတမော၊ ဂေါတမအနွယ်တော်ဖြစ်တော်မူသော။ သောသမ္ဗုဒ္ဓေါ၊ ထိုမြတ်စွာဘုရားသည်။ မေ၊ ငါ့အား။ အနုကမ္ပာယ၊ သနားသဖြင့်။ ဓမ္မံ၊ တရားတော်ကို။ အဒေသေသိ၊ ဟောတော်မူ၏ ။ အဟံ၊ ငါသည်။ တသ္မိံ အာသနေ၊ ထိုတရားနာသောနေရာ၌။ နိသိန္နာ၊ ထိုင်နေလျက်။ တတိယဖလံ၊ အနာဂါမိဖိုလ်ကို။ ဖုသယိံ၊ ရပြီ။

တတော၊ ထိုနောင်မှ။ ကေသာနိ၊ ဆံတို့ကို။ ဆေတွာန၊ ဖြတ်၍။ အနဂါရိယံ၊ ရဟန်းဘောင်၌။ ပဗ္ဗဇိံ၊ ရဟန်းပြု၏ ။ အဇ္ဇ၊ ယနေ့။ မေ၊ ငါ၏ ။ ရတ္တိ၊ ရဟန်းပြုသောညဉ့်သည်။ သတ္တမာ၊ ခုနစ်ရက်မြောက်သောညဉ့်တည်း။ တတော၊ ထိုခုနစ်ရက်မြောက်သောနေ့မှနောက်၌။ မယာ၊ ငါသည်။ တဏှာ၊ တဏှာကို။ ဝိသောသိတာ၊ အရဟတ္တမဂ်ဉာဏ်ဖြင့် အကြွင်းမဲ့ပယ်အပ်ပြီ။ ဣတိ၊ ဤသို့။

အနောပမာ၊ အနောပမာထေရီမသည်။ ဣမာဂါထာယော၊ ဤဘွဲ့ဆိုသီကုံးအပ်သောဂါထာတို့ကို။ အဘာသိ၊ ဆိုပြီ။

၆. မဟာပဇာပတိဂေါတမီထေရီဂါထာ

(၅၅) ဝီရ၊ ကြီးသောလုံ့လရှိတော်မူထသော။ သဗ္ဗသတ္တာနံ၊ ခပ်သိမ်းသောသတ္တဝါတို့ထက်။ ဥတ္တမံ၊ မြတ်တော်မူထသော။ ဗုဒ္ဓ၊ ရှင်ပင်ဘုရား။ ယောတွံ၊ အကြင်အရှင်ဘုရားသည်။ မံ၊ အကျွန်ုပ်ကိုလည်းကောင်း။ အညံ၊ အကျွန်ုပ်မှတစ်ပါးသော။ ဗဟုကံ၊ များစွာသော။ ဇနဉ္စ၊ သတ္တဝါအပေါင်းကိုလည်းကောင်း။ ဒုက္ခာ၊ ကြီးစွာသောဆင်းရဲမှ။ ပမောစေသိ၊ လွတ်စေ၏ ။

တဿတေ၊ ထိုအရှင်ဘုရားအား။ နမော၊ ရှိခိုးခြင်းသည်။ အတ္ထု၊ ဖြစ်စေသတည်း။ မယာ၊ အကျွန်ုပ်သည်။ သဗ္ဗဒုက္ခံ၊ ခပ်သိမ်းသော ဒုက္ခသစ္ဏာကို။ ပရိညာတံ၊ ပိုင်းခြား၍သိအပ်ပြီ။ ဟေတု၊ ဒုက္ခ၏အကြောင်းဖြစ်သော။ တဏှာ၊ တဏှာဟုဆိုအပ်သောသမုဒယသစ္စာကို။ ဝိသောသိတာ၊ ခြောက်တတ်စေအပ်ပြီ။ အရိယော၊ ကိလေသာတည်းဟူသော အပြစ်မရှိသော။ အဋ္ဌင်္ဂီကော၊ အင်္ဂါရှစ်ပါးနှင့်ပြည့်စုံသော။ မဂ္ဂေါ၊ မဂ္ဂသစ္စာကိုလည်း။ ဘာဝိတော၊ ပွါးစေအပ်ပြီ။ နိရောဓော၊ ဒုက္ခ၏ချုပ်ရာနိဗ္ဗာန်ဟုဆိုအပ်သောနိရောဓသစ္စာကိုလည်း။ ဖုသိတော၊ မျက်မှောက်ပြုအပ်ပြီ။

