9. Vamanasuttaṃ
109.‘‘ Tikicchakā
V3.187 , bhikkhave , vamanaṃ denti pittasamuṭṭhānānampi ābādhānaṃT5.235 paṭighātāya , semhasamuṭṭhānānampi ābādhānaṃ paṭighātāya , vātasamuṭṭhānānampi ābādhānaṃ paṭighātāya .Atthetaṃ , bhikkhave , vamanaṃ ;
‘ netaṃ natthī ’ ti vadāmi .
Tañca kho etaṃ , bhikkhave , vamanaṃ sampajjatipi vipajjatipi .
‘‘ Ahañca kho , bhikkhave , ariyaṃ vamanaṃ desessāmi , yaṃ vamanaṃ sampajjatiyeva no vipajjati , yaṃ vamanaṃ āgamma jātidhammā sattā jātiyā parimuccanti , jarādhammā sattā jarāya parimuccanti , maraṇadhammā sattā maraṇena parimuccanti , sokaparidevadukkhadomanassupāyāsadhammā sattā sokaparidevadukkhadomanassupāyāsehi parimuccanti .
Taṃ suṇātha … pe ….
‘‘ Katamañca taṃ , bhikkhave , ariyaṃ vamanaṃ , yaṃ vamanaṃ sampajjatiyeva no vipajjati , yaṃ vamanaṃ āgamma jātidhammā sattā jātiyā parimuccanti … pe … sokaparidevadukkhadomanassupāyāsadhammā
P5.220 sattā sokaparidevadukkhadomanassupāyāsehi parimuccanti ?‘‘ Sammādiṭṭhikassa
M3.435 , bhikkhave , micchādiṭṭhi vantā hoti ;ye ca micchādiṭṭhipaccayā aneke pāpakā akusalā dhammā sambhavanti te cassa vantā honti ;
sammādiṭṭhipaccayā ca aneke kusalā dhammā bhāvanāpāripūriṃ gacchanti .
‘‘ Sammāsaṅkappassa , bhikkhave , micchāsaṅkappo vanto hoti … pe … sammāvācassa , bhikkhave , micchāvācā vantā hoti … sammākammantassa , bhikkhave , micchākammanto vanto hoti … sammāājīvassa bhikkhave , micchāājīvo vanto hoti … sammāvāyāmassa , bhikkhave , micchāvāyāmo vanto hoti … sammāsatissa , bhikkhave , micchāsati vantā hoti … sammāsamādhissa , bhikkhave , micchāsamādhi vanto hoti … sammāñāṇissa , bhikkhave , micchāñāṇaṃ vantaṃ hoti
T5.236 … pe ….‘‘ Sammāvimuttissa
V3.188 , bhikkhave , micchāvimutti vantā hoti ;ye ca micchāvimuttipaccayā aneke pāpakā akusalā dhammā sambhavanti te cassa vantā honti ;
sammāvimuttipaccayā ca aneke kusalā dhammā bhāvanāpāripūriṃ gacchanti .
Idaṃ kho taṃ , bhikkhave , ariyaṃ vamanaṃ yaṃ vamanaṃ sampajjatiyeva no vipajjati , yaṃ vamanaṃ āgamma jātidhammā sattā jātiyā parimuccanti … pe … sokaparidevadukkhadomanassupāyāsehi parimuccantī ’’ ti .
Navamaṃ .