3. Tiṃsamattasuttavaṇṇanā
136. Tatiye pāveyyakāti pāveyyadesavāsino .
Sabbe āraññikātiādīsu dhutaṅgasamādānavasena tesaṃ āraññikādibhāvo veditabbo .
Sabbe sasaṃyojanāti sabbe sabandhanā , keci sotāpannā , keci sakadāgāmino , keci anāgāmino .
Tesu hi puthujjano vā khīṇāsavo vā natthi .
Gunnan tiādīsu setakāḷādivaṇṇesu ekekavaṇṇakālova gahetabbo .
Pāripanthakāti paripanthe tiṭṭhanakā panthaghātacorā .
Pāradārikāti paradāracārittaṃ āpajjanakā .
Tatiyaṃ .