အဟံ၊ ငါသည်။ ယထာဘုစ္စံ၊ ဖြစ်ခြင်း၏အကြောင်းစသည်ကို ဟုတ်မှန်သောအတိုင်း။ အဇာနန္တီ၊ မသိသည်ဖြစ်၍။ အနိဗ္ဗိသံ၊ သံသရာဟူသော သမုဒ္ဒရာ၌ထောက်ရာတည်ရာကို မသိသည်ဖြစ်၍။ သံသရိံ၊ အဖန်တလဲလဲဖြစ်သည် အစွမ်းဖြင့်ကျင်လည်ရလေပြီ။ အဟံ၊ ငါသည်။ မာတာ၊ အမိသည်လည်းကောင်း။ ပုတ္တော၊ သားသည်လည်းကောင်း။ ပိတာ၊ အဘသည်လည်းကောင်း။ ဘတာ၊ မောင်သည်လည်းကောင်း။ အယျိကာ၊ အဖွားသည်လည်းကောင်း။ ပုရေ၊ ရှေးရှေးဘဝ၌။ အဟု၊ ဖြစ်ဖူးလေပြီ။

မေမယာ၊ ငါသည်။ သောဘဂဝါ၊ ထိုမြတ်စွာဘုရားကို။ ဒိဋ္ဌောဟိဒိဋ္ဌောဧဝ၊ ဉာဏ်မျက်စိဖြင့် မြင်ပြီးသည်သာလျှင်တည်း။ အယံဿမုဿယော၊ ဤငါ၏ခန္ဓာကိုယ်သည်ကား။ အန္ထိမော၊ အဆုံးစွန်သောကိုယ်တည်း။ မေ၊ ငါ့အား။ ဇာတိသံသာရော၊ ပဋိသန္ဓေနေခြင်းရှိသောသံသရာသည်။ ဝိက္ခီဏော၊ ကုန်ပြီ။ ဒါနိဣဒါနိ၊ ယခု။ ပုနဗ္ဘဝေါ၊ တစ်ဖန်ဘဝသစ်၌ ဖြစ်ခြင်းသည်။ နတ္ထိ၊ မရှိပြီ။

ယော၊ အကြင်သူသည်။ အာရဒ္ဓဝီရိယေ၊ ချီးမြှောက်အပ်သော လုံ့လရှိကုန်ထသော။ ပဟိတတ္တေ၊ နိဗ္ဗာန်သို့စေလွှတ်အပ်သောစိတ်ရှိကုန်ထသော။ နိစ္စံ၊ အခါခပ်သိမ်း။ ဒဠပရက္ကမေ၊ မြဲမြံသေသာလုံ့လရှိကုန်ထသော။ သမဂ္ဂေ၊ အယူသီသတူသော အဖြစ်သို့ရောက်ကုန်ထသော။ သာဝကေ၊ ဘုရားတပည့်သားတော်တို့ကို။ ပဿပဿတိ၊ အဟုတ်အမှန်မြင်နိုင်၏ ။ တဿ၊ ထိုသူ၏ ။ ဧသာ၊ ဤသို့သာဝကတို့ကိုမြင်ခြင်းသည်။ ဗုဒ္ဓါနံ၊ ဘုရား ဘုရားတပည့်သားတော်တို့အား။ ဝန္ဒနာ၊ ရှိခိုးခြင်းမည်၏ ။

မာယာ၊ ငါ့အမမာယာသည်။ ဗဟူနံ၊ များစွာသော သတ္တဝါတို့၏ ။ အတ္ထာယ၊ အကျိုးငှါ။ ဂေါတမံ၊ ဂေါတမအနွယ်ဖြစ်သောသားတော်ဘုရားလောင်းကို။ ဇနယိဝတ၊ ဖွားမြင်ပေစွတကား။ သော၊ ထိုမာယာသားတော်ဖြစ်သောမြတ်စွာဘုရားသည်။ ဗျာဓိမရဏတုန္နာနံ၊ နာခြင်း သေခြင်းဖြင့်ထိုးကျင်နှိပ်စက်ကုန်သော သတ္တဝါတို့၏ ။ ဒုက္ခက္ခန္ဓံ၊ ဆင်းရဲအ‌ပေါင်းကို။ ဗျပါနုဒိ၊ အထူးသဖြင့်ပယ်တော်မူနိုင်၏ ။

