(20)5. Aparapuggalavaggo
Nasevitabbādisuttāni
199.‘‘ Dasahi
V3.250 , bhikkhave , dhammehi samannāgato puggalo na sevitabbo .Katamehi dasahi ?
Pāṇātipātī hoti , adinnādāyī hoti , kāmesumicchācārī hoti , musāvādī hoti , pisuṇavāco hoti , pharusavāco
T5.303 hoti , samphappalāpī hoti , abhijjhālu hoti , byāpannacitto hoti , micchādiṭṭhiko hoti – imehi kho , bhikkhave , dasahi dhammehi samannāgato puggalo na sevitabbo .‘‘ Dasahi , bhikkhave , dhammehi samannāgato puggalo sevitabbo .
Katamehi dasahi ?
Pāṇātipātā paṭivirato hoti , adinnādānā paṭivirato hoti , kāmesumicchācārā paṭivirato hoti , musāvādā paṭivirato hoti , pisuṇāya vācāya paṭivirato hoti , pharusāya vācāya paṭivirato
P5.282 hoti , samphappalāpā paṭivirato hoti , anabhijjhālu hoti , abyāpannacitto hoti , sammādiṭṭhiko hoti – imehi kho , bhikkhave , dasahi dhammehi samannāgato puggalo sevitabbo ’’. 200-209.
‘‘ Dasahi , bhikkhave , dhammehi samannāgato puggalo na bhajitabbo … pe … bhajitabbo … na payirupāsitabbo … payirupāsitabbo … na pujjo hoti … pujjo hoti … na pāsaṃso hoti … pāsaṃso hoti … agāravo hoti … gāravo hoti … appatisso hoti … sappatisso hoti … na ārādhako hoti … ārādhako hoti … na visujjhati … visujjhati … mānaṃ nādhibhoti [ nābhibhoti ( sī .) a . ni .10.156-166]… mānaṃ adhibhoti … paññāya na vaḍḍhati … paññāya vaḍḍhati … pe ….
210.‘‘ Dasahi
M3.489 , bhikkhave , dhammehi samannāgato puggalo bahuṃ apuññaṃ pasavati … bahuṃ puññaṃ pasavati .Katamehi dasahi ?
Pāṇātipātā paṭivirato hoti , adinnādānā paṭivirato hoti
V3.251 , kāmesumicchācārā paṭivirato hoti , musāvādā paṭivirato hoti , pisuṇāya vācāya paṭivirato hoti , pharusāya vācāya paṭivirato hoti , samphappalāpā paṭivirato hoti , anabhijjhālu hotiT5.304 , abyāpannacitto hoti , sammādiṭṭhiko hoti – imehi kho , bhikkhave , dasahi dhammehi samannāgato puggalo bahuṃ puññaṃ pasavatī ’’ ti .Aparapuggalavaggo pañcamo .
Catutthapaṇṇāsakaṃ samattaṃ .