Issues
Editor
Settings
Versions
Select Version
sāsanāre-သာသနာရေး
မြန်မာဘာသာ
Bhikkhu Bodhi
English
Dasakanipātapāḷi
Dasakanipātapāḷi

(22)2. Sāmaññavaggo

Author： _System_Pali_VRI_ @ Administrator

(22)2. Sāmaññavaggo

221.‘‘ DasahiV3.271M3.507 , bhikkhave , dhammehi samannāgato yathābhataṃ nikkhitto evaṃ niraye .
Katamehi dasahi ?
Pāṇātipātī hoti , adinnādāyī hoti , kāmesumicchācārī hoti , musāvādī hoti , pisuṇavāco hoti , pharusavāco hoti , samphappalāpī hoti , abhijjhālu hoti , byāpannacitto hoti , micchādiṭṭhiko hoti – imehi kho , bhikkhave , dasahi dhammehi samannāgatoT5.326 yathābhataṃ nikkhitto evaṃ niraye .
‘‘ DasahiP5.304 , bhikkhave , dhammehi samannāgato yathābhataṃ nikkhitto evaṃ sagge .
Katamehi dasahi ?
Pāṇātipātā paṭivirato hoti , adinnādānā paṭivirato hoti , kāmesumicchācārā paṭivirato hoti , musāvādā paṭivirato hoti , pisuṇāya vācāya paṭivirato hoti , pharusāya vācāya paṭivirato hoti , samphappalāpā paṭivirato hoti , anabhijjhālu hoti , abyāpannacitto hoti , sammādiṭṭhiko hoti – imehi kho , bhikkhave , dasahi dhammehi samannāgato yathābhataṃ nikkhitto evaṃ sagge ’’ ti .
222.‘‘ Vīsatiyā , bhikkhave , dhammehi samannāgato yathābhataṃ nikkhitto evaṃ niraye .
Katamehi vīsatiyā ?
Attanā ca pāṇātipātī hoti , parañca pāṇātipāte samādapeti ;
attanā ca adinnādāyī hoti , parañca adinnādāne samādapeti ;
attanā ca kāmesumicchācārī hoti , parañca kāmesumicchācāre samādapeti ;
attanā ca musāvādī hoti , parañca musāvāde samādapeti ;
attanā ca pisuṇavāco hoti , parañca pisuṇāya vācāya samādapeti ;
attanā ca pharusavāco hoti , parañca pharusāya vācāya samādapeti ;
attanā ca samphappalāpī hoti , parañca samphappalāpe samādapeti ;
attanā ca abhijjhālu hoti , parañca abhijjhāya samādapeti ;
attanā ca byāpannacitto hoti , parañca byāpāde samādapeti ;
attanā ca micchādiṭṭhiko hoti , parañca micchādiṭṭhiyā samādapeti – imehi kho , bhikkhave , vīsatiyā dhammehiT5.327 samannāgato yathābhataṃ nikkhitto evaṃ niraye .
‘‘ VīsatiyāV3.272 , bhikkhave , dhammehi samannāgato yathābhataṃ nikkhitto evaṃ sagge .
Katamehi vīsatiyā ?
Attanā ca pāṇātipātā paṭivirato hotiM3.508 , parañca pāṇātipātā veramaṇiyā samādapeti ;
attanā ca adinnādānā paṭivirato hoti , parañca adinnādānā veramaṇiyā samādapeti ;
attanā ca kāmesumicchācārā paṭivirato hoti , parañca kāmesumicchācārā veramaṇiyā samādapeti ;
attanā ca musāvādā paṭivirato hoti , parañca musāvādā veramaṇiyā samādapeti ;
attanā ca pisuṇāya vācāya paṭivirato hoti , parañca pisuṇāya vācāya veramaṇiyā samādapeti ;
attanā caP5.305 pharusāya vācāya paṭivirato hoti , parañca pharusāya vācāya veramaṇiyā samādapeti ;
attanā ca samphappalāpā paṭivirato hoti , parañca samphappalāpā veramaṇiyā samādapeti ;
attanā ca anabhijjhālu hoti , parañca anabhijjhāya samādapeti ;
attanā ca abyāpannacitto hoti , parañca abyāpāde samādapeti ;
attanā ca sammādiṭṭhiko hoti , parañca sammādiṭṭhiyā samādapeti – imehi kho , bhikkhave , vīsatiyā dhammehi samannāgato yathābhataṃ nikkhitto evaṃ sagge ’’ ti .
223.‘‘ Tiṃsāya , bhikkhave , dhammehi samannāgato yathābhataṃ nikkhitto evaṃ niraye .
Katamehi tiṃsāya ?
