Nappaṭippassambhanavaggavaṇṇanā
420. Ayan ti
V2.241 kammakato bhikkhu , na vattatīti sambandho .
Anulomavatteti katakammassa anulome vatte .
Assāti bhikkhussa .
420-421.
Omaddakārakoti omadditvā abhibhavitvā kārako .
Upatthambho na dātabboti sāmaggivināsāya anubalaṃ na dātabbaṃ .
Diṭṭhāvikammampi katvāti ‘‘ na metaṃ khamatī ’’ ti diṭṭhiṃ āvi katvāpi .
Vohāravaggavaṇṇanā
420. Omaddakārakoti omadditvā abhibhavitvā kārako .Sarajjukoti saha kammasaṅkhātāya rajjuyāti sarajjuko .
421. Samaggehi bhikkhūhīti sambandho .
Hīti saccaṃ .
Accayaṃ desāpetvāti aññamaññaṃ dosaṃ desāpetvā .
Tiṇavatthārakasamathaṃ vāti vā saddo atthantaravikappo .
420-421.
Omaddakārakoti omadditvā abhibhavitvā kārako .
Upatthambho na dātabboti sāmaggivināsāya anubalaṃ na dātabbaṃ .
421. Samaggehi
M2.306V2.289 karaṇīyānīti vivādādhikaraṇehi pubbe asamaggā hutvā pacchā sāmaggiṃ upagatehi kattabbāni .
Kiṃ pana asaññatamissaparisāya saddhiṃ lajjino sāmaggiṃ karontīti āha ‘‘ uposathapavāraṇādīsu hī ’’ tiādi .
Tattha ṭhitāsūti uposathapavāraṇāsu appavattīsu .
Upatthambho na dātabboti uparūpari appavattanatthāya mayampi uposathaṃ na karissāmātiādinā kalahassa upatthambho na dātabbo , dhammena vinayena sāmaggiṃ katvā samaggeheva asaññatā bhikkhū vinetabbāti adhippāyo .
Tenāha ‘‘ sace saṅgho accayaṃ desāpetvā ’’ tiādi .Tatra ceti ettha ta saddo kammavisayo , ce saddo sacepariyāyoti āha ‘‘ sace tādise kamme ’’ ti .
Diṭṭhāvikammampi katvāti diṭṭhāvikammaṃ katvāpīti yojanā .
Pi saddena akatvāpīti sampiṇḍeti .
Diṭṭhāvikammampi katvāti ‘‘ na metaṃ khamatī ’’ ti diṭṭhiṃ āvi katvāpi .
Bhikkhuno nakkhamatīti kesuci puggalesu appamattakadosadassanena na ruccati .
Diṭṭhāvikammampi katvāti ‘‘ na metaṃ khamatī ’’ ti sabhāgassa bhikkhuno attano diṭṭhiṃ āvikatvā .
Upetabbāti sāsanahāniyā abhāvā sāmaggiṃ akopetvā kāyasāmaggī dātabbā , īdise ṭhāne alajjiparibhogo āpattikaro na hoti , vaṭṭatiyeva .
Ye pana sāsanavināsāya paṭipannā , tehi saha na vattati , āpatti eva hoti sāsanavināso ca .
Tenāha ‘‘ yatra pana uddhamman ’’ tiādi .
‘‘ Diṭṭhāvikammaṃ na vaṭṭatī ’’ ti iminā diṭṭhiyā āvikatāyapi āpattiṃ dasseti .
Yatra panāti kamme pana .
Tatthāti kamme .
Pakkamitabban ti saṅgāmāvacarena pakkamitabbaṃ .