Issues
Editor
Settings
Versions
Select Version
Bhikkhu Bodhi
English
sāsanāre-သာသနာရေး
မြန်မာဘာသာ
Dasakanipātapāḷi
Dasakanipātapāḷi

(14)4. Sādhuvaggo

Author： _System_Pali_VRI_ @ Administrator

(14)4. Sādhuvaggo

1. Sādhusuttaṃ

134.[ a . ni .10.178]‘‘ SādhuñcaM3.453V3.208 vo , bhikkhave , desessāmi asādhuñca .
Taṃ suṇātha , sādhukaṃ manasi karotha ;
bhāsissāmī ’’ ti .
‘‘ Evaṃ , bhante ’’ ti kho te bhikkhū bhagavato paccassosuṃ .
Bhagavā etadavoca –
‘‘ Katamañca , bhikkhave , asādhu ?
Micchādiṭṭhi , micchāsaṅkappo , micchāvācā , micchākammanto , micchāājīvo , micchāvāyāmo , micchāsati , micchāsamādhi , micchāñāṇaṃ , micchāvimutti – idaṃ vuccati , bhikkhave , asādhu .
Katamañca , bhikkhave , sādhu ?
SammādiṭṭhiP5.241 , sammāsaṅkappo , sammāvācā sammākammanto , sammāājīvo , sammāvāyāmo , sammāsati , sammāsamādhi , sammāñāṇaṃ , sammāvimutti – idaṃ vuccati , bhikkhave , sādhū ’’ ti .
Paṭhamaṃ .

2. Ariyadhammasuttaṃ

135.‘‘ Ariyadhammañca vo , bhikkhave , desessāmi anariyadhammañca .
Taṃ suṇātha … pe … katamo ca , bhikkhave , anariyo dhammo ?
Micchādiṭṭhi … pe … micchāvimutti – ayaṃ vuccati , bhikkhave , anariyo dhammo .
Katamo ca , bhikkhave , ariyo dhammo ?
Sammādiṭṭhi … pe … sammāvimutti – ayaṃ vuccati , bhikkhave , ariyo dhammo ’’ ti .
Dutiyaṃ .

3. Akusalasuttaṃ

136.‘‘ Akusalañca vo , bhikkhave , desessāmi kusalañca .
Taṃ suṇāthaT5.259 … pe … katamañca , bhikkhave , akusalaṃ ?
Micchādiṭṭhi … pe … micchāvimutti – idaṃ vuccati , bhikkhaveV3.209 , akusalaṃ .
Katamañca , bhikkhave , kusalaṃ ?
Sammādiṭṭhi … pe … sammāvimutti – idaṃ vuccati , bhikkhave , kusalan ’’ ti .
Tatiyaṃ .

4. Atthasuttaṃ

137.‘‘ Atthañca vo , bhikkhave , desessāmi anatthañca .
Taṃ suṇātha … pe … katamo ca , bhikkhave , anattho ?
MicchādiṭṭhiP5.242 … pe … micchāvimutti – ayaṃ vuccati , bhikkhave , anattho .
Katamo ca , bhikkhave , attho ?
Sammādiṭṭhi … pe … sammāvimutti – ayaṃ vuccati , bhikkhave , attho ’’ ti .
Catutthaṃ .

5. Dhammasuttaṃ

138.‘‘ DhammañcaM3.454 vo , bhikkhave , desessāmi adhammañca .
Taṃ suṇātha … pe … katamo ca , bhikkhave , adhammo ?
Micchādiṭṭhi … pe … micchāvimutti – ayaṃ vuccati , bhikkhave , adhammo .
Katamo ca , bhikkhave , dhammo ?
Sammādiṭṭhi … pe … sammāvimutti – ayaṃ vuccati , bhikkhave , dhammo ’’ ti .
Pañcamaṃ .

