Avippavāsādipañhavaṇṇanā
Avippavāsapañhāvaṇṇanā
Avippavāsapañhāvaṇṇanā
479. Sedamocikagāthāsūti adhippāyatthassa gambhīrattā taṃ cintentānaṃ vinayadharānaṃ kāye sedaṃ mocetīti sedamocikā , sāyeva gāthā sedamocikagāthā , tāsu .
479. Sedamocanagāthāsu
M3.491 tahin ti tasmiṃ puggale .
‘‘ Akappiyasambhogo nāma methunadhammādī ’’ ti gaṇṭhipadesu vuttaṃ .
479. Tahin tiM0.577 tasmiṃ puggale .
Akappiyasambhogo nāma methunadhammādi .
479. SedamocanagāthāsuM2.312 akappiyasambhogoti anupasampannehi saddhiṃ kātuṃ paṭikkhitto uposathādisaṃvāso eva vutto .‘‘ Akappiyasambhogo na labbhatī ’’ ti iminā kappiyasambhogo labbhatīti dasseti .
Kappiyasambhogaṃ
M0.631 dassetuṃ ‘‘ nahāpanabhojanādī ’’ tiV2.255 vuttaṃ .
Esā pañhā kusalehi cintitāti liṅgavipallāsavasenetaṃ vuttaṃ , eso pañho kusalehi cintitoti attho .
‘‘ Varasenāsanarakkhaṇatthāya vissajjetvā paribhuñjituṃ vaṭṭatī ’’ ti garubhaṇḍavinicchaye vutto .
Pañhā mesāti ettha ma -kāro padasandhikaro .
Esāti ca liṅgavipallāsavasena vuttaṃ , pañho esoti attho .
Pañha -saddo vā dviliṅgo daṭṭhabbo .
Tenāha ‘‘ esā pañhā ’’ tiādi .Anāpattīti mātubhikkhuniyā anāpatti .
Esā pañhāti ettha pañhasaddo sabhāvatiliṅgoti saddasatthesu ( saddanītidhātumālāyaṃ 16 hakārantadhātu ; abhidhānappadīpikāyaṃ 115 gāthāyaṃ ) vutto , idha itthiliṅgavasena vutto .
‘‘ Paṇḍitehī ’’ ti iminā kusalassa kāraṇaṃ dasseti , paṇḍitattā kusaloti adhippāyo .
Dasāti avandiye dasa .
Ekādasāti paṇḍakādayo ekādasa .
Ubbhakkhake na vadāmīti iminā mukhe methunadhammābhāvaṃ dīpeti .
Adhonābhiṃ vivajjiyāti iminā vaccamaggapassāvamaggesu .
Ekādasāvandiye paṇḍakādayo ekādasa .
Assāti pañhāya .
Etan ti vissajjanaṃ .
Assāti gāthāya .
Garubhaṇḍaṃ sandhāyāti garubhaṇḍena garubhaṇḍaparivattanaṃ sandhāya .
Ekādasa vivajjiyāti avibhattikaniddeso , ekādasa vivajjiyeti attho .
Tena vuttaṃ ‘‘ ye ’’ tiādi .
Tepīti pisaddo gāthāyaṃ luttaniddiṭṭhagamyamānabhāvaṃ dasseti .
Upeti saparisaṃ .
Dasāti dasa avandiyapuggale .
Ekādaseti abhabbapuggale .
Ayan ti nhāpitapubbako bhikkhu .
Na jīvati nimmitarūpattā .
Sikkhāya asādhāraṇoti khurabhaṇḍaṃ dhāretuṃ anuññātasikkhāpadena bhikkhūhi asādhāraṇasikkhāpadoti attho .
Nimmitabuddhan ti buddhena nimmitaṃ buddharūpaṃ .
‘‘ Ubbhakkhakena vadāmī ’’ ti iminā mukhe methunadhammābhāvaṃ dīpeti .
Vivajjiyāti ettha yakāro tvāpaccayassa kāriyoti āha ‘‘ vivajjetvā ’’ ti .
Adhonābhivivajjanena vaccamaggappassāvamaggesu
V0.528 .
Ubbhakkhake na vadāmīti akkhato uddhaṃ sīse ṭhitamukhamaggepi pārājikaṃ sandhāya na vadāmi .
