2. Pātimokkhaṭṭhapanāsuttaṃ
32.‘‘ Kati
M3.312 nu kho , bhante , pātimokkhaṭṭhapanā ’’ ti ?‘‘ Dasa kho , upāli , pātimokkhaṭṭhapanā .
Katame dasa ?
Pārājiko tassaṃ parisāyaṃ nisinno hoti
T5.75 , pārājikakathā vippakatā hoti , anupasampanno tassaṃ parisāyaṃ nisinnoP5.71 hoti , anupasampannakathā vippakatā hoti , sikkhaṃ paccakkhātako tassaṃ parisāyaṃ nisinno hoti , sikkhaṃ paccakkhātakakathā vippakatā hoti , paṇḍako tassaṃ parisāyaṃ nisinno hoti , paṇḍakakathā vippakatā hoti , bhikkhunidūsako tassaṃ parisāyaṃ nisinno hoti , bhikkhunidūsakakathā vippakatā hoti – ime kho , upāli , dasa pātimokkhaṭṭhapanā ’’ ti .Dutiyaṃ .