5. Parihānasuttaṃ

Author： _System_Pali_VRI_ @ Administrator

No version selected — showing the Pali original by default.

5. Parihānasuttaṃ

55. Tatra kho āyasmā sāriputto bhikkhū āmantesi –

‘‘ āvuso bhikkhave ’’ ti [ bhikkhavoti ( sī . syā .)].

‘‘ Āvuso ’’ ti kho te bhikkhū āyasmato sāriputtassa paccassosuṃ .

Āyasmā sāriputto etadavoca –

‘‘‘ Parihānadhammo puggalo , parihānadhammo puggalo ’ ti , āvuso , vuccati .

‘ Aparihānadhammo puggalo , aparihānadhammo puggalo ’ ti , āvuso , vuccati .

Kittāvatā nu kho , āvuso , parihānadhammo puggalo vutto bhagavatā , kittāvatā ca pana aparihānadhammo puggalo vuttoV3.86 bhagavatā ’’ ti ?

‘‘ Dūratopi kho mayaṃ , āvuso , āgacchāma āyasmato sāriputtassa santike etassa bhāsitassa atthamaññātuṃ .

Sādhu vatāyasmantaṃyeva sāriputtaṃ paṭibhātu etassa bhāsitassa atthoP5.103 .

Āyasmato sāriputtassa sutvā bhikkhū dhāressantī ’’ ti .

‘‘ TenahāvusoM3.338 , suṇātha , sādhukaṃ manasi karotha ;

bhāsissāmī ’’ ti .

‘‘ Evamāvuso ’’ ti kho te bhikkhū āyasmato sāriputtassa paccassosuṃ .

Āyasmā sāriputto etadavoca –

‘‘ Kittāvatā nu kho , āvuso , parihānadhammo puggalo vutto bhagavatā ?

Idhāvuso , bhikkhu assutañceva dhammaṃ na suṇāti , sutā cassa dhammā sammosaṃ gacchanti , ye cassa dhammā pubbe cetaso asamphuṭṭhapubbā te cassa na samudācaranti , aviññātañceva na vijānāti .

Ettāvatā kho , āvuso , parihānadhammo puggalo vutto bhagavatā .

‘‘ Kittāvatā ca panāvuso , aparihānadhammo puggalo vutto bhagavatā ?

Idhāvuso , bhikkhu assutañceva dhammaṃ suṇāti , sutā cassa dhammāT5.110 na sammosaṃ gacchanti , ye cassa dhammā pubbe cetaso asamphuṭṭhapubbā te cassa samudācaranti , aviññātañceva vijānāti .

Ettāvatā kho , āvuso , aparihānadhammo puggalo vutto bhagavatā .

‘‘ No ce , āvuso , bhikkhu paracittapariyāyakusalo hoti , atha ‘ sacittapariyāyakusalo bhavissāmī ’ ti – evañhi vo , āvuso , sikkhitabbaṃ .

‘‘ Kathañcāvuso , bhikkhu sacittapariyāyakusalo hoti ?

Seyyathāpi , āvuso , itthī vā puriso vā daharo yuvā maṇḍanakajātiko ādāse vā parisuddhe pariyodāte acche vā udapatte sakaṃ mukhanimittaṃ paccavekkhamāno sace tattha passati rajaṃ vā aṅgaṇaṃ vā , tasseva rajassa vā aṅgaṇassa vā pahānāya vāyamati .

No ce tattha passati rajaṃ vā aṅgaṇaṃ vā , tenevattamano hoti paripuṇṇasaṅkappoP5.104 –

‘ lābhā vata me , parisuddhaṃ vata me ’ ti .