Adhonābhin ti nābhito heṭṭhā ṭhitavaccapassāvamaggepi vivajjiya aññasmiṃ sarīrappadese methunadhammapaccayā kathaṃ pārājiko siyāti attho .Asīsakaṃ yaṃ taṃ kabandhaṃ atthīti yojanā .
Asīsakattā kena sarīrena jīvitaṃ bandhatīti kabandho .
Yassāti kabandhassa .
Hīti saccaṃ .
Teti abhabbapuggalā .
Chejjavatthun ti pārājikaṃ .
Vācāti ettha yakāralopoti āha ‘‘ vācāyā ’’ ti .
Iti meti evaṃ mama .
Evaṃ vadamāne mama vacananti yojanā .
Athavā itimeti evaṃ ime , evaṃ vadamāne ime janāti yojanā .
Saddampīti iminā girasaddo saddapariyāyoti dasseti .
Hīti saccaṃ .
Tuṇhībhūtassa nisinnassa tassa bhikkhunoti yojanā .
Yadi manodvāre āpatti nāma natthi , evaṃ sati kasmā āpajjeyya vācasikanti vuttanti āha ‘‘ yasmā panā ’’ tiādi .
Tenāti tasmā .
Assāti bhikkhussa .
Sāti bhikkhunī , āpajjatīti sambandho .
Vuttappakāran ti ‘‘ gāmantarapariyāpannan ’’ ti vuttappakāraṃ .
Gāmantarapariyāpannaṃ nadīpāraṃ okkantabhikkhuniṃ sandhāyāti ettha nadī bhikkhuniyā gāmapariyāpannā , paratīraṃ gāmantarapariyāpannaṃ .
Tattha paratīre paṭhamaleḍḍupātappamāṇo gāmūpacāro nadīpariyantena paricchinno , tasmā paratīre ratanamattampi araññaṃ natthi , paratīrañca tiṇādīhi paṭicchannattā dassanūpacāravirahitaṃ karoti .
Tattha attano gāme āpatti natthi , paratīre pana paṭhamaleḍḍupātasaṅkhāte gāmūpacāreyeva pādaṃ ṭhapeti .
Antare abhidhamme vuttanayena araññabhūtaṃ sakagāmaṃ atikkamati nāma , tasmā gaṇamhā ohīyanā nāma hotīti veditabbaṃ .
Gāmantarapariyāpannaṃ nadipāraṃ okkantabhikkhuniṃ sandhāyāti bhikkhuniyā gāmāpariyāpannaparatīre nadisamīpameva sandhāya vuttā .
Tattha paratīre gāmūpacāro ekaleḍḍupāto nadipariyantena paricchinno , tasmā paratīre ratanamattampi araññaṃ na atthi , tañca tiṇādīhi paṭicchannattā dassanūpacāravirahitaṃ karoti .
Tattha attano gāme āpatti natthi .
Paratīre pana ekaleḍḍupātasaṅkhāte gāmūpacāreyeva padaṃ ṭhapeti .
Antare abhidhammavasena araññabhūtaṃ sakagāmaṃ atikkamati nāma , tasmā gaṇamhā ohīyanā ca hotīti ñātabbaṃ .
Ettāvatāpi santosamakatvā vicāretvā gahetabbaṃ .
Tāsūti dvīsu bhikkhunīsu .
Bhikkhūnaṃ santike ekatoupasampannā nāma mahāpajāpatipamukhā pañcasatasākiniyo bhikkhuniyo .
Mahāpajāpatipi hi ānandattherena dinnaovādassa paṭiggahitattā bhikkhūnaṃ santike upasampannā nāma .
Bhikkhūnaṃ santike upasampannā pañcasatā mahāpajāpatippamukhā .
Mahāpajāpatipi hi ānandattherena dinnaovādassa paṭiggahitattā bhikkhūnaṃ santike upasampannā nāma .
Caturo janāti ettha catunnaṃ janānaṃ sarūpaṃ dassento āha ‘‘ ācariyo ca tayo ca antevāsikā ’’ ti
V2.256 .
Sāhatthikāti sahatthā avaharitā .
M0.632 Āṇattiyāpīti āṇattena avaharitāpi .
Itaresan ti antevāsikānaṃ , ekeko māsakoti sambandho .Etthāti parivāre sedamocikagāthāyaṃ .