Attanā ca pāṇātipātī hoti , parañca pāṇātipāte samādapeti , pāṇātipāte ca samanuñño hoti ;
attanāT5.328 ca adinnādāyī hoti , parañca adinnādāne samādapeti , adinnādāne ca samanuñño hoti ;
attanā ca kāmesumicchācārī hoti , parañca kāmesumicchācāre samādapeti , kāmesumicchācāre ca samanuñño hoti ;
attanā ca musāvādī hoti , parañca musāvāde samādapeti , musāvāde ca samanuñño hoti ;
attanā ca pisuṇavāco hoti , parañca pisuṇāya vācāya samādapeti , pisuṇāya vācāya ca samanuñño hoti ;
attanā ca pharusavāco hoti , parañca pharusāya vācāya samādapeti , pharusāya vācāya ca samanuñño hoti ;
attanā ca samphappalāpī hoti , parañca samphappalāpe samādapeti , samphappalāpe ca samanuñño hoti ;
attanā ca abhijjhālu hoti , parañca abhijjhāya samādapeti , abhijjhāya ca samanuñño hoti ;
attanā ca byāpannacitto hoti , parañca byāpāde samādapeti , byāpāde ca samanuñño hoti ;
attanā ca micchādiṭṭhiko hoti , parañca micchādiṭṭhiyā samādapeti , micchādiṭṭhiyā ca samanuñño hoti – imehi khoM3.509 , bhikkhave , tiṃsāya dhammehi samannāgato yathābhataṃ nikkhitto evaṃ niraye .
‘‘ TiṃsāyaV3.273 , bhikkhave , dhammehi samannāgato yathābhataṃ nikkhitto evaṃ sagge .
Katamehi tiṃsāya ?
AttanāP5.306 ca pāṇātipātā paṭivirato hoti , parañca pāṇātipātā veramaṇiyā samādapeti , pāṇātipātā veramaṇiyā ca samanuñño hoti ;
attanā ca adinnādānā paṭivirato hoti , parañca adinnādānā veramaṇiyā samādapeti , adinnādānā veramaṇiyāT5.329 ca samanuñño hoti ;
attanā ca kāmesumicchācārā paṭivirato hoti , parañca kāmesumicchācārā veramaṇiyā samādapeti , kāmesumicchācārā veramaṇiyā ca samanuñño hoti ;
attanā ca musāvādā paṭivirato hoti , parañca musāvādā veramaṇiyā samādapeti , musāvādā veramaṇiyā ca samanuñño hoti ;
attanā ca pisuṇāya vācāya paṭivirato hoti , parañca pisuṇāya vācāya veramaṇiyā samādapeti , pisuṇāya vācāya veramaṇiyā ca samanuñño hoti ;
attanā ca pharusāya vācāya paṭivirato hoti , parañca pharusāya vācāya veramaṇiyā samādapeti , pharusāya vācāya veramaṇiyā ca samanuñño hoti ;
attanā ca samphappalāpā paṭivirato hoti , parañca samphappalāpā veramaṇiyā samādapeti , samphappalāpā veramaṇiyā ca samanuñño hoti ;
attanā ca anabhijjhālu hoti , parañca anabhijjhāya samādapeti , anabhijjhāya ca samanuñño hoti ;
attanā ca abyāpannacitto hoti , parañca abyāpāde samādapeti , abyāpāde ca samanuñño hoti ;
attanā ca sammādiṭṭhiko hoti , parañca sammādiṭṭhiyā samādapeti , sammādiṭṭhiyā ca samanuñño hoti – imehi kho , bhikkhave , tiṃsāya dhammehi samannāgato yathābhataṃ nikkhitto evaṃ sagge ’’ ti .
224.‘‘ Cattārīsāya , bhikkhave , dhammehi samannāgato yathābhataṃ nikkhitto evaṃ niraye .
Katamehi cattārīsāya ?
Attanā ca pāṇātipātī hoti , parañca pāṇātipāte samādapeti , pāṇātipāte ca samanuñño hotiT5.330 , pāṇātipātassa ca vaṇṇaṃ bhāsati ;
attanā ca adinnādāyī hoti , parañca adinnādāne samādapeti , adinnādāne ca samanuñño hoti , adinnādānassa ca vaṇṇaṃ bhāsati ;
attanā ca kāmesumicchācārī hotiM3.510 , parañca kāmesumicchācāre samādapeti , kāmesumicchācāreP5.307 ca samanuñño hoti , kāmesumicchācārassa ca vaṇṇaṃ bhāsati ;
attanā ca musāvādī hoti , parañca musāvāde samādapeti , musāvāde ca samanuñño hoti , musāvādassa ca vaṇṇaṃ bhāsati ;
attanā ca pisuṇavāco hoti , parañca pisuṇāya vācāya samādapeti , pisuṇāya vācāya ca samanuñño hoti , pisuṇāya vācāya ca vaṇṇaṃ bhāsati ;
attanā ca pharusavāco hoti , parañca pharusāya vācāya samādapeti , pharusāyaV3.274 vācāya ca samanuñño hoti , pharusāya vācāya ca vaṇṇaṃ bhāsati ;
attanā ca samphappalāpī hoti , parañca samphappalāpe samādapeti , samphappalāpe ca samanuñño hoti , samphappalāpassa ca vaṇṇaṃ bhāsati ;
attanā ca abhijjhālu hoti , parañca abhijjhāya samādapeti , abhijjhāya ca samanuñño hoti , abhijjhāya ca vaṇṇaṃ bhāsati ;
attanā ca byāpannacitto hoti , parañca byāpāde samādapeti , byāpāde ca samanuñño hoti , byāpādassa ca vaṇṇaṃ bhāsati ;
attanā ca micchādiṭṭhiko hoti , parañca micchādiṭṭhiyā samādapeti , micchādiṭṭhiyā ca samanuñño hoti , micchādiṭṭhiyā ca vaṇṇaṃ bhāsati – imehi kho , bhikkhave , cattārīsāya dhammehi samannāgatoT5.331 yathābhataṃ nikkhitto evaṃ niraye .