6. Sāsavasuttaṃ

139.‘‘ Sāsavañca vo , bhikkhave , dhammaṃ desessāmi anāsavañca .
Taṃ suṇātha … pe … katamo ca , bhikkhave , sāsavoT5.260 dhammo ?
Micchādiṭṭhi … pe … micchāvimutti – ayaṃ vuccati , bhikkhave , sāsavo dhammo .
Katamo ca , bhikkhave , anāsavo dhammo ?
Sammādiṭṭhi … pe … sammāvimutti – ayaṃ vuccati , bhikkhave , anāsavo dhammo ’’ ti .
Chaṭṭhaṃ .

7. Sāvajjasuttaṃ

140.‘‘ Sāvajjañca vo , bhikkhave , dhammaṃ desessāmi anavajjañca .
Taṃ suṇātha … pe … katamo ca , bhikkhave , sāvajjo dhammo ?
Micchādiṭṭhi … pe … micchāvimuttiV3.210 – ayaṃ vuccati , bhikkhave , sāvajjo dhammo .
Katamo ca , bhikkhave , anavajjo dhammo ?
Sammādiṭṭhi … pe … sammāvimutti – ayaṃ vuccati , bhikkhave , anavajjo dhammo ’’ ti .
Sattamaṃ .

8. Tapanīyasuttaṃ

141.‘‘ TapanīyañcaP5.243 vo , bhikkhave , dhammaṃ desessāmi atapanīyañca .
Taṃ suṇātha … pe … katamo ca , bhikkhave , tapanīyo dhammo ?
Micchādiṭṭhi … pe … micchāvimutti – ayaṃ vuccati , bhikkhave , tapanīyo dhammo .
Katamo ca , bhikkhave , atapanīyo dhammo ?
Sammādiṭṭhi … pe … sammāvimutti – ayaṃ vuccati , bhikkhave , atapanīyo dhammo ’’ ti .
Aṭṭhamaṃ .

9. Ācayagāmisuttaṃ

142.‘‘ Ācayagāmiñca vo , bhikkhave , dhammaṃ desessāmi apacayagāmiñca .
Taṃ suṇātha … pe … katamo ca , bhikkhaveT5.261 , ācayagāmī dhammo ?
Micchādiṭṭhi … pe … micchāvimutti – ayaṃ vuccati , bhikkhave , ācayagāmī dhammo .
Katamo ca , bhikkhaveM3.455 , apacayagāmī dhammo ?
Sammādiṭṭhi … pe … sammāvimutti – ayaṃ vuccati , bhikkhave , apacayagāmī dhammo ’’ ti .
Navamaṃ .

10. Dukkhudrayasuttaṃ

143.‘‘ Dukkhudrayañca vo , bhikkhave , dhammaṃ desessāmi sukhudrayañca .
Taṃ suṇātha … pe … katamo ca , bhikkhave , dukkhudrayo dhammo ?
Micchādiṭṭhi … pe … micchāvimutti – ayaṃ vuccati , bhikkhave , dukkhudrayo dhammo .
Katamo ca , bhikkhave , sukhudrayo dhammo ?
Sammādiṭṭhi … pe … sammāvimutti – ayaṃ vuccati , bhikkhave , sukhudrayo dhammo ’’ ti .
Dasamaṃ .

11. Dukkhavipākasuttaṃ

144.‘‘ DukkhavipākañcaV3.211P5.244 vo , bhikkhave , dhammaṃ desessāmi sukhavipākañca .
Taṃ suṇātha … pe … katamo ca , bhikkhave , dukkhavipāko dhammo ?
Micchādiṭṭhi … pe … micchāvimutti – ayaṃ vuccati , bhikkhave , dukkhavipāko dhammo .
Katamo ca , bhikkhave , sukhavipāko dhammo ?
Sammādiṭṭhi … pe … sammāvimutti – ayaṃ vuccati , bhikkhave , sukhavipāko dhammo ’’ ti .
Ekādasamaṃ .
Sādhuvaggo catuttho .