၃. ဥပစာလာထေရီဂါထာ

သတိမတီ၊ မြတ်သောအောက်မေ့ခြင်းသတိနှင့်ပြည့်စုံထသော။ စက္ခုမတီ၊ မြတ်သောမျက်စိနှင့်ပြည့်စုံထသော။ ဘိက္ခုနိ၊ ဥပစာလာမည်သောရဟန်းမိန်းမသည်။ ဘာဝိတိန္ဒြိယာ၊ မဂ်ဖြင့်ပွါးစေအပ်ပြီးသောဣန္ဒြေငါးပါးရှိသည်ဖြစ်၍။ အကာပုရိသသေဝိတံ၊ မယုတ်မာသောဘုရားအစရှိသောယောက်ျားမြတ်တို့သည် မဂ်ဉာဏ် ဖိုလ်ဉာဏ်ဖြင့် မှီဝဲအပ်ထသော။ သန္တံ၊ ငြိမ်သက်စွာထသော။ ပဒံ၊ နိဗ္ဗာန်ကို။ ပဋိဝိဇ္ဈိ၊ ထိုးထွင်း၍သိလေစွတကား။ ဣတိ၊ ဤသို့။ ဥပစာလာ၊ ဥပါစာလာမည်သောရဟန်းမိန်းမသည်။ အာဟ၊ ဆို၏ ။

အထ၊ ထိုအခါ၌။ မာရော၊ မာရ်နတ်သားသည်။ အာဂန္တွာ၊ လာ၍။ ဧဝံ၊ ဤသို့။ အာဟ၊ ဆို၏ ။ ကိံ အာဟ၊ အဘယ်သို့ဆိုသနည်း။ ဥပစာလေ၊ ဥပစာလာ။ တွံ၊ သင်သည်။ ကိံ နု၊ အဘယ်ကြောင့်သာလျှင်။ ဇာတိံ၊ ပဋိသန္ဓေနေခြင်းကို။ နရောစေသိ၊ မနှစ်သက်လေသနည်း။ ဇာတော၊ ပဋိသန္ဓေနေသောသူသည်။ ကာမာနိ၊ ကာမဂုဏ်ချမ်းသာတို့ကို။ ဘုဉ္ဇတိ၊ ခံစားရ၏ ။ တသ္မာ၊ ထိုကြောင့်။ ဇာတော၊ ပဋိသန္ဓေနေပြီးသော။ တွံ၊ သင်သည်။ ကာမရတိယော၊ ကာမဂုဏ်ချမ်းသာဖြင့် မြူးတူးမွေ့လျော်ခြင်းတို့ကို။ ဘုဉ္ဇာဟိ၊ ခံစားဦးလော။ ပစ္ဆာနုတာပိနီ၊ ကာမဂုဏ်ချမ်းသာကို မခံစားရလေဟုနောင်တတစ်ဖန်ပူပန်ခြင်းရှိသည်။ မာအဟု၊ မဖြစ်လင့်။ ဣတိ၊ ဤသို့။ မာရော၊ မာရ်နတ်သားသည်။ အာဟ၊ ဆို၏ ။

ပါပိမ၊ ဟယ်မာရ်နတ်ယုတ်။ ဇာတဿ၊ ပဋိသန္ဓေနေခြင်းရပြီးသော သတ္တဝါအား။ မရဏံ၊ သေခြင်းသည်။ ဟောတိ၊ ဖြစ်၏ ။ ဇာတဿ၊ ပဋိသန္ဓေနေရပြီးသော သတ္တဝါအား။ ဟတ္ထပါဒါနံ၊ လက်ခြေတို့ကို။ ဆေဒနံ၊ ဖြတ်ခြင်းသည်။ ဟောတိ၊ ဖြစ်၏ ။ ဇာတော၊ ပဋိသန္ဓေရေသော သတ္တဝါသည်လျှင်။ ဝဓဗန္ဓပရိက္လေသံ၊ သတ်ခြင်းနှောင်ဖွဲ့ခြင်းစသည်ဖြင့်ပူပန်နှိပ်စက်ခြင်းသို့လည်းကောင်း။ ဒုက္ခံ၊ ထိုမှတစ်ပါးသောဆင်းရဲခြင်းသို့လည်းကောင်း။ နိဂစ္ဆတိ၊ ရောက်၏ ။ တသ္မာ၊ ထိုကြောင့်။ ဇာတိံ၊ ပဋိသန္ဓေနေခြင်းကို။ နရောစေမိ၊ ငါမနှစ်သက်သတည်း။

