6. Adhimānasuttaṃ
86. Ekaṃ
V3.137 samayaṃ āyasmā mahākassapo rājagahe viharati veḷuvane kalandakanivāpe .Tatra kho āyasmā mahākassapo
P5.162 bhikkhū āmantesi –‘‘ āvuso bhikkhave ’’ ti .
‘‘ Āvuso ’’ ti kho te bhikkhū āyasmato mahākassapassa paccassosuṃ .
Āyasmā mahākassapo etadavoca –
‘‘ Idhāvuso , bhikkhu aññaṃ
T5.173 byākaroti –‘ khīṇā jāti , vusitaṃ brahmacariyaṃ , kataṃ karaṇīyaṃ , nāparaṃ itthattāyāti pajānāmī ’ ti .
Tamenaṃ tathāgato vā tathāgatasāvako vā jhāyī samāpattikusalo paracittakusalo paracittapariyāyakusalo samanuyuñjati samanuggāhati samanubhāsati .
So tathāgatena vā tathāgatasāvakena vā jhāyinā samāpattikusalena paracittakusalena paracittapariyāyakusalena samanuyuñjiyamāno samanuggāhiyamāno samanubhāsiyamāno irīṇaṃ āpajjati vicinaṃ āpajjati anayaṃ āpajjati byasanaṃ āpajjati anayabyasanaṃ āpajjati .
‘‘ Tamenaṃ tathāgato vā tathāgatasāvako vā jhāyī samāpattikusalo paracittakusalo paracittapariyāyakusalo evaṃ cetasā ceto paricca manasi karoti –
‘ kiṃ nu kho ayamāyasmā aññaṃ byākaroti – khīṇā jāti , vusitaṃ brahmacariyaṃ , kataṃ karaṇīyaṃ , nāparaṃ itthattāyāti pajānāmī ’ ti .
‘‘ Tamenaṃ
M3.387 tathāgato vā tathāgatasāvako vā jhāyī samāpattikusalo paracittakusalo paracittapariyāyakusalo evaṃ cetasā ceto paricca pajānāti –‘ Adhimāniko kho ayamāyasmā adhimānasacco , appatte pattasaññī , akate katasaññī , anadhigate adhigatasaññī .
Adhimānena aññaṃ byākaroti – khīṇā jāti , vusitaṃ brahmacariyaṃ , kataṃ karaṇīyaṃ , nāparaṃ itthattāyāti pajānāmī ’ ti .
‘‘ Tamenaṃ tathāgato vā tathāgatasāvako vā jhāyī samāpattikusalo paracittakusalo paracittapariyāyakusalo
V3.138 evaṃ cetasā ceto paricca manasi karoti –‘ kiṃ nu kho ayamāyasmā nissāya adhimāniko adhimānasacco , appatte pattasaññī , akate katasaññī , anadhigate adhigatasaññī .
Adhimānena
T5.174 aññaṃ byākaroti – khīṇā jātiP5.163 , vusitaṃ brahmacariyaṃ , kataṃ karaṇīyaṃ , nāparaṃ itthattāyāti pajānāmī ’ ti .‘‘ Tamenaṃ tathāgato vā tathāgatasāvako vā jhāyī samāpattikusalo paracittakusalo paracittapariyāyakusalo evaṃ cetasā ceto paricca pajānāti –
‘ Bahussuto kho pana ayamāyasmā sutadharo sutasannicayo , ye te dhammā ādikalyāṇā majjhekalyāṇā pariyosānakalyāṇā sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ abhivadanti , tathārūpāssa dhammā bahussutā honti dhātā vacasā paricitā manasānupekkhitā diṭṭhiyā suppaṭividdhā .
Tasmā ayamāyasmā adhimāniko adhimānasacco , appatte pattasaññī , akate katasaññī , anadhigate adhigatasaññī .
Adhimānena aññaṃ byākaroti – khīṇā jāti , vusitaṃ brahmacariyaṃ , kataṃ karaṇīyaṃ , nāparaṃ itthattāyāti pajānāmī ’ ti .
‘‘ Tamenaṃ tathāgato vā tathāgatasāvako vā jhāyī samāpattikusalo paracittakusalo paracittapariyāyakusalo evaṃ cetasā ceto paricca pajānāti –
‘ Abhijjhālu kho pana ayamāyasmā ;
abhijjhāpariyuṭṭhitena cetasā bahulaṃ viharati .
Abhijjhāpariyuṭṭhānaṃ kho pana tathāgatappavedite dhammavinaye parihānametaṃ .
‘ Byāpanno
M3.388 kho pana ayamāyasmā ;byāpādapariyuṭṭhitena cetasā bahulaṃ viharati .
Byāpādapariyuṭṭhānaṃ kho pana tathāgatappavedite dhammavinaye parihānametaṃ .
‘ Thinamiddho kho pana ayamāyasmā ;
thinamiddhapariyuṭṭhitena cetasā bahulaṃ viharati .
Thinamiddhapariyuṭṭhānaṃ kho pana tathāgatappavedite dhammavinaye parihānametaṃ .
‘ Uddhato
V3.139 kho pana ayamāyasmā ;uddhaccapariyuṭṭhitena
T5.175 cetasā bahulaṃ viharati .Uddhaccapariyuṭṭhānaṃ kho pana tathāgatappavedite dhammavinaye parihānametaṃ .
‘ Vicikiccho kho pana ayamāyasmā ;
vicikicchāpariyuṭṭhitena cetasā bahulaṃ viharati .
Vicikicchāpariyuṭṭhānaṃ kho pana tathāgatappavedite dhammavinaye parihānametaṃ .
‘ Kammārāmo kho pana ayamāyasmā kammarato kammārāmataṃ anuyutto .
Kammārāmatā
P5.164 kho pana tathāgatappavedite dhammavinaye parihānametaṃ .‘ Bhassārāmo kho pana ayamāyasmā bhassarato bhassārāmataṃ anuyutto .
Bhassārāmatā kho pana tathāgatappavedite dhammavinaye parihānametaṃ .
‘ Niddārāmo kho pana ayamāyasmā niddārato niddārāmataṃ anuyutto .
Niddārāmatā kho pana tathāgatappavedite dhammavinaye parihānametaṃ .
‘ Saṅgaṇikārāmo kho pana ayamāyasmā saṅgaṇikarato saṅgaṇikārāmataṃ anuyutto .
Saṅgaṇikārāmatā kho pana tathāgatappavedite dhammavinaye parihānametaṃ .
‘ Sati kho pana ayamāyasmā uttari karaṇīye oramattakena visesādhigamena antarā vosānaṃ āpanno .
Antarā vosānagamanaṃ kho pana tathāgatappavedite dhammavinaye parihānametaṃ ’.
‘‘ So vatāvuso , bhikkhu ‘ ime dasa dhamme appahāya imasmiṃ dhammavinaye vuddhiṃ virūḷhiṃ vepullaṃ āpajjissatī ’ ti netaṃ ṭhānaṃ vijjati .
So vatāvuso , bhikkhu
M3.389 ‘ ime dasa dhamme pahāya imasmiṃ dhammavinaye vuddhiṃ virūḷhiṃ vepullaṃ āpajjissatī ’ ti ṭhānametaṃ vijjatī ’’ ti .Chaṭṭhaṃ .