5. Mīḷhakasuttavaṇṇanā
161. Pañcame mīḷhakāti gūthapāṇakā .
Gūthādīti gūthabhakkhā .
Gūthapūrāti anto gūthena bharitā .
Puṇṇā gūthassāti idaṃ purimasseva atthadīpanaṃ .
Atimaññeyyāti pacchimapāde bhūmiyaṃ ṭhapetvā purimapāde gūthassa upari āropetvā ṭhitā ‘‘ ahamhi gūthādī ’’ ti bhaṇantī atimaññeyya .
Piṇḍapāto cassa pūroti aparopissa pattapūro paṇītapiṇḍapāto bhaveyya .
Pañcamaṃ .