မဟာပဇာပတိဂေါတမီ၊ မဟာပဇာပတိဂေါတမီမည်သော ထေရီမသည်။ ဣမာဂါထာယော၊ ဤဘွဲ့ဆိုသီကုံးအပ်သောဂါထာတို့ကို။ အဘာသိတ္ထ၊ ရွတ်ဆိုပြီ။

၇. ဂုတ္တာထေရီဂါထာ

(၅၆) ဂုတ္တေ၊ အိုဂုတ္တာ။ ယဒတ္ထံ၊ အကြင်ကိလေသာခန္ဓာငြိမ်းခြင်းအကျိုးငှါ။ သရပ္ပိယံ၊ အလွန်ချစ််မြတ်နိုးအပ်သော။ ပုတ္တံ၊ သားကို။ ဟိတွာ၊ စွန့်၍။ ပဗ္ဗဇ္ဇာ၊ ရဟန်းအဖြစ်ကို။ ဣစ္ဆိတာ၊ အလိုရှိအပ်၏ ။ တမေဝ၊ ထိုကိလေသာခန္ဓာငြိမ်းခြင်းတည်းဟူသော အကျိုးကိုသာလျှင်။ တွံ၊ သင်သည်။ အနုဗြူဟေဟိ၊ ပွါးစေသော။ စိတ္တဿ၊ ကောက်ကျစ်စဉ်းလဲသောစိတ်၏ ။ ဝသံ၊ နိုင်ငံသို့။ မာဂမိ၊ မလိုက်လေလင့်။

စိတ္တေန၊ ကောက်ကျစ်စဉ်းလဲသောစိတ်သည်။ ဝဉ္စိတာ၊ လှည့်ပတ်အပ်ကုန်သော။ သတ္တာ၊ ပုထုဇဉ်ကန်းဖြစ်သောသတ္တဝါတို့သည်။ အဝိဒ္ဒသု၊ သစ္စာလေးပါးတရားကိုမသိကုန်သည်ဖြစ်၍။ မာရဿ၊ ကိလေသာမာရ်၏ ။ ဝိသယေ၊ အာရုံဖြစ်သောကာမဝတ္ထု၌။ ရတာ၊ မွေ့လျော်ကုန်သည်ဖြစ်၍။ အနေကဇာတိသံသာရံ၊ ဘဝများစွာသံသရာ၌။ သန္ဓာဝန္တိ၊ ထိုထိုသို့သောဘဝသို့ပြေးသွားရကုန်၏ ။

ဘိက္ခုနီ၊ ဂုတ္တာမည်သော ရဟန်းမိန်းမသည်။ ကာမဆန္ဒဉ္စ၊ ကာမဂုဏ်၌ တပ်မက်မောတတ်သောရာဂကိုလည်းကောင်း။ ဗျာပါဒံ၊ သူတစ်ပါးစည်းစိမ်ကိုဖျက်ဆီးစေတတ်သောဒေါသကိုလည်းကောင်း။ သက္ကာယဒိဋ္ဌိမေဝစ၊ ငါ၏ကိုယ် ငါ၏ဥစ္စာဟုအယူမှားသောဒိဋ္ဌိကိုလည်းကောင်း။ သီလဗ္ဗတပရာမာသံ၊ နွား၏အလေ့အကျင့်စသည်ဖြင့် သံသရာထွက်မြောက်၏ဟုယုံမှားသောအားဖြင့် စွဲလမ်းတတ်သောဒိဋ္ဌိကိုလည်းကောင်း။ ပဉ္စမံ၊ ငါးခုမြောက်သော။ ဝိစိကိစ္ဆဉ္စ၊ ဘုရား၌ယုံမှားခြင်းစသောတစ်ဆယ့်ခြောက်ပါးသောယုံမှားခြင်းကိုလည်းကောင်း။

