1. Paṭhamanirayasaggasuttaṃ
211.‘‘ Dasahi
T5.305M3.490V3.252P5.283 , bhikkhave , dhammehi samannāgato yathābhataṃ nikkhitto evaṃ niraye .Katamehi dasahi ?
Idha , bhikkhave , ekacco pāṇātipātī hoti luddo lohitapāṇi hatapahate niviṭṭho adayāpanno sabbapāṇabhūtesu [ natthettha pāṭhabhedo ].
‘‘ Adinnādāyī hoti .
Yaṃ taṃ parassa paravittūpakaraṇaṃ gāmagataṃ vā araññagataṃ vā , taṃ adinnaṃ theyyasaṅkhātaṃ ādātā hoti .
‘‘ Kāmesu micchācārī hoti .
Yā tā māturakkhitā piturakkhitā mātāpiturakkhitā bhāturakkhitā bhaginirakkhitā ñātirakkhitā gottarakkhitā dhammarakkhitā sasāmikā saparidaṇḍā antamaso mālāguḷaparikkhittāpi , tathārūpāsu cārittaṃ āpajjitā hoti .
‘‘ Musāvādī hoti .
Sabhaggato vā parisaggato vā ñātimajjhagato vā pūgamajjhagato vā rājakulamajjhagato vā abhinīto sakkhipuṭṭho –
‘ ehambho purisa , yaṃ jānāsi taṃ vadehī ’ ti , so ajānaṃ vā āha ‘ jānāmī ’ ti , jānaṃ vā āha ‘ na jānāmī ’ ti , apassaṃ vā āha ‘ passāmī ’ ti , passaṃ vā āha ‘ na passāmī ’ ti .
Iti attahetu vā parahetu vā āmisakiñcikkhahetu vā sampajānamusā bhāsitā hoti .
‘‘ Pisuṇavāco hoti – ito sutvā amutra akkhātā imesaṃ bhedāya , amutra vā sutvā imesaṃ akkhātā amūsaṃ bhedāya .
Iti samaggānaṃ vā bhettā bhinnānaṃ vā anuppadātā vaggārāmo
T5.306 vaggarato vagganandī , vaggakaraṇiṃ vācaṃ bhāsitā hoti .‘‘ Pharusavāco
V3.253 hoti – yā sā vācā aṇḍakā kakkasā parakaṭukā parābhisajjanī kodhasāmantā asamādhisaṃvattanikā , tathārūpiṃ vācaṃ bhāsitā hoti .‘‘ Samphappalāpī
M3.491 hoti akālavādī abhūtavādī anatthavādī adhammavādī avinayavādī , anidhānavatiṃ vācaṃ bhāsitā hoti akālena anapadesaṃ apariyantavatiṃ anatthasaṃhitaṃ .‘‘ Abhijjhālu
P5.284 hoti .Yaṃ taṃ parassa paravittūpakaraṇaṃ taṃ abhijjhātā hoti –
‘ aho vata yaṃ parassa taṃ mama assā ’ ti .
‘‘ Byāpannacitto hoti paduṭṭhamanasaṅkappo –
‘ ime sattā haññantu vā bajjhantu vā ucchijjantu vā vinassantu vā mā vā ahesun ’ ti .
‘‘ Micchādiṭṭhiko hoti viparītadassano –
‘ natthi dinnaṃ , natthi yiṭṭhaṃ , natthi hutaṃ , natthi sukatadukkaṭānaṃ kammānaṃ phalaṃ vipāko , natthi ayaṃ loko , natthi paro loko , natthi mātā , natthi pitā , natthi sattā opapātikā , natthi loke samaṇabrāhmaṇā sammaggatā sammāpaṭipannā ye imañca lokaṃ parañca lokaṃ sayaṃ abhiññā sacchikatvā pavedentī ’ ti .
Imehi kho , bhikkhave , dasahi dhammehi samannāgato yathābhataṃ nikkhitto evaṃ niraye .
‘‘ Dasahi , bhikkhave , dhammehi samannāgato yathābhataṃ nikkhitto evaṃ sagge .
