Vohāravaggavaṇṇanā
424.‘‘ Neva desanāya na vuṭṭhānenā ’’ ti idaṃ pārājikāpattiṃ sandhāya vuttaṃ .
424. Kāyappayogena
V3.447 āpajjitabbā kāyappayogā .
Vacīpayogena āpajjitabbā vacīpayogā .
424. Bhedakaravatthūni nissāya vivādādhikaraṇaṃ samuṭṭhāti , evaṃ yathāsaṅkhyaṃ gacchati .Dosānurūpan ti vatthusaṅkhātassa dosassa anurūpaṃ .
Kodhopanāhādidvādasamūlapayogaṃ vivādādhikaraṇaṃ , tathā sesesu .
Payogaṃ na jānātīti ettha sace payogo mūlena visadiso hutvā bhinno hoti , evaṃ sati mūlapayoganti na vattabbanti āha ‘‘ adhikaraṇānaṃ hī ’’ tiādi .
Hīti saccaṃ , yasmā vā .
Mūlameva payogā nāma honti , na aññanti adhippāyo .
Kātabban ti na jānātīti kātabbaṃ iti kammassa karaṇaṃ na jānātīti yojanā .
Vatthūti bhaṇḍanakalahādivatthu , niyassādīnaṃ vatthūti sambandho
M0.617 .Catunnan ti tajjanīyaniyassapabbājanīyapaṭisāraṇīyavasena catunnaṃ .
Yācatīti saṅghaṃ kammassa vūpasamaṃ yācati .
Vatthun ti ettha āpattikkhandhānameva vatthunti āha ‘‘ sattannaṃ āpattikkhandhānan ’’ ti .
Padesapaññattisabbatthapaññattisādhāraṇapaññattiasādhāraṇapaññattiekatopañña- ttiubhatopaññattivasena channaṃ paññattīnaṃ paññattiyaṃ paviṭṭhattā vuttaṃ ‘‘ tividhaṃ paññattin ’’ ti .
‘‘ Heṭṭhupariyaṃ katvā padaṃ yojetī ’’ ti iminā padapaccābhaṭṭhan ti ettha padānaṃ heṭṭhupariyavasena paṭinivattitvā ābhassanaṃ gaḷanaṃ cutaṃ padapaccābhaṭṭhanti atthaṃ dasseti .
Vinayeti ettha na kevalaṃ pāḷiyaṃyeva , atha kho aṭṭhakathāyampīti āha ‘‘ vinayapāḷiyañceva aṭṭhakathāyañcā ’’ ti .
Ñattiṃ
V2.243 na jānātīti ettha ñattibhedaṃ dassento āha ‘‘ saṅkhepato ’’ tiādi .
Tatthāti duvidhāsu ñattīsu .
Navasu ṭhānesūti osāraṇādīsu navasu ṭhānesu .
Dvīsu ṭhānesūti ñattidutiyañatticatutthakammesu .
Osāraṇādīsu navasu ṭhānesu kammañattiyā karaṇaṃ .
Dvīsu ṭhānesu ñattidutiyañatticatutthakammesu .
424. Kammañattīti kammabhūtā ñatti .
Anussāvananirapekkhā ñattikammabhūtā ñattīti attho .
Kammapādañatti nāma ñattidutiyakammādīsu anussāvanakammassa pādabhūtā adhiṭṭhānabhūtā ñatti .Kammañattīti anussāvanakammassa ṭhāne ṭhitā ñatti .
Anussāvanakammaṃ natthi , sayameva anussāvanakammaṭṭhāne ṭhitāti attho .
Kammapādañattīti anussāvanakammassa pādabhūtā mūlabhūtā ñatti .
Navasu ṭhānesūti osāraṇādīsu navasu ṭhānesū .
Dvīsu ṭhānesūti ñattidutiyañatticatutthavasena dvīsu ṭhānesu , kammapādañattiyā karaṇaṃ na jānātīti sambandho .
Navasu ṭhānesūti osāraṇādīsu navasu ṭhānesu .
Dvīsu ṭhānesūti ñattidutiyañatticatutthakammesu .
Yvāyaṃ catubbidho samathoti yojanā .
Tan ti catubbidhaṃ samathaṃ .
Ñattiyāti sāmyatthe sāmivacanaṃ .
Yaṃ adhikaraṇaṃ vūpasamatīti sambandho .
Tassāti adhikaraṇassa .
Taṃ vūpasamaṃ na jānātīti sambandho .
Suttaṃ na jānātīti ettha suttasaddassa kadāci katthaci mātikāyañca suttantapiṭake ca pavattanato idha ubhatovibhaṅgeti āha ‘‘ ubhatovibhaṅgan ’’ ti .
Suttānuloman ti ubhatovibhaṅge suttānulomabhūte mahāpadese sandhāya vuttaṃ .
Vinayaṃ na jānātīti ettha vinayasaddassa sakale vinayapiṭake vattamānassāpi suttanti ettha ubhatovibhaṅgassa gahitattā idha khandhakaparivārāva gahetabbāti āha ‘‘ khandhakaparivāraṃ na jānātī ’’ ti .
Vinayānuloman ti khandhakaparivārānulomabhūte mahāpadese .
Vinayaṃ na jānātīti ettha vinayapiṭakassa gahetabbattā vuttaṃ ‘‘ ṭhapetvā vinayapiṭakan ’’ ti .
Suttantike cattāro mahāpadeseti ( dī . ni .2.187 ādayo ; a . ni .4.180) buddhāpadesasaṅghāpadesasambahulattherāpadesaekattherā
M0.618 padesavasena cattāro mahāpadese .
Suttantike cattāro mahāpadeseti suttābhidhammapiṭakesu anuññātapaṭikkhittasuttānulomavasena nayato gahetabbe cattāro atthe .Etthāti pañcake .
Yan ti vacanaṃ .
Tasmāti yasmā mahāaṭṭhakathāyaṃ vuttanayena ubhatovibhaṅgā asaṅgahitā , tasmā .
Yaṃ kurundiyaṃ vuttaṃ , taṃ gahetabbanti sambandho .
Yasmā mahāaṭṭhakathāyaṃ vuttanayeneva ubhatovibhaṅgā asaṅgahitā , tasmā yaṃ kurundiyaṃ vuttaṃ , taṃ gahetabbanti sambandho .
Sabbatthāti sabbesu pañcakesu .
Iti
Anissitavagga-nappaṭippassambhanavagga-vohāravaggavaṇṇanāya
Yojanā samattā .