Ekuttarikanayo chakkavāravaṇṇanā
Chakkavāravaṇṇanā
Chakkavāravaṇṇanā
Chakkavārādivaṇṇanā
326. Chakkesu
M0.581 evamattho veditabboti yojanā .
Itīti evaṃ .
Imā cha sāmīciyoti yojanā .
326. Chakkesu chabbassaparamatā dhāretabban ti padabhājanaṃ dassitaṃ .
Sesaṃ uttānameva .
326.‘‘ Chabbassaparamatā dhāretabban ’’ ti vibhaṅge pāṭhattā evaṃ vuttaṃ .
326. ChakkādīsuV2.275 pāḷiyaṃ cha agāravāti buddhadhammasaṅghasikkhāsu , appamāde , paṭisanthāre ca cha agāravā , tesu eva ca cha gāravā veditabbā .
‘‘ Chabbassaparamatā dhāretabban ’’ ti idaṃ vibhaṅge āgatassa paramassa dassanaṃ .Tatthāti chasu ākāresu .
Cuddasaparamāni nava chakkāni honti .
Kathaṃ ?
Paṭhamaṃ ekaṃ chakkaṃ , sesesu aṭṭhasu ekekena saddhiṃ ekekanti evaṃ tīṇi chakkāni antarapeyyāle vuttāni .
Kathaṃ ?
‘‘ Catutthena āpattisamuṭṭhānena cha āpattiyo āpajjatī ’’ tiādinā nayena pañcamena , chaṭṭhena ca tīṇi chakkāni .
Satisammosenāti satiyā vippavāsena .
Lobhādayo cha vivādamūlāni , tathā anuvādassa .
Dīghaso cha vidatthiyo vassikasāṭikāya .
Tiriyaṃ cha vidatthiyo sugatacīvarassa .
Vippakatacīvaraṃ ādāya pakkamane niṭṭhānantiko , sanniṭṭhānanāsana savana sīmātikkantikasahubbhārāti cha , samādāya vārepi chāti chakkadvayaṃ .
Tatthāti cuddasasu paramesu .
Tatoti chakkato .
Ekaṃ apanetvāti yaṃkiñci ekaṃ apanetvā .
Sesesūti chahi paramehi sesesu aṭṭhasu paramesu .
Aññānipi chakkānīti paṭhamachakkato aññānipi aṭṭha chakkāni .
Sattake pakkamanantikena saha satta .
Cha āpattiyoti tīṇi chakkānīti ‘‘ cha āpattiyo ’’ ti vuttāni tīṇi chakkānīti yojanā
V2.211 .Vuttadvayaṃ ekaṃ katvā .
Nhāneti nhānasikkhāpade .
Chakkadvayan ti ādāyasamādāyavasena chakkadvayaṃ .
Sabbatthāti sabbesu chakkesu .
Iti chakkavāravaṇṇanāya yojanā samattā .
Chakkavāravaṇṇanā niṭṭhitā .