9. Pubbaṅgamasuttaṃ
121.‘‘ Sūriyassa , bhikkhave , udayato etaṃ pubbaṅgamaṃ etaṃ pubbanimittaṃ , yadidaṃ – aruṇuggaṃ .
Evamevaṃ kho , bhikkhave , kusalānaṃ dhammānaṃ etaṃ pubbaṅgamaṃ etaṃ pubbanimittaṃ , yadidaṃ – sammādiṭṭhi .
Sammādiṭṭhikassa , bhikkhave , sammāsaṅkappo pahoti , sammāsaṅkappassa sammāvācā pahoti , sammākammanto
M3.450 pahoti , sammākammantassa sammāājīvo pahoti , sammāājīvassa sammāvāyāmo pahoti , sammāvāyāmassa sammāsati pahoti , sammāsatissa sammāsamādhi pahotiP5.237 , sammāsamādhissa sammāñāṇaṃ pahoti , sammāñāṇissa sammāvimutti pahotī ’’ ti .Navamaṃ .