သကျကုလေ၊ သာကီဝင်မင်းမျိုး၌။ ဇာတော၊ ဖြစ်ထသော။ အပရာဇိတော၊ မာရ်ငါးပါးတို့သည်မအောင်နိုင်ထသော။ သမ္ဗုဒ္ဓေါ၊ သစ္စာလေးပါးတရားကိုအလိုလိုသိတော်မူသောမြတ်စွာဘုရားသည်။ အတ္ထိ၊ လူ၌ထင်ရှားရှိ၏ ။ သော၊ ထိုမြတ်စွာဘုရားသည်။ ဇာတိယာ၊ ပဋိသန္ဓေနေခြင်းကို။ သမတိက္ကမံ၊ လွန်ကြောင်းဖြစ်ထသော။ ဓမ္မံ၊ သစ္စာလေးပါးတရားကို။ အဒေသေသိ၊ ဟောတော်မူ၏ ။

ဒုက္ခံ၊ ဝဋ်ဆင်းရဲဟုဆိုအပ်သော။ ဒုက္ခသစ္စာကိုလည်းကောင်း။ ဒုက္ခသမုပ္ပါဒံ၊ ဝဋ်ဆင်းရဲကိုဖြစ်စေတတ်သောတဏှာဆိုအပ်သော သမုဒယသစ္စာကိုလည်းကောင်း။ ဒုက္ခဿ၊ ဝဋ်ဆင်းရဲကို။ အတိက္ကမံစ၊ လွန်ရာဖြစ်သောနိဗ္ဗာန်ဟုဆိုအပ်သော နိရောဓသမ္မာကိုလည်းကောင်း။ ဒုက္ခုပသမဂါမိနံ၊ ဝဋ်ဆင်းရဲ၏ ငြိမ်းရာနိဗ္ဗာန်သို့ရောက်ကြောင်းဖြစ်သော။ အရိယံ၊ ကိလေသာတည်းဟူသောအပြစ်မရှိထသော။ အဋ္ဌင်္ဂိကံ၊ အင်္ဂါရှစ်ပါးနှင့်ပြည့်စုံသော။ မဂ္ဂံစ၊ မဂ္ဂသစ္စာကိုလည်းကောင်း။ ဣတိ၊ ဤသို့။ ဓမ္မံ၊ သစ္စာလေးပါးတရားကို။ အဒေသေသိ၊ ဟောတော်မူပေ၏ ။

အဟံ၊ ငါသည်။ တဿ၊ ထိုသာကီဝင်မင်းမျိုးဖြစ်တော်မူသော မြတ်စွာဘုရား၏ ။ ဝစနံ၊ လေးပါးသောသစ္စာတည်းဟူသောတရားစကားကို။ သုတွာ၊ ကြားနာရ၍။ သာသနေ၊ မြတ်စွာဘုရားသာသနာတော်၌။ ရတာ၊ ဖလသမာပတ်ဖြင့်မွေ့လျော်သည်ဖြစ်၍။ ဝိဟရိံ၊ နေပြီ။ တိဿောဝိဇ္ဇာ၊ သုံးပါးသောဝိဇ္ဇာတို့ကို။ အနုပ္ပတ္တာ၊ ရအပ်ကုန်ပြီ။ ဗုဒ္ဓဿ၊ မြတ်စွာဘုရား၏ ။ သာသနံ၊ အဆုံးအမတော်ကို။ ကတံ၊ လိုက်နာရပြီ။

သဗ္ဗတ္ထ၊ အလုံးစုံသောအာရုံတို့၌။ နန္ဒီ၊ နှစ်သက်ခြင်းတဏှာကို။ ဝိဟတာ၊ ဖျောက်အပ်ပြီ။ တမောခန္ဓော၊ မောဟအစုကို။ ပဒါလိတော၊ ဖောက်ခွဲအပ်ပြီ။ ပါပိမ၊ မာရ်နတ်ယုတ်။ ဧဝံ၊ ဤသို့ဖြစ်သည်ကို။ ဇာနာဟိ၊ သင်သိလေလော။ အန္တက၊ ဟယ်မာရ်နတ်ယုတ်။ တွံ၊ သင်သည်။ နိဟတော၊ ရှုံးခြင်းသို့ရောက်သည်။ အသိ၊ ဖြစ်၏ ။

ဥပစာလာ၊ ဥပစာထေရီမသည်။ ဣမာဂါထာယော၊ ဤဘွဲ့ဆိုသီကုံးအပ်သောဂါထာတို့ကို။ အဘာသိတ္ထ၊ ရွတ်ဆိုပြီ။

သတ္တကနိပါတော၊ သတ္တကနိပါတ်သည်။ သမတ္တော၊ ပြီးပြီ။

Issues

Select Version

Therīgāthāpāḷi

Therīgāthāpāḷi