ဧတာနိ၊ ထိုသို့သဘောရှိကုန်သော။ ဩရမ္ဘာဂမနီယာနိ၊ အောက်ကာမဘုံ၌ ပဋိသန္ဓေနေခြင်း၏အကြောင်းဖြစ်ကုန်သော။ သံယောဇနာနိ၊ သံယောဇဉ်တို့ကို။ ပဇဟိတွာန၊ အနာဂါမိမဂ်ဖြင့်ပယ်၍။ ဣဒံ၊ ဤကာမဘုံသို့။ ပုန၊ တစ်ဖန်။ နီဟိသိ၊ ပဋိသန္ဓေအစွမ်းဖြင့်သင်မလာရလတ္တံ့သတည်း။

ရာဂံ၊ ရူပ အရူပဘုံ၌တင်တတ်သောရာဂကိုလည်းကောင်း။ မာနံ၊ မာန်ထောင်လွှားခြင်းကိုလည်းကောင်း။ အဝိဇ္ဇဉ္စ၊ မသိခြင်း မောဟကိုလည်းကောင်း။ ဥဒ္ဓစ္စဉ္စ၊ ပျံ့လွင့်ခြင်းကိုလည်းကောင်း။ ဧတာနိ၊ ထိုသို့သဘောရှိကုန်သော။ သံယောဇနာနိ၊ အထက်ရူပဘုံ အရူပဘုံ၌ ပဋိသန္ဓေနေခြင်း၏အကြောင်းဖြစ်ကုန်သောသံယောဇဉ်တို့ကို။ ဝိဝဇ္ဇိယ၊ ဝိပဿနာဖြင့်ခွါ၍။ ဆေတွာန၊ အရဟတ္တမဂ်ဖြင့်ဖြတ်၍။ ဒုက္ခဿ၊ ဝဋ်ဆင်းရဲ၏ ။ အန္တံ၊ အဆုံးကို။ ကရိဿသိ၊ သင်ပြုရလတ္တံ့။

ဇာတိသံသာရံ၊ ပဋိသန္ဓေနေခြင်းလျှင်အရင်းရှိသောသံသရာကို။ ခေပေတွာ၊ ကုန်စေ၍။ ပုနဗ္ဘဝံ၊ တစ်ဖန်ဘဝသစ်၌ဖြစ်ခြင်းကို။ ပရိညာယ၊ ပိုင်းခြားသောအားဖြင့်သိ၍။ ဒိဋ္ဌေဝဓမ္မေ၊ မျက်မှောက်သောကိုယ်၏အဖြစ်၌သာလျှင်။ နိစ္ဆာတာ၊ တဏှာတည်းဟူသောမွတ်သိပ်ခြင်းကင်းသည်ဖြစ်၍။ ဥပသန္တာ၊ ကိလေသာမီးငြိမ်းသည်ဖြစ်၍။ စရိဿသိ၊ ချမ်းသာစွာနေရလတ္တံ့။

ဂုတ္တာ၊ ဂုတ္တာထေရီမသည်။ ဣမာဂါထာယော၊ ဤဘွဲ့ဆိုသီကုံးအပ်သောဂါထာတို့ကို။ အဘာသိတ္ထ၊ ရွတ်ဆိုပြီ။

၈. ဝိဇယာထေရီဂါထာ

(၅၇) အဟံ၊ ငါသည်။ စိတ္တေ၊ စိတ်သည်။ အဝသဝတ္တိနီ၊ ငါ၏အလိုသို့မလိုက်သည်ရှိသော်။ စေတသော၊ စိတ်၏ ။ သန္တိံ၊ ငြိမ်သက်ခြင်းကို။ အလဒ္ဓါ၊ မရသည်ဖြစ်၍။ စတုက္ခတ္တုံ၊ လေးကြိမ်လည်းကောင်း။ ပဉ္စက္ခတ္တုံ၊ ငါးကြိမ်လည်းကောင်း။ ဝိဟာရာ၊ ကျောင်းမှ။ ဥပနိက္ခမိံ၊ ထွက်ပြီ။

တဒါ၊ ထိုအခါ၌။ အယံ၊ ငါသည်။ ဘိက္ခုနိံ၊ ခေမာမည်သောရဟန်းမိန်းမသို့။ ဥပသင်္ကမ္မ၊ ကပ်လေ၍။ သက္ကစ္စံ၊ ရိုသေစွာ။ ပရိပုစ္ဆိံ၊ မေး၏ ။ သာ၊ ထိုခေမာမည်သောရဟန်းမိန်းမသည်။ ဥတ္တမတ္ထဿ၊ မြတ်သောအရဟတ္တဖိုလ်နိဗ္ဗာန်ဟူသောအကျိုးကို။ ပတ္တိယာ၊ ရစေခြင်းငှါ။ ဓာတုအာယတနာနိစ၊ ခန္ဓာအာယတနဓာတ်တို့ကိုလည်းကောင်း။

