Musāvādavaggavaṇṇanā
444. Dhammapadhānaṃ dhammādhiṭṭhānaṃ sandhāya ‘‘ pārājikaṃ gacchatīti pārājikagāmī ’’ ti suddhakattuvasena vuttaṃ , puggalapadhānaṃ puggalādhiṭṭhānaṃ sandhāya ‘‘ pārājikaṃ gacchati anena , gamāpetīti vā pārājikagāmī ’’ ti karaṇahetukattuvasenapi vattabbaṃ .
Vitthāraṃ dassanto āha ‘‘ tatthā ’’ tiādi
V2.245 .
Tattha tatthāti ‘‘ musāvādo pārājikagāmī ’’ tiādipāṭhe , evaṃ vitthāro veditabboti sambandho .
Tesu ‘‘ musāvādo pārājikagāmī ’’ tiādīsu vā , niddhāraṇe bhummaṃ .
444. Pariyāyena jānantassa vuttamusāvādoti yassa kassaci jānantassa pariyāyena vuttamusāvādoti attho .
444. Pariyāyena jānantassāti yassa kassaci jānantassa pariyāyena vuttamusāvādoti attho .Adassanenāti ettha kassa adassanenāti āha ‘‘ vinayadharassā ’’ ti .
Vitthāraṃ dassento āha ‘‘ kappiyākappiyesu hī ’’ tiādi .
Tan ti vinayadharaṃ .
444. Adassanenāti imassa akappiyaṃ parivajjentānaṃ vinayadharānaṃ paṭipattiyā adassanena
V2.291 , tesaṃ diṭṭhānugatiṃ anāpajjanenātipi attho gahetabbo .Assavanenāti ettha kesaṃ vacanaṃ assavanenāti āha ‘‘ ekavihārepī ’’ tiādi .
Ekavihārepīti vinayadharena ekavihārepi .
Pisaddena nānāvihāre pana pagevāti dasseti .
Upaṭṭhānan ti
M0.620 upaṭṭhānatthaṃ , upaṭṭhānaṭṭhānaṃ vā .
Vuccamānaṃ aññesaṃ vacanaṃ asuṇanto hutvā vāti yojanā .
Pucchitvā vā aññesaṃ vā vuccamānaṃ asuṇanto āpajjatīti ettha pucchitvā asuṇanto vā pucchiyamānaṃ asuṇanto vāti paccekaṃ yojetabbaṃ .Pasuttakatāti ettha yakāralopoti āha ‘‘ pasuttakatāyā ’’ ti .
Pasuttakabhāvenapīti pisaddo aññampi adassanādikāraṇaṃ sampiṇḍeti .
Tathāsaññīti ettha tathāsaddo kovisayoti āha ‘‘ akappiye … pe … āpajjanto ’’ ti .
Akappiye kappiyasaañatāyāti rajatādiakappiye tipuādisaññitāya
M2.308 .Ekarattātikkamādivasenāti ādisaddena chārattātikkamādiṃ saṅgaṇhāti .
Ekarattātikkamādivasenāti adhiṭṭhitacīvarena vippavasitvā ekarattātikkamena pācittiyaṃ āpajjati .
Ādi -saddena charattātikkamādīnaṃ saṅgaho .
Sabbatthāti musāvādavagge .
Iti musāvādavaggavaṇṇanāya yojanā samattā .