2. Nakhasikhasuttavaṇṇanā
224. Dutiye manussesu paccājāyantīti ye manussalokato cutā manussesu jāyanti , te evaṃ appakāti adhippāyo .
Aññatra manussehīti ye pana manussalokato cutā ṭhapetvā manussalokaṃ catūsu apāyesu paccājāyanti , te mahāpathaviyaṃ paṃsu viya bahutarā .
Imasmiñca sutte devāpi manusseheva saṅgahitā .
Tasmā yathā manussesu jāyantā appakā , evaṃ devesupīti veditabbā .
Dutiyaṃ .