စတ္တာရိ၊ လေးပါးကုန်သော။ အရိယသစ္စာနိ၊ အရိယသစ္စာတို့ကိုလည်းကောင်း။ ဣန္ဒြိယာနိ၊ ဣန္ဒြေငါးပါးတို့ကိုလည်းကောင်း။ ဗလာနိစ၊ ဗိုလ်ငါးပါးတို့ကိုလည်းကောင်း။ ဗောဇ္ဈင်္ဂံ၊ ဗောဇ္ဈင်ခုနစ်ပါးကိုလည်းကောင်း။ အဋ္ဌင်္ဂိကံ၊ အင်္ဂါရှစ်ပါးနှင့်ပြည့်စုံသော။ မဂ္ဂံ၊ မဂ်ကိုလည်း‌ကောင်း။ ဒဿေန္တီ၊ ပြလျက်။ မေ၊ ငါ့အား။ ဓမ္မံ၊ တရားကို။ အဒေသေသိ၊ ဟောပေ၏ ။

အဟံ၊ ငါသည်။ တဿာ၊ ထိုခေမာမည်သောရဟန်းမိန်းမ၏။ ဝစနံ၊ တရားစကားကို။ သုတွာ၊ ကြားနာရ၍။ အနုသာသနိံ၊ ခေမာမည်သောရဟန်းမိန်းမ၏အဆုံးအမကို။ ကရောန္တိ၊ လိုက်နာသည်ဖြစ်၍။ ရတ္တိယာ၊ ညဉ့်၏ ။ ပုရိမေယာမေ၊ ညဉ့်ဦးယံ၌။ ပုဗ္ဗဇာတိံ၊ ရှေးဘဝကို။ အနုဿရိံ၊ အောက်မေ့နိုင်ပြီ။

ရတ္တိယာ၊ ညဉ့်၏ ။ မဇ္ဈိမေယာမေ၊ သန်းခေါင်ယံ၌။ ဒိဗ္ဗစက္ခုံ၊ ဒိဗ္ဗစက္ခုကို။ ဝိသောဓယိ၊ သုတ်သင်ရပြီ။ ရတ္တိယာ၊ ညဉ့်၏ ။ ပစ္ဆိမေယာမေ၊ မိုးသောက်ယံ၌။ တမောခန္ဓံ၊ မောဟအစုကို။ ပဒါလယိံ၊ အရဟတ္တမဂ်တည်းဟူသော ဓား သန်လျက်ဖြင့်ဖောက်ခွဲရပြီ။

ပီတိသုခေနစ၊ ဖလသမာပတ်ပီတိသုခဖြင့်လည်းကောင်း။ ကာယံ၊ ငါ၏ကိုယ်ကို။ ဖရိတွာ၊ နှံံ့၍။ ဝိဟရိံ၊ နေပြီ။ တဒါ၊ ထိုအခါ၌။ သတ္တမိယာ၊ ဝိပဿနာစီးဖြန်းသည်မှ ခုနစ်ရက်မြောက်သောနေ့၌။ တမောခန္ဓံ၊ မောဟအစုကို။ ပဒါလယ၊ အရဟတ္တမဂ်တည်းဟူသော ဓား သန်လျက်ဖြင့်ဖောက်ခွဲ၍။ ပါ‌‌ဒေ၊ ထက်ဝက်ဖွဲ့သော ခြေတို့ကို။ ပသာရေမိ၊ ဆန့်ပြီ။

ဝိဇယာ၊ ဝိဇယာမည်သောထေရီမသည်။ ဣမာဂါထာယော၊ ဤဘွဲ့ဆိုသီကုံးအပ်သော ဂါထာတို့ကို။ အဘာသိတ္ထ၊ ရွတ်ဆိုပြီ။

ဆက္ကနိပါတော၊ ဆက္ကနိပါတ်သည်။ သမတ္တော၊ ပြီးခြင်းသို့ရောက်ပြီ။

Issues

Select Version

Therīgāthāpāḷi

Therīgāthāpāḷi