(13)3. Parisuddhavaggo
1. Paṭhamasuttaṃ
123.‘‘ Dasayime
V3.205 , bhikkhave , dhammā parisuddhā pariyodātā , nāññatra sugatavinayā .Katame dasa ?
Sammādiṭṭhi , sammāsaṅkappo , sammāvācā , sammākammanto , sammāājīvo , sammāvāyāmo , sammāsati , sammāsamādhi , sammāñāṇaṃ , sammāvimutti – ime kho , bhikkhave , dasa dhammā parisuddhā pariyodātā , nāññatra sugatavinayā ’’ ti .
Paṭhamaṃ .
2. Dutiyasuttaṃ
124.‘‘ Dasayime , bhikkhave , dhammā anuppannā uppajjanti , nāññatra sugatavinayā .
Katame dasa ?
Sammādiṭṭhi
P5.238 … pe … sammāvimutti – ime kho , bhikkhave , dasa dhammā anuppannā uppajjanti , nāññatra sugatavinayā ’’ ti .Dutiyaṃ .
3. Tatiyasuttaṃ
125.‘‘ Dasayime
M3.451 , bhikkhave , dhammā mahapphalā mahānisaṃsā , nāññatra sugatavinayā .Katame dasa ?
Sammādiṭṭhi … pe … sammāvimutti – ime kho
T5.256 , bhikkhave , dasa dhammā mahapphalā mahānisaṃsā , nāññatra sugatavinayā ’’ ti .Tatiyaṃ .
4. Catutthasuttaṃ
126.‘‘ Dasayime , bhikkhave , dhammā rāgavinayapariyosānā honti dosavinayapariyosānā honti mohavinayapariyosānā honti , nāññatra sugatavinayā .
Katame dasa ?
Sammādiṭṭhi … pe … sammāvimutti – ime kho , bhikkhave , dasa dhammā rāgavinayapariyosānā
V3.206 honti dosavinayapariyosānā honti mohavinayapariyosānā honti , nāññatra sugatavinayā ’’ ti .Catutthaṃ .
5. Pañcamasuttaṃ
127.‘‘ Dasayime , bhikkhave , dhammā ekantanibbidāya virāgāya nirodhāya upasamāya abhiññāya sambodhāya nibbānāya saṃvattanti , nāññatra sugatavinayā .
Katame dasa ?
Sammādiṭṭhi … pe … sammāvimutti – ime kho , bhikkhave , dasa dhammā ekantanibbidāya virāgāya nirodhāya upasamāya abhiññāya sambodhāya nibbānāya saṃvattanti , nāññatra sugatavinayā ’’ ti .
Pañcamaṃ .
6. Chaṭṭhasuttaṃ
128.‘‘ Dasayime , bhikkhave , dhammā bhāvitā bahulīkatā anuppannā uppajjanti , nāññatra sugatavinayā .
Katame dasa ?
Sammādiṭṭhi
P5.239 … pe … sammāvimutti – ime kho , bhikkhave , dasa dhammā bhāvitā bahulīkatā anuppannā uppajjanti , nāññatra sugatavinayā ’’ ti .Chaṭṭhaṃ .
7. Sattamasuttaṃ
129.‘‘ Dasayime , bhikkhave , dhammā bhāvitā bahulīkatā mahapphalā honti mahānisaṃsā , nāññatra sugatavinayā .
Katame dasa ?
Sammādiṭṭhi … pe … sammāvimutti – ime kho , bhikkhave , dasa dhammā bhāvitā bahulīkatā mahapphalā honti mahānisaṃsā , nāññatra sugatavinayā ’’ ti .
Sattamaṃ .
8. Aṭṭhamasuttaṃ
130.‘‘ Dasayime
T5.257M3.452 , bhikkhave , dhammā bhāvitā bahulīkatā rāgavinayapariyosānā honti dosavinayapariyosānā honti mohavinayapariyosānā honti , nāññatra sugatavinayā .Katame dasa ?
Sammādiṭṭhi … pe … sammāvimutti – ime kho , bhikkhave , dasa dhammā bhāvitā bahulīkatā
V3.207 rāgavinayapariyosānā honti dosavinayapariyosānā honti mohavinayapariyosānā honti , nāññatra sugatavinayā ’’ ti .Aṭṭhamaṃ .
9. Navamasuttaṃ
131.‘‘ Dasayime , bhikkhave , dhammā bhāvitā bahulīkatā ekantanibbidāya virāgāya nirodhāya upasamāya abhiññāya sambodhāya nibbānāya saṃvattanti , nāññatra sugatavinayā .
Katame dasa ?
Sammādiṭṭhi … pe … sammāvimutti – ime kho , bhikkhave , dasa dhammā bhāvitā bahulīkatā ekantanibbidāya virāgāya nirodhāya upasamāya abhiññāya sambodhāya nibbānāya saṃvattanti , nāññatra sugatavinayā ’’ ti .
Navamaṃ .
10. Dasamasuttaṃ
132.‘‘ Dasayime
P5.240 , bhikkhave , micchattā .Katame dasa ?
Micchādiṭṭhi , micchāsaṅkappo , micchāvācā , micchākammanto , micchāājīvo , micchāvāyāmo , micchāsati , micchāsamādhi , micchāñāṇaṃ , micchāvimutti – ime kho , bhikkhave , dasa micchattā ’’ ti .
Dasamaṃ .
11. Ekādasamasuttaṃ
133.‘‘ Dasayime , bhikkhave , sammattā .
Katame dasa ?
Sammādiṭṭhi , sammāsaṅkappo , sammāvācā , sammākammanto , sammāājīvo , sammāvāyāmo , sammāsati , sammāsamādhi , sammāñāṇaṃ , sammāvimutti – ime kho
T5.258 , bhikkhave , dasa sammattā ’’ ti .Ekādasamaṃ .
Parisuddhavaggo tatiyo .