Evameva kho , āvuso , bhikkhuno paccavekkhaṇā bahukārā hoti kusalesu dhammesu –

‘ anabhijjhālu nu kho bahulaṃ viharāmi , saṃvijjati nu kho me eso dhammo udāhu no , abyāpannacitto nu kho bahulaṃ viharāmi , saṃvijjati nu kho me eso dhammo udāhu no , vigatathinamiddho nu kho bahulaṃV3.87 viharāmi , saṃvijjati nu kho me eso dhammo udāhu no , anuddhato nu kho bahulaṃ viharāmi , saṃvijjati nu kho me eso dhammo udāhu no , tiṇṇavicikiccho nu kho bahulaṃ viharāmi , saṃvijjati nu kho me eso dhammo udāhu no , akkodhano nu kho bahulaṃ viharāmi , saṃvijjatiM3.339 nu kho me eso dhammo udāhuT5.111 no , asaṃkiliṭṭhacitto nu kho bahulaṃ viharāmi , saṃvijjati nu kho me eso dhammo udāhu no , lābhī nu khomhi ajjhattaṃ dhammapāmojjassa , saṃvijjati nu kho me eso dhammo udāhu no , lābhī nu khomhi ajjhattaṃ cetosamathassa , saṃvijjati nu kho me eso dhammo udāhu no , lābhī nu khomhi adhipaññādhammavipassanāya , saṃvijjati nu kho me eso dhammo udāhu no ’ ti .

‘‘ Sace pana , āvuso , bhikkhu paccavekkhamāno sabbepime kusale dhamme attani na samanupassati , tenāvuso , bhikkhunā sabbesaṃyeva imesaṃ kusalānaṃ dhammānaṃ paṭilābhāya adhimatto chando ca vāyāmo ca ussāho ca ussoḷhī ca appaṭivānī ca sati ca sampajaññañca karaṇīyaṃ .

Seyyathāpi , āvuso , ādittacelo vā ādittasīso vā .

Tasseva celassa vā sīsassa vā nibbāpanāya adhimattaṃ chandañca vāyāmañca ussāhañca ussoḷhiñca appaṭivāniñca satiñca sampajaññañca kareyya .

Evamevaṃ kho , āvuso , tena bhikkhunā sabbesaṃyeva kusalānaṃ dhammānaṃ paṭilābhāya adhimatto chando ca vāyāmo ca ussāho ca ussoḷhī ca appaṭivānī ca sati ca sampajaññañca karaṇīyaṃ .

‘‘ Sace panāvuso , bhikkhu paccavekkhamāno ekacce kusale dhamme attani samanupassati , ekacce kusale dhamme attaniP5.105 na samanupassati , tenāvuso , bhikkhunā ye kusale dhamme attani samanupassati tesu kusalesu dhammesu patiṭṭhāya , ye kusale dhamme attani na samanupassati tesaṃ kusalānaṃ dhammānaṃ paṭilābhāya adhimatto chando ca vāyāmo ca ussāhoT5.112 ca ussoḷhī ca appaṭivānī ca sati ca sampajaññañca karaṇīyaṃ .

Seyyathāpi , āvuso , ādittacelo vā ādittasīso vā .

Tasseva celassa vā sīsassa vā nibbāpanāya adhimattaṃ chandañca vāyāmañca ussāhañca ussoḷhiñca appaṭivāniñca satiñca sampajaññañca kareyya .

Evamevaṃ kho , āvuso , tena bhikkhunā ye kusale dhamme attani samanupassati tesu kusalesu dhammesu patiṭṭhāya , ye kusale dhamme attani na samanupassati tesaṃ kusalānaṃ dhammānaṃ paṭilābhāyaV3.88 adhimatto chando ca vāyāmo ca ussāho ca ussoḷhī ca appaṭivānī ca sati ca sampajaññañca karaṇīyaṃ .

‘‘ Sace panāvuso , bhikkhu paccavekkhamāno sabbepime kusale dhamme attani samanupassati , tenāvuso , bhikkhunā sabbesveva imesu kusalesuM3.340 dhammesu patiṭṭhāya uttari āsavānaṃ khayāya yogo karaṇīyo ’’ ti .

Pañcamaṃ .

Issues

Select Version

Dasakanipātapāḷi

Dasakanipātapāḷi