8. Akkosakasuttaṃ
88.‘‘ Yo
T5.181M3.393 so , bhikkhave , bhikkhu akkosakaparibhāsako ariyūpavādī sabrahmacārīnaṃ ṭhānametaṃ avakāso [ aṭṭhānametaṃ anavakāso ( sī . syā . pī .)] yaṃ so dasannaṃ byasanānaṃ aññataraṃ byasanaṃ nigaccheyya [ na nigaccheyya ( sī . syā . pī .)].Katamesaṃ dasannaṃ ?
Anadhigataṃ nādhigacchati , adhigatā parihāyati , saddhammassa na vodāyanti , saddhammesu vā adhimāniko hoti anabhirato vā brahmacariyaṃ carati , aññataraṃ vā saṃkiliṭṭhaṃ āpattiṃ āpajjati , gāḷhaṃ vā rogātaṅkaṃ phusati , ummādaṃ vā pāpuṇāti cittakkhepaṃ , sammūḷho kālaṃ karoti , kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati .
Yo so , bhikkhave , bhikkhu akkosakaparibhāsako ariyūpavādī sabrahmacārīnaṃ , ṭhānametaṃ avakāso yaṃ so imesaṃ dasannaṃ byasanānaṃ aññataraṃ byasanaṃ nigaccheyyā ’’ ti .
Aṭṭhamaṃ .