Issues
අනුවාදය තෝරන්න
Dhammasaṅgaṇī-aṭṭhakathā
Dhammasaṅgaṇī-aṭṭhakathā

Ganthārambhakathā

කතුවරයා: _System_Pali_VRI_ @ Administrator

Ganthārambhakathā

KaruṇāM0.1P0.1V0.1 viya sattesu , paññā yassa mahesino ;
Ñeyyadhammesu sabbesu , pavattittha yathāruci .
DayāyaV0.2 tāya sattesu , samussāhitamānaso ;
Pāṭihīrāvasānamhi , vasanto tidasālaye .
Pāricchattakamūlamhi , paṇḍukambalanāmake ;
Silāsane sannisinno , ādiccova yugandhare .
Cakkavāḷasahassehi , dasahāgamma sabbaso ;
Sannisinnena devānaṃ , gaṇena parivārito .
Mātaraṃ pamukhaṃ katvā , tassā paññāya tejasā ;
Abhidhammakathāmaggaṃ , devānaṃ sampavattayi .
Tassa pāde namassitvā , sambuddhassa sirīmato ;
Saddhammañcassa pūjetvā , katvā saṅghassa cañjaliṃ .
Nipaccakārassetassa , katassa ratanattaye ;
Ānubhāvena sosetvā , antarāye asesato .
Visuddhācārasīlena , nipuṇāmalabuddhinā ;
Bhikkhunā buddhaghosena , sakkaccaṃ abhiyācito .
YaṃM0.2 devadevo devānaṃ , desetvā nayato puna ;
Therassa sāriputtassa , samācikkhi vināyako .
Anotattadahe katvā , upaṭṭhānaṃ mahesino ;
Yañca sutvāna so thero , āharitvā mahītalaṃ .
BhikkhūnaṃV0.3 payirudāhāsi , iti bhikkhūhi dhārito ;
Saṅgītikāle saṅgīto , vedehamuninā puna .
Tassa gambhīrañāṇehi , ogāḷhassa abhiṇhaso ;
Nānānayavicittassa , abhidhammassa ādito .
Yā mahākassapādīhi , vasīhiṭṭhakathā purā ;
Saṅgītā anusaṅgītā , pacchāpi ca isīhi yā .
Ābhatā pana therena , mahindenetamuttamaṃ ;
Yā dīpaṃ dīpavāsīnaṃ , bhāsāya abhisaṅkhatā .
ApanetvāP0.2 tato bhāsaṃ , tambapaṇṇinivāsinaṃ ;
Āropayitvā niddosaṃ , bhāsaṃ tantinayānugaṃ .
Nikāyantaraladdhīhi , asammissaṃ anākulaṃ ;
Mahāvihāravāsīnaṃ , dīpayanto vinicchayaṃ .
Atthaṃ pakāsayissāmi , āgamaṭṭhakathāsupi ;
Gahetabbaṃ gahetvāna , tosayanto vicakkhaṇe .
Kammaṭṭhānāni sabbāni , cariyābhiññā vipassanā ;
Visuddhimagge panidaṃ , yasmā sabbaṃ pakāsitaṃ .
Tasmā taṃ aggahetvāna , sakalāyapi tantiyā ;
Padānukkamato eva , karissāmatthavaṇṇanaṃ .
ItiV0.4 me bhāsamānassa , abhidhammakathaṃ imaṃ ;
Avikkhittā nisāmetha , dullabhā hi ayaṃ kathāti .