‘‘ Cattārīsāya , bhikkhave , dhammehi samannāgato yathābhataṃ nikkhitto evaṃ sagge .
Katamehi cattārīsāya ?
Attanā ca pāṇātipātā paṭivirato hoti , parañca pāṇātipātā veramaṇiyā samādapeti , pāṇātipātā veramaṇiyā ca samanuñño hoti , pāṇātipātā veramaṇiyā ca vaṇṇaṃ bhāsati ;
attanā ca adinnādānā paṭivirato hoti , parañca adinnādānā veramaṇiyā samādapeti , adinnādānā veramaṇiyā ca samanuñño hoti , adinnādānā veramaṇiyā ca vaṇṇaṃ bhāsati ;
attanā ca kāmesumicchācārā paṭivirato hoti , parañca kāmesumicchācārā veramaṇiyā samādapeti , kāmesumicchācārā veramaṇiyā ca samanuñño hoti , kāmesumicchācārā veramaṇiyā ca vaṇṇaṃ bhāsati ;
attanā ca musāvādā paṭivirato hoti , parañca musāvādā veramaṇiyā samādapeti , musāvādā veramaṇiyā ca samanuñño hoti , musāvādā veramaṇiyā ca vaṇṇaṃ bhāsati ;
attanā ca pisuṇāyaP5.308 vācāya paṭivirato hoti , parañca pisuṇāya vācāya veramaṇiyāM3.511 samādapeti , pisuṇāya vācāya veramaṇiyā ca samanuñño hoti , pisuṇāya vācāya veramaṇiyā ca vaṇṇaṃ bhāsati ;
attanā ca pharusāya vācāya paṭivirato hoti , parañca pharusāya vācāya veramaṇiyā ca samādapeti , pharusāya vācāya veramaṇiyā ca samanuñño hoti , pharusāya vācāya veramaṇiyā ca vaṇṇaṃ bhāsati ;
attanā ca samphappalāpā paṭivirato hoti , parañca samphappalāpā veramaṇiyāT5.332 samādapeti , samphappalāpā veramaṇiyā ca samanuñño hoti , samphappalāpā veramaṇiyā ca vaṇṇaṃ bhāsati ;
attanā ca anabhijjhālu hoti , parañca anabhijjhāya samādapeti , anabhijjhāya ca samanuñño hoti , anabhijjhāya ca vaṇṇaṃ bhāsati ;
attanā ca abyāpannacitto hoti , parañca abyāpāde samādapeti , abyāpāde ca samanuñño hoti , abyāpādassa ca vaṇṇaṃ bhāsati ;
attanā ca sammādiṭṭhiko hotiV3.275 , parañca sammādiṭṭhiyā samādapeti , sammādiṭṭhiyā ca samanuñño hoti , sammādiṭṭhiyā ca vaṇṇaṃ bhāsati – imehi kho , bhikkhave , cattārīsāya dhammehi samannāgato yathābhataṃ nikkhitto evaṃ sagge ’’ ti .
225-228.
‘‘ Dasahi , bhikkhave , dhammehi samannāgato khataṃ upahataṃ attānaṃ pariharati … pe … akkhataṃ anupahataṃ attānaṃ pariharati … pe … vīsatiyā , bhikkhave … pe … tiṃsāya , bhikkhave … pe … cattārīsāya , bhikkhave , dhammehi samannāgato khataṃ upahataṃ attānaṃ pariharati … pe ….
229-232.
‘‘ DasahiT5.333 , bhikkhave , dhammehi samannāgato idhekacco kāyassa bhedā paraṃ maraṇā apāyaṃ duggatiṃ vinipātaṃ nirayaṃP5.309 upapajjati … pe … idhekacco kāyassa bhedā paraṃ maraṇā sugatiṃ saggaṃ lokaṃ upapajjati .
Vīsatiyā , bhikkhave … pe … tiṃsāya , bhikkhave ,… pe … cattārīsāya , bhikkhave , dhammehi samannāgato idhekacco kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati … pe … idhekacco kāyassa bhedā paraṃ maraṇā sugatiṃ saggaṃ lokaṃ upapajjati ’’.
233-236.
‘‘ Dasahi , bhikkhave , dhammehi samannāgato bālo veditabbo … pe … paṇḍito veditabbo … pe … vīsatiyā , bhikkhave … pe … tiṃsāya , bhikkhave … pe … cattārīsāya , bhikkhave , dhammehi samannāgato bālo veditabbo … pe … paṇḍito veditabboM3.512 … pe … imehi kho , bhikkhave , cattārīsāya dhammehi samannāgato paṇḍito veditabbo ’’ ti .
Sāmaññavaggo dutiyo .