Katamehi dasahi ?
Idha , bhikkhave , ekacco pāṇātipātaṃ pahāya pāṇātipātā paṭivirato hoti nihitadaṇḍo nihitasattho lajjī dayāpanno , sabbapāṇabhūtahitānukampī viharati .
‘‘ Adinnādānaṃ pahāya adinnādānā paṭivirato hoti .
Yaṃ taṃ parassa paravittūpakaraṇaṃ gāmagataṃ vā araññagataṃ vā , na
T5.307 taṃ adinnaṃ theyyasaṅkhātaṃ ādātā hoti .‘‘ Kāmesumicchācāraṃ pahāya kāmesumicchācārā paṭivirato hoti .
Yā tā māturakkhitā … pe … antamaso mālāguḷaparikkhittāpi , tathārūpāsu na cārittaṃ āpajjitā hoti .
‘‘ Musāvādaṃ
V3.254 pahāya musāvādā paṭivirato hoti .Sabhaggato vā parisaggato vā ñātimajjhagato vā pūgamajjhagato vā rājakulamajjhagato vā abhinīto sakkhipuṭṭho –
‘ ehambho purisa , yaṃ jānāsi taṃ vadehī ’ ti , so ajānaṃ vā āha ‘ na jānāmī ’ ti , jānaṃ vā āha ‘ jānāmī ’ ti , apassaṃ vā āha ‘ na passāmī ’ ti , passaṃ vā āha ‘ passāmī ’ ti .
Iti attahetu vā parahetu vā āmisakiñcikkhahetu vā na sampajānamusā
P5.285 bhāsitā hoti .‘‘ Pisuṇavācaṃ
M3.492 pahāya pisuṇāya vācāya paṭivirato hoti – na ito sutvā amutra akkhātā imesaṃ bhedāya , amutra vā sutvā imesaṃ akkhātā amūsaṃ bhedāya .Iti bhinnānaṃ vā sandhātā sahitānaṃ vā anuppadātā samaggārāmo samaggarato samagganandī , samaggakaraṇiṃ vācaṃ bhāsitā hoti .
‘‘ Pharusavācaṃ pahāya pharusāya vācāya paṭivirato hoti .
Yā sā vācā nelā kaṇṇasukhā pemanīyā hadayaṅgamā porī bahujanakantā bahujanamanāpā , tathārūpiṃ vācaṃ bhāsitā hoti .
‘‘ Samphappalāpaṃ pahāya samphappalāpā paṭivirato hoti kālavādī bhūtavādī , atthavādī dhammavādī vinayavādī , nidhānavatiṃ vācaṃ bhāsitā hoti kālena sāpadesaṃ pariyantavatiṃ atthasaṃhitaṃ .
‘‘ Anabhijjhālu hoti
T5.308 .Yaṃ taṃ parassa paravittūpakaraṇaṃ taṃ anabhijjhātā hoti –
‘ aho vata yaṃ parassa taṃ mama assā ’ ti .
‘‘ Abyāpannacitto hoti appaduṭṭhamanasaṅkappo –
‘ ime sattā averā hontu abyāpajjā anīghā , sukhī attānaṃ pariharantū ’ ti .
‘‘ Sammādiṭṭhiko hoti aviparītadassano –
‘ atthi dinnaṃ , atthi yiṭṭhaṃ , atthi hutaṃ , atthi sukaṭadukkaṭānaṃ kammānaṃ phalaṃ vipāko , atthi ayaṃ loko , atthi paro loko , atthi mātā , atthi pitā , atthi sattā opapātikā , atthi loke samaṇabrāhmaṇā sammaggatā sammāpaṭipannā
V3.255 ye imañca lokaṃ parañca lokaṃ sayaṃ abhiññā sacchikatvā pavedentī ’ ti .Imehi kho , bhikkhave , dasahi dhammehi samannāgato yathābhataṃ nikkhitto evaṃ sagge ’’ ti .
Paṭhamaṃ .