4. Aveccappasannasuttaṃ
64.‘‘ Ye keci , bhikkhave , mayi aveccappasannā , sabbe te sotāpannā .
Tesaṃ sotāpannānaṃ pañcannaṃ idha niṭṭhā , pañcannaṃ idha vihāya niṭṭhā .
Katamesaṃ pañcannaṃ idha niṭṭhā ?
Sattakkhattuparamassa , kolaṃkolassa , ekabījissa , sakadāgāmissa , yo ca diṭṭheva dhamme arahā
V3.100 – imesaṃ pañcannaṃ idha niṭṭhā .Katamesaṃ pañcannaṃ idha vihāya niṭṭhā ?
Antarāparinibbāyissa , upahaccaparinibbāyissa , asaṅkhāraparinibbāyissa , sasaṅkhāraparinibbāyissa , uddhaṃsotassa akaniṭṭhagāmino – imesaṃ pañcannaṃ idha vihāya niṭṭhā .
Ye keci , bhikkhave
T5.129 , mayi aveccappasannā sabbe te sotāpannā .Tesaṃ
M3.352 sotāpannānaṃ imesaṃ pañcannaṃ idha niṭṭhā , imesaṃ pañcannaṃ idha vihāya niṭṭhā ’’ ti .Catutthaṃ .