Chedanakādivaṇṇanā
Chedanakādivaṇṇanā
337. Kati
M0.590 chedanakānītiādipucchānaṃ anusandhipucchābhāvaṃ dassento āha ‘‘ yasmā panā ’’ tiādi .
Pucchā hi anusandhiananusandhivasena duvidhā .
Tattha vissajjanena anusandhivasena pucchā anusandhipucchā nāma , vissajjanamanapekkhitvā yathākāmapucchā ananusandhipucchā nāma .
Tāsaṃ vitthāro nettiaṭṭhakathādīsu gahetabbo .
Idhāpi ‘‘ ekādasa yāvatatiyakā ’’ ti vissajjanena anusandhānattā anusandhipucchā nāma .
Yasmā pana vissajjitoti sambandho .
Saṅkhāvasenāti ekādasā ’’ ti saṅkhāya sattiyā , āyattena vā .
Saṅkhānusandhivasenevāti ‘‘ katī ’’ ti saṅkhāya anusandhivasena eva .
337. Pamāṇātikkantamañcanisīdanakaṇḍupaṭicchādivassikasāṭikāsugatacīvarappamāṇaṃ bhikkhunīnaṃ udakasāṭikāti cha chedanakāni .
337.‘‘ Ye ca yāvatatiyakā ’’ ti pañhassa ‘‘ ime kho yāvatatiyakā ’’ ti vissajjanaṃ vatvā tadanantaraṃ ‘‘ sādhāraṇaṃ asādhāraṇan ’’ tiādipañhānaṃ vissajjane vattabbe yasmā taṃ avatvā ‘‘ kati chedanakānī ’’ tiādike aṭṭha pañhe antarā vissajjetvā tesaṃ anantarā ‘‘ vīsaṃ dve satāni bhikkhūnaṃ … pe … chacattārīsā bhikkhūnaṃ , bhikkhunīhi asādhāraṇā ’’ tiādinā ukkameneva sādhāraṇādipañhā vissajjitā , tasmā taṃ ukkamavissajjanakāraṇaṃ dassetuṃ ‘‘ yasmā pana ye ca yāvatatiyakāti ayaṃ pañho ’’ tiādimāha .Tesan ti pañhānaṃ .
Tatthāti ‘‘ cha chedanakānī ’’ tiādipāṭhe .
Cīvaravippavāsasammutiādayo catasso sammutiyo .
‘‘ Ayaṃ tattha sāmīcī ’’ ti evaṃ āgatā satta sāmīciyo .
Idamevāti idaṃ eva vacanaṃ .
Apubban ti pubbe na vuttaṃ , aporāṇaṃ navanti attho .
Yaṃ panetan ti yaṃ pana etaṃ vacanaṃ .
‘‘ Soḷasā ’’ ti iminā sodasāti ettha dakārassa ḷakāraṃ katvā ‘‘ soḷasā ’’ ti pāṭhopi yujjatīti dasseti .
Jānanti paññattāti ettha ‘‘ evaṃ vatvā ’’ ti pāṭhasesaṃ ajjhāharitvā yojetabbabhāvaṃ dassento āha ‘‘ jānan ’’ ti
V2.219 evaṃ vatvā paññattā ’’ ti .
Teti ‘‘ jānan ’’ ti paññattā sikkhāpadāti attho .
Evan ti vakkhamānanayena .Paviseyyātīti ettha iti saddo parisamānattho .
Iti veditabboti yojanā .