Ekuttarikanayo sattakavāravaṇṇanā
Sattakavāravaṇṇanā
327. Sattakesu chasu sāmīcīsu pakkhipitvāti sambandho .
327. Sattakesu
M3.476 chakke vuttāniyeva sattakavasena yojetabbānīti chakke vuttacuddasaparamāni dvidhā katvā dvinnaṃ sattakānaṃ vasena yojetabbāni .
327. ChakkeM0.561 vuttāniyeva sattakavasena yojetabbānīti chakke vuttacuddasaparamāni sattakavasena yojetabbāni .Tatthevāti samathakkhandhake eva .
Āpattiṃ jānātīti āpattiṃyeva ‘‘ āpattī ’’ ti jānāti .
Sesapadesupi eseva nayo .
Sattame aruṇuggamane nissaggiyan ti ‘‘ chārattaparamaṃ tena bhikkhunā tena cīvarena vippavasitabbaṃ , tato ce uttari vippavaseyyā ’’ ti evaṃ vuttaṃ nissaggiyaṃ hoti .
Ābhicetasikānan ti
V3.436 ettha ( ma . ni . aṭṭha .1.66) abhicetoti pākatikakāmāvacaracittehi sundaratāya paṭipakkhato visuddhattā ca abhikkantaṃ visuddhacittaṃ vuccati , upacārajjhānacittassetaṃ adhivacanaṃ .
Abhicetasi jātāni ābhicetasikāni , abhicetosannissitānīti vā ābhicetasikāni .
Diṭṭhadhammasukhavihārānan ti diṭṭhadhamme sukhavihārānaṃ .
Diṭṭhadhammoti paccakkho attabhāvo vuccati , tattha sukhavihārabhūtānanti attho .
Rūpāvacarajjhānānametaṃ adhivacanaṃ .
Tāni hi appetvā nisinnā jhāyino imasmiññeva attabhāve asaṃkiliṭṭhaṃ nekkhammasukhaṃ vindanti , tasmā ‘‘ diṭṭhadhammasukhavihārānī ’’ ti vuccanti .
Nikāmalābhīti nikāmena lābhī , attano icchāvasena lābhī , icchiticchitakkhaṇe samāpajjituṃ samatthoti vuttaṃ hoti .
Akicchalābhīti sukheneva paccanīkadhamme vikkhambhetvā samāpajjituṃ samatthoti vuttaṃ hoti .
Akasiralābhīti akasirānaṃ lābhī vipulānaṃ , yathāparicchedeneva vuṭṭhātuṃ samatthoti vuttaṃ hoti .
Ekacco hi lābhīyeva hoti , na pana sakkoti icchiticchitakkhaṇe samāpajjituṃ .
Ekacco sakkoti tathā samāpajjituṃ , pāripanthike pana kicchena vikkhambheti .
Ekacco tathā ca samāpajjati , pāripanthike ca akiccheneva vikkhambheti , na sakkoti kālamānanāḷikayantaṃ viya yathāparicchedeyeva vuṭṭhātuṃ .
Āsavānaṃ khayāti arahattamaggena sabbakilesānaṃ khayā .
Anāsavan ti āsavavirahitaṃ .
Cetovimuttiṃ paññāvimuttin ti ettha ceto -vacanena arahattaphalasampayutto samādhi , paññā -vacanena taṃsampayuttā ca paññā vuttā .
Tattha ca samādhi rāgato vimuttattā cetovimutti , paññā avijjāya vimuttattā paññāvimuttīti veditabbā .
Vuttañhetaṃ bhagavatā ‘‘ yo hissa , bhikkhave , samādhi , tadassa samādhindriyaṃ ( saṃ . ni .5.520).
Yā hissa , bhikkhave , paññā , tadassa paññindriyaṃM3.477 ( saṃ . ni .5.516).
Iti kho , bhikkhave , rāgavirāgā cetovimutti avijjāvirāgā paññāvimuttī ’’ ti ( a . ni .2.32).
Apicettha samathaphalaṃ cetovimutti , vipassanāphalaṃ paññāvimuttīti veditabbāti .
Diṭṭheva dhammeti imasmiṃyeva attabhāve .
Sayaṃ abhiññā sacchikatvāti attanāyeva paññāya paccakkhaṃ katvā , aparappaccayena ñatvāti attho .
Sutamayañāṇādinā viya parappaccayataṃ nayaggāhañca muñcitvā paratoghosānugatabhāvanādhigamabhūtāya attanoyeva paññāya paccakkhaṃ katvā , na sayambhūñāṇabhūtāyāti adhippāyo .
Upasampajja viharatīti pāpuṇitvā sampādetvā viharati . 327. Chakke
M0.561 vuttāniyeva sattakavasena yojetabbānīti chakke vuttacuddasaparamāni sattakavasena yojetabbāni .Campeyyaketi campeyyakkhandhake .
Campeyyakkhandhake sugatacīvarabhāṇavārassa parato ‘‘ idha pana , bhikkhave , bhikkhussa na hoti āpatti daṭṭhabbā , tamenaṃ codeti saṅgho vā sambahulā vā ekapuggalo vā ’’ tiādinā nayena vuttasattakāti .
Campeyyakkhandhake sugatacīvarabhāṇavārassa parato ‘‘ idha pana , bhikkhave , bhikkhussa na hoti āpatti daṭṭhabbā , tamenaṃ codeti saṅgho vā sambahulā vā ekapuggalo vā ’’ tiādinā nayena vuttasattakāti .
‘‘ Asaddhammā ’’ ti padassa bhedanissitatulyanissitasamāsaṃ dassento āha ‘‘ asataṃ dhammā ’’ tiādi .
Tattha ‘‘ asataṃ dhammā ’’ ti iminā bhedanissitasamāsaṃ dasseti ,‘‘ asanto vā dhammā ’’ ti iminā tulyanissitasamāsaṃ dasseti .
Sabbatthāti sabbesu sattakesu .
Sesaṃ suviññeyyameva .
Iti sattakavāravaṇṇanāya yojanā samattā .
Sattakavāravaṇṇanā niṭṭhitā .